გაერო-ს გენერალური მდივანი მსოფლიოს აფრთხილებს, რომ გლობალური დათბობის „უკან არდაბრუნების წერტილი“ გვიახლოვდება

გაერო-ს გენერალური მდივანი მსოფლიოს აფრთხილებს, რომ გლობალური დათბობის „უკან არდაბრუნების წერტილი“ გვიახლოვდება

access_time2019-12-02 22:15:56

გაერო-ს გენერალური მდივანი ანტონიუ გუტერეში აცხადებს, რომ მსოფლიოს ძალისხმევა კლიმატის ცვლილების შესაჩერებლად, „უაღრესად შეუსაბამო“ იყო და შესაბამისად, არსებობს საფრთხე, რომ გლობალურმა დათბობამ „უკან არდაბრუნების წერტილი“ გადალახოს.

 

მადრიდში ორკვირიანი საერთაშორისო კლიმატური კონფერენციის დაწყებამდე, გაეროს ხელმძღვანელმა განაცხადა, რომ ტემპერატურის ზრდა და ამით გამოწვეული უფრო ექსტრემალური ამინდი უკვე იგრძნობა მთელ მსოფლიოში, რასაც დრამატული გავლენა აქვს ადამიანებსა და სხვა სახეობებზე.

 

როგორც იგი შენიშნავს, მსოფლიოს აქვს გლობალური დათბობის შეზღუდვისთვის საჭირო მეცნიერული ცოდნა და ტექნიკური საშუალებები, მაგრამ არ არსებობს ამის პოლიტიკური ნება.

 

„უკან არდაბრუნების წერტილი უკვე ჰორიზონტზე მოჩანს და ჩვენკენ მოჰქრის“, — განუცხადა გუტერეშმა ჟურნალისტებს ესპანეთის დედაქალაქში.

 

კონფერენცია 2-13 დეკემბერს გაიმართება და დელეგატები ორასამდე ქვეყნიდან, შეეცდებიან საბოლოო დეტალები შეიტანონ 2015 წელს მიღებულ პარიზის კლიმატის შეთანხმებაში; მათ შორის, როგორ შეიქმნას საერთაშორისო გამონაბოლქვების ფუნქციონალური სავაჭრო სისტემები, დაეხმარონ ღარიბ ქვეყნებს ზღვის დონის მატებისა და კლიმატის ცვლილების სხვა შედეგებისგან მიყენებული ზარალის აღმოფხვრაში.

 

გუტერეშმა მოიშველია სამეცნიერო მტკიცებულებები, რომელთა მიხედვითაც, ადამიანის საქმიანობის შედეგად გამოყოფილმა სათბურის აირებმა უკვე მოახდინეს გავლენა პლანეტაზე, მათ შორის დაასახელა რეკორდული ტემპერატურები და პოლარული ყინულების დნობა.

 


გუტერეშის თქმით, მისი გზავნილი „ერთ-ერთი იმედია და არა სასოწარკვეთა. ბუნებასთან ჩვენი ომი უნდა დასრულდეს და ვიცოდეთ, რომ ეს შესაძლებელია“.

 

ოთხი წლის წინ, მსოფლიოს ქვეყნები პარიზში შეთანხმდნენ, რომ შეამცირონ გლობალური დათბობა და საუკუნის ბოლოსთვის არ დაუშვან ტემპერატურის 2 გრადუს ცელსიუსზე მეტით მომატება (იდეალურ ნიშნულად 1,5 გრადუსი დაისახეს) ინდუსტრიამდელ პერიოდთან შედარებით. საშუალო გლობალურმა ტემპერატურამ უკვე მოიმატა 1 გრადუსი ცელსიუსით და ამბიციურ სამიზნემდე მიღწევის შანსიც უფრო შემცირდა.

გუტერეში აღნიშნავს, რომ მოქალაქეებისგან, განსაკუთრებით ახალგაზრდობისგან სულ უფრო იზრდება კლიმატური ქმედებების განხორციელების სურვილი.

