გადის თუ არა თბილისის ავტობუსები ტექდათვალიერებას?

გადის თუ არა თბილისის ავტობუსები ტექდათვალიერებას?

person access_time2016-03-08 18:13:24

თბილისში ყვითელი ავტობუსები ახალი ავტობუსებით ჩანაცვლდება. თბილისის მერია ახალი მუნიციპალური ტრანსპორტის შემოსაყვანად ევროპის განვითარების და რეკონსტრუქციის ბანკთან (EBRD) აწარმოებს მოლაპარაკებებს. როდის შემოვა თბილისში ახალი ავტობუსები, ამ დროისთვის უცნობია. თემაზე რადიო „კომერსანტის" რუბრიკა „საათის თემაში" ავტოექსპერტმა დავით მესხიშვილმა ისაუბრა:


- თუ არსებობს მონაცემები, უშუალოდ საზოგადოებრივი ტრანსპორტის წილი როგორია გარემოს დაბინძურებაში ?

 

- სამწუხაროდ, საზოგადოებრივი ტრანსპორტი წილი გამოყოფილი არ არის. ეს იმის ბრალია, რომ არ არის დეტალური და სიღრმისეული კვლევა ჩატარებული. ჩვენს ასოციაციას გარემოს დაცვის სამინისტროში არაერთი შეხვედრა ჰქონდა და საბედნიეროდ, სამინისტრო დაინტერესებულია ასეთი კვლევის ჩატარებით. ამის შემდეგ, ჩვენ დეტალურად გავიგებთ, თუ რამდენად ბინძურდება გარემო და რა ტიპის სატრანსპორტო საშუალებაა უფრო მეტად დამაბინძურებელი გარემოსთვის. ზოგადად შემიძლია ვთქვა, რომ ჰაერის დაბინძურების 72 პროცენტიანი წილი ავტომობილებზე მოდის. მათ შორის საზოგადოებრივი ტრანსპორტი, რომელიც ისე ბოლავს, რომ შეიძლება 2-3 წუთი გზაც არ გამოჩნდეს.


- თუ არსებობს ტექნიკური შესაძლებლობა, რომ სანამ ახალ ავტობუსებს შემოიყვანენ მავნე გამონაბოლვის რაოდენობის შემცირება მოხდეს?



- საზოგადოებრივი ტრანსპორტი არის საქალაქთაშორისო და მუნიციპალური. ყველა მათგანს ვალდებულება აქვს, რომ წელიწადში ორჯერ ტექნიკური დათვალიერება გაიაროს. მათ შორის დიდუბის სადგურიდან გამავალმა ავტობუსმა ან მიკროავტობუსმა. ამ სატრანსპორტო საშუალებებს ტექნიკური დათვალიერების გავლის არაფერი არ ეტყობათ. თუ რაიმე მოძრაობს დედაქალაქში ან მის ფარგლებს გარეთ, ზუსტად არის საზოგადოებრივი ტრანსპორტი. არადა, ის უნდა იყოს ყველაზე სამაგალითო, მოწესრიგებული და მასში დაცული უნდა იყოს უსაფრთხოების სტანდარტები.

 

არ მინდა ჩვენი საზოგადოება შევაშინო, მაგრამ დღეს საზოგადოებრივი ტრანსპორტი არამარტო არაკომფორტულია, არამედ საფრთხის შემცველია. მათ შორის თბილისში მოსიარულე მიკროავტობუსები, რომლებიც კუსტარულადაა გაზზე გადაყვანილი. ეს ძალიან საშიშია. ყვითელ მიკროავტობუსებზე ძრავებია შეცვლილი, რაც პირდაპირ ფეთქებად საშიშია. მხოლოდ გამონაბოლქვი რომ იყოს ჩვენი პრობლემა, რაღა გვიჭირს. თუმცა, გამონაბოლქვი ერთერთი გრძელვადიანი პრობლემაა. მე არ მინდა ხალხი დავზაფრო, უბრალოდ რეალობაა. რაც შეეხება გამონაბოლქვის შემცირებას, ძველი, არსებული ავტობუსების შემთხვევაში ეს შეუძლებელია. ავტობუსების შემთხვევაში ერთადერთი გამოსავალი ახალი ავტობუსების შეძენაა. ჩვენ ვითხოვდით, რომ საუკეთესო ვარიანტი იქნებოდა, ეს ყოფილიყო ელექტრომობილი ავტობუსები, თუმცა, მერიამ ამაზე უარი თქვა, ახლა აპირებენ გაზზე მომუშავე ავტობუსების შემოყვანას.

