გადაწყვეტილებები რომელიც უწყებათაშორისმა საკოორდინაციო საბჭომ დღეს მიიღო

გადაწყვეტილებები რომელიც უწყებათაშორისმა საკოორდინაციო საბჭომ დღეს მიიღო

access_time2020-07-21 17:05:22

უწყებათაშორისი საკოორდინაციო საბჭოს გადაწყვეტილებით, გარდაბნის მუნიციპალიტეტში მოსახლეობის აქტიური თერმოსკრინინგი და ინტენსიური ეპიდემიოლოგიური კვლევები ჩატარდება, ბაზრობებზე კი რეგულაციების აღსრულების კონტროლი გამკაცრდება. გარდაბნისა და მუნიციპალიტეტის იმ სოფლების შესასვლელებთან, სადაც ინფიცირების შემთხვევები გამოვლინდა, შესვლა-გასვლისას მოქალაქეები ტემპერატურის შემოწმებას გაივლიან. საეჭვო სიმპტომების გამოვლენის შემთხვევაში,  მათ დამატებითი კვლევები ჩაუტარდებათ. ამასთან, კიდევ უფრო ინტენსიური გახდება თერმოსკრინინგი ბაზრებსა და ბაზრობებზე.

 

საბჭოს სხდომაზე აღინიშნა, რომ გასული 24 საათის განმავლობაში 10 ახალი შემთხვევა დაფიქსირდა, რაც ვირუსით ინფიცირების მაჩვენებლის მკვეთრ ზრდას წარმოადგენს, ამასთანავე, ვითარებას ისიც ართულებს, რომ ჯამში 7 შემთხვევაში ინფიცირების წყარო დაუდგენელია. აღნიშნული მდგომარეობის გათვალისწინებით, უწყებათაშორისი საკოორდინაციო საბჭო მოსახლეობას კიდევ ერთხელ მოუწოდებს, რეგულაციების შემსუბუქების ფონზე ვირუსის გავრცელების რისკების მინიმუმამდე შესამცირებლად, ზედმიწევნით შეასრულონ ჯანდაცვის სამინისტროს მიერ გაცემული რეკომენდაციები, მათ შორის გამოიყენონ პირბადე დახურულ სივრცეში და დაიცვან სოციალური დისტანცია.

 

ამასთან, უწყებათაშორისმა საკოორდინაციო საბჭომ დღევანდელ სხდომაზე ღია ტიპის სტადიონებზე გამართულ სპორტულ ღონისძიებებზე მაყურებლის დაშვების გადაწყვეტილება მიიღო. აღნიშნული ინიციატივით საბჭოს ფეხბურთის ფედერაციის პრეზიდენტმა ლევან კობიაშვილმა მიმართა. ღია ტიპის სტადიონებზე მაყურებელი დაიშვება ჯანდაცვის სამინისტროს მიერ დადგენილი წესებისა და პროტოკოლის შესაბამისად, რომელიც უახლოეს პერიოდში გახდება ცნობილი. ასევე განისაზღვრება მაყურებელთა ის რაოდენობა, რომლის სპორტულ ღონისძიებაზე დასწრება ნებადართული იქნება თითოეული მოედნისა და სტადიონის შემთხვევაში.

 

გარდა ამისა, უწყებათაშორისი საკოორდინაციო საბჭოს გადაწყვეტილებით, უკვე ნებადართულია ღია სივრცეში ნებისმიერი სოციალური, სადღესასწაულო, რიტუალური და სხვა ტიპის ღონისძიებების (მათ შორის ქორწილი, ნებისმიერი იუბილე, რიტუალური ღონისძიებები და ა.შ.) ჩატარება, რომლებზე დამსწრეთა რეკომენდებული მაქსიმალური რაოდენობა 100 ადამიანით განისაზღვრა. ასევე აღსანიშნავია, რომ ჯანდაცვის სამინისტროს მიერ დადგენილი პროტოკოლის დაცვით, დაშვებულია კულტურული ღონისძიებების ორგანიზება ღია სივრცეში, ხოლო რეპეტიციების ჩატარება - დახურულ სივრცეში.

 

საბჭო განაგრძობს არსებულ ეპიდემიოლოგიურ ტენდენციებზე დაკვირვებას და გადაწყვეტილებებს სხვა საქმიანობების გახსნაზე ეტაპობრივად მიიღებს.

