2021 წლის მე-2 კვარტალი, ფინანსური შედეგების კუთხით, IT-გიგანტებისთვის - Facebook, Apple, Amazon, Microsoft და Alphabet-ისთვის რეკორდული აღმოჩნდა - მათი ჯამური კაპიტალიზაცია $10 ტრლნ-ს მიუახლოვდა.
Google-ის დამაარსებელმა კომპანია Alphabet-მა შემოსავალი $61,9 მლრდ–მდე გაზარდა, რაც საპროგნოზო $56,2 მლრდ-ს მნიშვნელოვნად აღემატება.
ეს არა მხოლოდ პანდემიურ 2020 წელს, არამედ პანდემიამდელ 2019-საც 26%-ით აღემატება, ბოლო 5 წლის მანძილზე კომპანიის შემოსავლის წლიური ზრდა კი საშუალოდ 23%-ს შეადგენდა.
Microsoft-ის კვარტალურმა შემოსავალმა $46,2 მლრდ შეადგინა, რაც ასევე პროგნოზს ($44,2 მლრდ) აღემატება. ბოლო 2 წლის მანძილზე წლიურმა ზრდამ 17%, ხოლო წინა 5 წელიწადში - 16,7% შეადგინა.
სხვებზე მეტად პროგნოზებს Apple-მა გაუსწრო, რომლის შემოსავალმაც მოსალოდნელი $73,6 მლრდ-ის ნაცლად $81, 4 მლრდ შეადგინა. ბოლო 2 წლის მანძილზე ზრდა 23% იყო, მაშინ, როდესაც წინა 5 წელში - 12,3%.
Apple-ის ინვესტორები აფასებენ იმას, რომ კომპანია არ კმაყოფილდება iPhone-ის წარმატებით და ახალ პროდუქტებს და სერვისებს მუდმივად უშვებს. მაგალითად Apple Watch და AirPods-მა კომპანიას კვარტალში $8,7 მლრდ–ის შემოსავალი მოუტანა, ხოლო სერვისის ბიზნესმა - $17,5 მლრდ.
გიგანტი სოცქსელი Facebook, რომელიც სოციალური ქსელის გარდა მესენჯერ WhatsApp-ს და Instagram-ს ფლობს, ასევე შემოსავლის ზრდაზე საუბრობს - საანგარიშო პერიოდში ამ მაჩვენებელმა $29,1 მლრდ შეადგინა, მაშინ როდესაც პროგნოზი $27,9 მლრდ იყო.
შემოსავლის ზრდა მსოფლიო ბრენდების მხრიდან რეკლამის ღირებულების ზრდამ გამოიწვია. ბოლო 2 წლის მანძილზე, ყოველ წელს, ზრდამ წარმოუდგენელი 84% შეადგინა, მაშინ როდესაც წინა 5 წელიწადში - 43% იყო.
Amazon აღმოჩნდა ერთად-ერთი კომპანია, რომლის შემოსავალმაც 27%-ანი ზრდა დააფიქსირა, თუმცა პროგნოზს ვერ გაუსწრო - $113 მლრდ – $115 მლრდ–ის ნაცვლად. ამის მიზეზი გახდა ის, რომ პანდემიის შესუსტების და შეზღუდვების გაუქმების შემდეგ ონლაინ-შოპინგის პოპულარობა შემცირდა
რამდენად შესაძლებელია ტრილიონიანი კომპანიების კაპიტალიზაციის შემდგომი ზრდა? იქნებ მათ თავიანთი ძლევამოსილების მწვერვალს უკვე მიაღწიეს და მომავალში მოსალოდნელია ან მცირე ვარდნა ან სტაბილურად დაბალი ზრდა?
ექსპერტების აზრით, IT-გიგანტებს შემდგომი ზრდისთვის ყველა შესაძლებლობა აქვთ - მათი დღევანდელი ღირებულება დაბალი ნამდვილად არაა, მაგრამ ის სრულიად შეეფერება მათ პოპულარობას და მათ ადგილს მსოფლიოში.
რა თქმა უნდა, 20-40%-ანი წლიური ზრდა დიდხანს ვერ გაგრძელდება, რადგანაც წინა 5 წლის წინ ამ კომპანიების ფასი აშკარად რეალურზე დაბალი იყო. დღეს სხვა ვითარებაა, IT-გიგანტების ღირებულება ობიექტურადაა შეფასებული, ამიტომაც ზრდა თუ იქნება, ის იქნება ნაკლებად შთამბეჭდავი, მაგრამ მდგრადი და სტაბილური - სავარაუდოდ, უახლოესი 5 წლის მანძილზე IT-გიგანტების აქციების ფასი 10-15%-ით გაიზრდება.
rbc.ru