„გადათარგმნა დამახინჯებას არ ნიშნავს“ - მსხვილი ბიზნესი საერთაშორისო ბრენდების ქართულენოვან წარწერებზე

„გადათარგმნა დამახინჯებას არ ნიშნავს“ - მსხვილი ბიზნესი საერთაშორისო ბრენდების ქართულენოვან წარწერებზე

access_time2017-11-08 09:00:44

საქართველოში შვედური ბრენდის H&M-ის მაღაზიაზე გაკეთებულ ქართულენოვან წარწერას — „ჰ და მ“ საზოგადოებაში განსაკუთრებული აჟიოტაჟი მოჰყვა. ერთი ნაწილის შეფასებით, სასაქონლო ნიშნების სახის და ფორმის შეცვლა დაუშვებელია. მეორე ნაწილის აზრით კი „რეკლამის შესახებ საქართველოს კანონის“ თანახმად, კომერციულ ობიექტებზე სახელმწიფო ენაზე წარწერა სავალდებულოა.


„კომერსანტი“ დაინტერესდა, უნდა ითარგმნებოდეს თუ არა საერთაშორისო ბრენდების სახელები. როგორც აღმოჩნდა, მსხვილი ბიზნესი სრულად თანხმდება იმაზე, რომ ქვეყანაში ქართულის ენის დაცვა კანონითა არის გამყარებული და მისი აღსრულება ყველასთვის სავალდებულოა.


ბიზნესმენი თემურ ჭყონია აცხადებს, რომ  შეიძლება ბრენდი გადაითარგმნოს, მაგრამ პრიორიტეტი საერთაშორისო დასახელებაზე უნდა გაკეთდეს.


კითხვაზე, უნდა ითარგმნოს თუ არა საერთაშორისო ბრენდი, მითუმეტეს იმ პირობებში, როდესაც არსებობს „რეკლამის შესახებ საქართველოს კანონი“, რომლის თანახმადაც კომერციულ ობიექტებზე სახელმწიფო ენაზე წარწერა სავალდებულოა, ჭყონია აცხადებს, რომ გადათარგმნა დამახინჯებას არ ნიშნავს.


„ჩვენ ბრენდი რატომ მოგვყვავს? იმიტომ, რომ მთელმა მსოფლიომ იცოდეს და მათთვის მაჩვენებელი იყოს ის, რომ ეს სხვა განვითარებული ქვეყნების მსგავსად საქართველოშიც არის. ეს შეიძლება ქვეყანაში სხვა მსგავსი ცნობილი ბრენდების შემოსვლის საფუძველი გახდეს. თუ ჩვენ ეს გადავთარგმნეთ და მსოფლიოს ეს ქართულად მივაწოდეთ, ქართველების გარდა ქართული დამწერლობა არავინ არ იცის და ვერავინ ვერაფერს ვერ გაიგებს“-აცხადებს ჭყონია.


თუმცა ბიზნესმენი ეთანხმება იმას, რომ ქვეყანაში კანონი ყველამ უნდა დაიცვას, თუმცა, ყველაფრის ასე გადათარგმნა და მხოლოდ ქართულის არსებობა სწორი არ არის. „კანონს იცავენ, სხვა შემთხვევაში, H&M-ს დარწმუნებული ვარ, არ ექნებოდათ სურვილი ქართულად „ჰ და მ“ დაეწერათ. კანონი უნდა დავიცვათ, მთავარია ორივე აწერია. H&M ყველასათვის მაინც წამყვანი იქნება“-აცხადებს ჭყონია.


„ვისოლ ჯგუფის“ სამეთვალყურეო საბჭოს თავმჯდომარე, ბიზნესმენი სოსო ფხაკაძე აცხადებს,რომ საქართველოს კანონმდებლობა მოითხოვს იმას, რომ აუცილებლად ნებისმიერ სავაჭრო ობიექტზე გარედან, ლოგოტიპის სახით იყოს წარწერა გაკეთებული როგორც ქართულად, ისე უცხოურ ენაზე. მისი თქმით, ეს ყველაფერი კანონით არის გამყარებული.