 

„თუმცა, ჯერ კიდევ არ არსებობს პოლიტიკური ნება. ნება, რომ შეიზღუდოს ნახშირბადი. პოლიტიკური ნება, რომ შეჩერდეს წიაღისეული საწვავის სუბსიდირება. პოლიტიკური ნება, რომ 2020 წლიდან შეჩერდეს ქვანახშირზე მომუშავე ქარხნების მშენებლობა. პოლიტიკური ნება, რომ დაიბეგროს ნახშირბადისგან მიღებული შემოსავალი. დაიბეგროს დაბინძურება და არა ხალხი“, — აღნიშნა გაერო-ს გენერალურმა მდივანმა.

 

გუტერეში შენიშნავს, რომ 70 ქვეყანა, რომელთა უმეტესობა ყველაზე მოწყვლადია კლიმატის ცვლილებისადმი, პირობას დებს, რომ სათბურის აირების გამოყოფას 2050 წლამდე შეაჩერებს.

 

თუმცა, იგი იქვე დასძენს, რომ მსოფლიოს უდიდესი დამბინძურებლები ხმას არ იღებენ და მათ გარეშე, მიზანი მიუღწეველი რჩება.

 

გაერო-ს ხელმძღვანელის აზრით, გამონაბოლქვის მსოფლიო ბაზრის შექმნა, რაც პარიზის შეთანხმების მეექვსე თავის საკვანძო ელემენტია, მხარეებს შორის ერთ-ერთი ყველაზე სადავო საკითხია. გუტერეში იმედოვნებს, რომ მადრიდის კონფერენციაზე ამ მხრივ პროგრესი იქნება.

 

კონფერენციას 29 000-მდე სტუმარი დაესწრება, მათ შორის 50 სახელმწიფოსა და მთავრობის მეთაური, ასევე წარმოდგენილი იქნებიან მეცნიერები და აქტივისტები.

 

ნახშირბადის ყველაზე დიდი გამომყოფები მსოფლიოში არიან აშშ, ჩინეთი და ინდოეთი. ეს ქვეყნები კონფერენციაზე მინისტრებით და უფრო დაბალი რანგის ოფიციალური პირებით იქნებიან წარმოდგენილი.

 

მომზადებულია Associated Press-ის მიხედვით.

წყარო: პირველი არხი





ლაგოდეხში შოკოლადის მწარმოებელი ცნობილი შვეიცარიული კომპანია Camille Bloch-ი თხილის პლანტაციებს გააშენებს

ლაგოდეხში შოკოლადის მწარმოებელი ცნობილი შვეიცარიული კომპანია Camille Bloch-ი  თხილის პლანტაციებს გააშენებს
access_time2020-01-23 17:22:11
შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში თხილის პლანტაციებს გააშენებს, ქართულ თხილს კი პროდუქტ "რაგუსას" წარმოებაში გამოიყენებს, - საინვესტიციო პროექტის განხორციელების დეტალებზე საქართველოს პრემიერ-მინისტრმა გიორგი გახარიამ და კომპანიის აღმასრულებელმა დირექტორმა დანიელ ბლოხმა დავოსში გამართული შეხვედრისას ისაუბრეს. Camille Bloch-მა უკვე დაარეგისტრირა კომპანია საქართველოში და მოიძია 651 ჰეტრამდე მიწის ნაკვეთის ლაგოდეხის...

„სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ“

„სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ“
access_time2020-01-23 16:30:18
სასტუმრო „ბუდაპეშტის“ ინვესტორები ვაკის პარკის ტერიტორიაზე მშენებლობის ნებართვას ვერ მიიღებენ და ვერაფერს ვერ ააშენებენ, - ასე უპასუხა თბილისის ვიცე-მერმა ირაკლი ხმალაძემ სასტუმრო „ბუდაპეშტის“ პროექტის ხელმძღვანელის განცხადებას, რომ ისინი მეტი დროის დაკარგვას აღარ აპირებენ და იანვრის ბოლოს მერიაში განცხადებას შეიტანენ, რომ ისევ ვაკის პარკის მიმდებარე ტერიტორიაზე სასტუმრო „ბუდაპეშტი“...