 


გარდა ამისა, საკოორდინაციო საბჭომ იმსჯელა გლობალური კრიზისის ფონზე, საქართველოს სხვადასხვა კუთხეში, სოფლის მეურნეობის დარგში დამატებითი სამუშაო ადგილების შექმნის მნიშვნელობაზე. როგორც სხდომაზე გარემოს დაცვისა და სოფლის მეურნეობის მინისტრმა ლევან დავითაშვილმა აღნიშნა, ხელისუფლების მხარდაჭერის პროგრამები და დარგის განვითარება ქმნის დამატებითი სამუშაო ძალის საჭიროებას, რაც დასაქმების ახალ შესაძლებლობებს აჩენს. ამ კუთხით ამ დროისთვის განსაკუთრებით აქტუალურია კახეთის რეგიონი, სადაც სხვადასხვა კულტურების საკმაოდ კარგი მოსავლის აღების და დაბინავების ინტენსიური საჭიროება დგება, მსგავსი საჭიროება იქნება სხვა რეგიონებშიც თხილის სეზონზე, შესაბამისად ჩვენს მოქალაქეებს, რომლებიც მეზობელ ქვეყნებში სეზონურად მუშაობდნენ, ეძლევათ შესაძლებლობა საქართველოში სეზონურად დასაქმდნენ.

 

გარდა ამისა, ჯანდაცვის სამინისტროს შრომის ინსპექცია განაგრძობს უკვე გახსნილი ეკონომიკური სუბიექტების შემოწმებას. სხდომაზე აღინიშნა, რომ კონტროლის ღონისძიებები გაძლიერდება ბაზრობებზე.

 

ამასთან, როგორც ცნობილია, უწყებათაშორისი საკოორდინაციო საბჭოს გადაწყვეტილებით, საზღვარგარეთ მყოფი საქართველოს მოქალაქეების სამშობლოში ორგანიზებულად დასაბრუნებლად, ივლისის განმავლობაში, გრძელდება ავიარეისების შესრულება, რომლებზე ბილეთის ფასიც 200 ევროს არ აღემატება. ავიაკომპანიები - Wizz air-ი და Myway Airlines-ი ფრენებს 22 ივლისს - პარიზიდან, ხოლო 28 ივლისს - ათენიდან შეასრულებენ. ასევე, გერმანიაში მოკლევადიანი დასაქმების პროგრამებით გამგზავრების მსურველი სტუდენტების თხოვნით, უახლოეს პერიოდში შესრულდება თბილისი-ბერლინი-თბილისის ავიარეისი, რომელზეც ბილეთის ფასი ასევე ხელმისაწვდომი იქნება.

 

ამასთანავე, წარმატებით დასრულდა საქართველოს მთავრობის მოლაპარაკებები ფრანგულ ავიაკომპანია Air France-თან და ის აგვისტოს დასაწყისიდან, ავიარეისებს თბილისი-პარიზი-თბილისის მიმართულებით კვირაში 2-ჯერ შეასრულებს. როგორც ცნობილია, რეგულარული ფრენების აღდგენაზე უკვე დასრულებულია ყველა სახის პროცედურა გერმანულ ავიაკომპანია Lufthansa-თან, რომელიც აგვისტოდან თბილისი-მიუნხენი-თბილისის მიმართულებით იფრენს. ამ ეტაპზე, რეგულარული ფრენების აღდგენაზე, მოლაპარაკებები გრძელდება ავიაკომპანია Air Baltic-თან.

 

რაც შეეხება ქვეყანაში არსებულ ეპიდემიოლოგიურ მდგომარეობას, დღევანდელი მონაცემებით, საქართველოში კორონავირუსით ინფიცირების 1049 დადასტურებული შემთხვევაა, საიდანაც 903 პირი გამოჯანმრთელდა. უცხოეთიდან სამკურნალოდ საქართველოში გადმოყვანილია საქართველოს 41 მოქალაქე. გარდაცვლილია 16 ადამიანი.

 

ამ ეტაპზე კარანტინში იმყოფება 5692 ადამიანი, ხოლო სტაციონარში, მეთვალყურეობის ქვეშ - 275 პირი.

 

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ადმინისტრაცია.

 





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up