მეორეს მხრივ, ფხაკაძე დარწმუნებულია, რომ საქართველოში ქართველებს არ გაუხარდებათ ის, რომ კომერციულ ობიექტებზე მხოლოდ უცხოური წარწერები იყოს.



ფხაკაძე მის მიერ შემოყვანილ ბრენდებზეც საუბრობს, ამ შემთხვევაში საუბარია „ვენდიზე“ და „დანქინ დონატზე“. ფხაკაძის განცხადებით, იმ დროს, როდესაც მას ეს ორივე ბრენდი საქართველოში შემოჰყავდა, ვერ შექმნიდა რაღაც ახალს. შესაბამისად,საქართველოში მისი ადაპტირება მოხდა ჩვეულებრივად, ისე როგორც ინგლისურად წარმოითქმება.


„დანქინ დონატსი“ და „ვენდი“ გადმოვიტანეთ ქართულად. „ვენდი“ რომ რამეს ნიშნავდეს, მაგალითად, ლამაზს, ამას ვერ დავაწერდით. ჩვენ უნდა გადავთარგმნოთ ის აბრევიატურა, რაც არის და უნდა შევინარჩუნოთ იმ სახელის კონოტაცია, რაც მას ჰქვია.


„ბრენდის სახელი უნდა დაიწეროს.  „ვენდის“ სახელი 1969 წელს შეიქმნა, „დანქინ დონატსი“ - 1950 წელს. ჩვენ საქართველოში თავიდან ხომ არ შევქმნით? ის ასოები გადავთარგმნეთ ქართულად. სხვანაირი მიდგომა ვერ წარმომიდგენია“-აცხადებს ფხაკაძე.


ბიზნესმენი გოგი თოფაძე აცხადებს, რომ ყველამ ქართულ ენას პატივი უნდა სცეს. შესაბამისად,საქართველოში ყველა სახის კომერციულ ობიექტზე წარწერა ქართულად უნდა იყოს. „მე პროქართული ორიენტაციის კაცი ვარ, წარწერაც ქართული უნდ იყოს და ყველაფერი. დავაჩვიოთ უცხოელები, რომ ჩვენ ვართ სახელმწიფო, ქვეყანა და ჩვენი ენა და წარწერები ქართულად უნდა იყოს. მხოლოდ ინგლისური წარწერები, ჩემთვის მიუღებელია“-აცხადებს თოფაძე.


როგორც ცნობილია, „რეკლამის შესახებ საქართველოს კანონის“ თანახმად, კომერციულ ობიექტებზე სახელმწიფო ენაზე წარწერა სავალდებულოა. კანონი 1998 წლიდან მოქმედებს. კანონის თანახმად, აბრაზე წარწერა, სურვილის შემთხვევაში, შეიძლება უცხოურ ენაზეც შესრულდეს, თუმცა იმ პირობით, რომ უცხოურენოვანი წარწერა ზომით არ უნდა აღემატებოდეს ქართულ ენაზე შესრულებულ წარწერას. ამავე კანონით, ორენოვანი მანათობელი წარწერის გამოყენების შემთხვევაში აუცილებელია, რომ ობიექტზე გაკეთებული ყველა წარწერა (ქართულიც და უცხოურიც) იყოს ერთნაირად განათებული და კითხვადი.


რაც შეეხება ჰ და მ- H&M-ს - ეს შვედური კომპანიაა. სრული სახელია Hennes & Mauritz, რაც ნიშნავს ქალს და კაცს. თბილისში ის მაღაზიას 30 ნოემბერს, გალარეა თბილისში გახსნის. H&M-ის მაღაზიაზე გაკეთებულ ქართულენოვან წარწერას საზოგადოებაში განსაკუთრებული აჟიოტაჟი მოყვა.