 

- უკვე ცნობილია, რომ თბილისს მალე ახალი, გაზზე მომუშავე ავტობუსები ექნება. თუ გაქვთ ინფორმაცია, რამდენად ეკოლოგიურად სუფთა იქნება ისინი?


- გაზზე მომუშავე ავტობუსები გაცილებით ეკოლოგიურია, თუმცა გააჩნია საერთაშორისო ტენდერში რა კომპანია გაიმარჯვებს. ხარისხობრივი თვალსაზრისით ამას ძალიან დიდი მნიშვნელობა ექნება. მაგალითად, ბოლო პერიოდში გავრცელდა ინფორმაცია, რომ ტენდერში მონაწილეობას იღებს რუსული კომპანია „გაზგრუპი". მე ამ კომპანიის პროდუქციას ვახასიათებ, როგორც მსოფლიოში ყველაზე დაბალი დონისას. მსოფლიოში ეს არის ერთერთი ყველაზე დაბალი ხარისხის პროდუქცია, რომელსაც არ აქვს უფლება საქართველოში ტენდერში მიიღოს მონაწილეობა. ის თანამშრომლობს აფხაზეთის დეფაქტო ხელისუფლებასთან, როგორც დამოუკიდებელ სახელმწიფოსთან. თუმცა, მერიამ ამ კომპანიისგან უკვე შეიძინა დასუფთავების სამსახურისთვის გაზელები. ახლა კი ტენდერში მონაწილეობას აპირებს. ჩვენ ვთავაზობდით მერიას, გადაედგა ნაბიჯი და შეეძინა ელექტრომობილები. ძალიან მაგარი ნაბიჯი იქნებოდა, აქ იყო ფინანსური საკითხი, კერძოდ ის, რომ უფრო ძვირი ჯდება ელექტრომობილების შეძენა. თუმცა, არ თვლიან იმას, თუ რამდენად ეკონომიას აკეთებს ყოველწლიურად. ელექტრომობილების ფინანსური ეკონომია იძლეოდა საშუალებას, რომ თავის თავს 3 წელში ამოიღებდა. ამას მერიამ მოკლევადიან პერსპექტივაში შეხედა.


- იმაში, რომ გარემო დაბინძურებულია, თუ დგას მერიის პასუხისმგებლობა? როგორ შეაფასებთ სახელმწიფოს მუშაობას ეკოლოგიური პრობლემების აღმოფხვრის მხრივ?


- ჰაერის დაბინძურებაზე როდესაც ვსაუბრობთ, რამდენიმე დეტალი უნდა ვთქვათ. პირველი ეს არის საზოგადოებრივი ტრანსპორტი. სადაც საცობია შექმნილი, იქ ჰაერის დაბინძურება ზღვარს აჭარბებს. შედეგად, მერია უნდა ზრუნავდეს გადატვირთული საგზო მოძრაობის აღმოფხვრაზე, რასაც ის არ აკეთებს. ახლა თუ დროულად არ შეიძენს ახალ ავტობუსებს, გამოვა, რომ არაფერს არ აკეთებს. მერია ჯერჯერობით იღებს გადაწყვეტილებებს, რომელიც არის სრულიად მცდარი. დღეს ქალაქის მუნიციპალიტეტი სწორ გადაწყვეტილებებს არ იღებს, ასევე არ თანამშრომლობს იმ დოზით არასამთავრობო სექტორთან, რა დოზითაც უნდა თანამშრომლობდეს. ბუნებრივია, მათი პასუხისმგებლობის საკითხი თავის წილში დგას.



მიხეილ ჩხენკელი განათლების მინისტრად მეორედ დაინიშნა

მიხეილ ჩხენკელი განათლების მინისტრად მეორედ  დაინიშნა
access_time2019-11-13 11:12:42
განათლების, მეცნიერების, კულტურისა და სპორტის მინისტრად კვლავ მიხეილ ჩხენკელი დაინიშნა.მთავრობის ადმინისტრაციის ინფორმაციით, შესაბამის ბრძანებას პრემიერ-მინისტრმა გიორგი გახარიამ ხელი დღეს მოაწერა. შეგახსენებთ, რომ მიხეილ ჩხენკელს განათლების მინისტრის პოსტი 2017-2018 წლებში ერთხელ უკვე ეკავა, დღემდე კი განათლების საკითხებში საქართველოს პრემიერ-მინისტრის მრჩეველი იყო. 2017 წლამდე ჩხენკელი ივანე ჯავახიშვილის სახელობის თბილისის სახელმწიფო უნივერსიტეტის პრორექტორის...

„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...


მსგავსი სიახლეები

up