ბრიტანეთის ფინანსთა მინისტრმა, რაში სუნაკმა ქვეყნის მასპინძლობის ბიზნესებს, რომლებიც Covid-19-ის ახალი ტალღების გამო შესუსტებულ მოთხოვნას განიცდიან, $1.3 მილიარდიანი მხარდაჭერა გამოუცხადა. სუნაკი ასევე არ გამორიცხავს შემდგომი შეზღუდვების საჭიროებას ომიკრონის ვარიანტის დასაძლევად.
გაერთიანებული სამეფოს ფინანსთა მინისტრის განცხადებით, პაბები, რესტორნები და მასპინძლობის და დასვენების სხვა ბიზნესები ფულადი გრანტის სახით 6 000 ფუნტს მიიღებენ. ასევე, დამატებითი ფულადი სახსრები გამოეყოფა კულტურულ ინსტიტუტებს და კომპანიებს ავადმყოფობის დღეების ასანაზღაურებლად.
ნაბიჯი მიზნად ისახავს უპასუხოს ბიზნესის მოთხოვნას მეტი მხარდაჭერის შესახებ, იმ ფონზე, რასაც ბრიტანეთის მრეწველობის კონფედერაციამ ფარული დაბლოკვა უწოდა. ვირუსის გავრცელების გამო ბრიტანელები თავს არიდებენ სოციალურ შეკრებებს, რაც ბიზნესების მუშაობაზე აისახება.
სუნაკის თქმით, დამატებით კიდევ 30 მილიონი ფუნტი კულტურული ინსტიტუტების დასახმარებლად გამოიყოფა, როგორიცაა მუზეუმები და თეატრები.
წყარო: Bloomberg, "ბიზნეს ფორმულა"