„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“

„თუ ამერიკაში ნეგატიური დამოკიდებულება ჩამოყალიბდა საქართველოს ეკონომიკურ მიმზიდველობასთან დაკავშირებით, ეს ეფექტი მთელ სამყაროზე გადავა“
access_time2020-01-23 14:30:56
ოთხი ამერიკელი კონგრესმენი – ადამ კინზინგერი, ჯერი კონოლი, ელიოტ ენგელი და მაიკლ მაკაული საქართველოს პრემიერ-მინისტრ გიორგი გახარიას წერილით მიმართავენ. როგორც წერილშია აღნიშნული, ისინი შეშფოთებას გამოთქვამენ დაპირებული დემოკრატიულ რეფორმებზე უარისა და ამასთან დაკავშირებით მშვიდობიანი დემონსტრანტების წინააღმდეგ ძალადობის, ასევე ანაკლიის ღრმაწყლოვანი პორტის პროექტის პოლარიზაციის გამო. გარდა ამისა, მათი თქმით, ეკონომიკური ინდიკატორები საქართველოში პირდაპირი...

ჯანდაცვის სამინისტროს სამედიცინო დაწესებულებების 300 მილიონამდე ვალი აქვს

ჯანდაცვის სამინისტროს სამედიცინო დაწესებულებების 300 მილიონამდე ვალი აქვს
access_time2020-01-23 15:30:50
როდის დაფარავს ჯანდაცვის სამინისტრო კლინიკების ვალს? აღნიშნულ კითხვაზე აქამდე მთავრობაში ამტკიცებდნენ, რომ 3-4 თვეში ამ ვალს ისინი გაისტუმრებდნენ, თუმცა ჯანდაცვის მინისტრი ამჯერად კონკრეტულ თარიღს ვეღარ ასახელებს. “ევროპული საქართველოს” წევრის ზურაბ ჭიაბერაშვილის აზრით, სამედიცინო დაწესებულებების მიმართ 2019 წელს დაგროვილი დავალიანების დაფარვას სახელმწიფო ამ წლის განმავლობაში ვერ შეძლებს, რადგან ბიუჯეტი მიმდინარე საჭიროებებს უნდა...

კიდევ ერთი გადავადებული პროექტი – მიწისქვეშა გაზსაცავის მშენებლობის ვადამ 2020 წლის ნაცვლად, 2024 წელს გადაიწია

კიდევ ერთი გადავადებული პროექტი – მიწისქვეშა გაზსაცავის მშენებლობის ვადამ 2020 წლის ნაცვლად, 2024 წელს გადაიწია
access_time2020-01-23 13:26:50
ბუნებრივი გაზის მიწისქვეშა გაზსაცავის მშენებლობა საქართველოს ენერგოუსაფრთხოებისთვის უმნიშვნელოვანესი კომპონენტია. სწორედ, ენერგოუსაფრთხოების სტანდარტების გაუმჯობესების დირექტივა (N 2004/67/EC) მიიღო საქართველომ ენერგოგაერთიანებაში გაწევრიანების შედეგად, რაც ერთმნიშვნელოვნად დადებითი ფაქტია. თავდაპირველად პროექტის დასრულების ვადა 2020 წლის 31 დეკემბერი იყო, თუმცა თარიღის გადაწევა საქართველოსა და ენერგოგაერთიანების სამდივნოს შორის ურთიერთშეთანხმების საფუძველზე შესაძლებელი გახდა და გაზსაცავის...


მსგავსი სიახლეები

up