ფაქტს facebook-ის საკუთარ გვერდზე გამოეხმაურა საქართველოს ბიზნესომბუდსმენის მოვალეობის შემსრულებელი ზურაბ ძნელაშვილი.


„ამიტომ ვამბობდი, რომ სასაქონლო ნიშნების სახის და ფორმის შეცვლა დაუშვებელია! არ დამიჯერეთ და აი შედეგიც. იარეთ ახლა ჰ და მ-ში. გაიგეთ, რომ სასაქონლო ნიშანი არ არის წარწერა, რომელიც უნდა წაიკითხო და გაიგო, სასაქონლო ნიშანი არის გამოსახულება, რომელიც უნდა აღიქვა, დაიმახსოვრო და რომელიც უნდა ასოცირდებოდეს გარკვეულ ხარისხთან/სტანდარტთან', - წერს ძნელაშვილი facbook-ის პირად გვერდზე.


H&M-ის მაღაზიაზე ქართულენოვანი წარწერის ფაქტს გამოეხმაურა ცნობილი ფოტოგრაფი გოგა ჩანადირიც. მან სოციალურ ქსელში ბრენდს ქართულენოვანი წარწერისთვის მადლობა გადაუხადა.


„დედანში H&M იკითხება როგორც ჰაუნდემი, ხოლო ინგლისურად წარმოსთქვამენ „ეიჩენდემი“-ს.თუ მაინცდამაინც ისე უნდა დავწეროთ, როგორც წარმოითქმის, მაშინ ჰაუნდემი იქნება, რადგან მწარმოებლის სახელია. ხოლო თუ ქართულით მივყვებით, მაშინ ლოგიკურად, ჰოედამანი იქნება. აბრევიატურა საკუთარ ენაზე მორგებას იტანს, ისევე, როგორც ინგლისურმა „ეიჩენდემი“ მოირგო. რატომაც არა? დავუძახოთ „ჰოედამანი““-განმარტავს ჩანადირი.


ავტორი: სოფო ქსოვრელი 



გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო
access_time2020-02-17 15:00:40
“საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს “საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. “სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე,...

სილქნეტის ქსელში ჩართულ ახალ აბონენტს ინტერნეტისა და ტელევიზიის მაქსიმალური პაკეტები უპრეცედენტო ფასად გაუაქტიურდება

სილქნეტის ქსელში ჩართულ ახალ აბონენტს ინტერნეტისა და ტელევიზიის მაქსიმალური პაკეტები უპრეცედენტო ფასად გაუაქტიურდება
access_time2020-02-17 13:30:48
დღეიდან სილქნეტის ოტიკურ ქსელში ჩართულ აბონენტს, სპეციალურ ფასად ინტერნეტისა და ტელევიზიის მაქსიმალური პაკეტები გაუაქტიურდება: ტელევიზია:  239 არხი - პაკეტი  პრემიუმ + ინტერნეტი:  100 მბ/წმ სიჩქარე  - პაკეტი  Formula 1 აქციის ფარგლებში, თბილისში პაკეტის ღირებულება შეადგენს თვეში 55 ლარს 6 თვით, ხოლო რეგიონში -თვეში 34 ლარს 1 წლის ვადით.  ...

BAG-ში „რეაბილიტაციისა და კრედიტორთა კოლექტიური დაკმაყოფილების შესახებ“ კანონის პროექტი განიხილეს

BAG-ში „რეაბილიტაციისა და კრედიტორთა კოლექტიური დაკმაყოფილების შესახებ“ კანონის პროექტი განიხილეს
access_time2020-02-17 12:55:19
საქართველოს ბიზნეს ასოციაციაში (BAG) საკანონმდებო ბაზის განვითარების კომიტეტის ფარგლებში, BAG-ის წევრებთან ერთად, განხილული იქნა „რეაბილიტაციისა და კრედიტორთა კოლექტიური დაკმაყოფილების შესახებ“ კანონის პროექტი თანმდევი ცვლილებების პაკეტით, რომელიც შემუშავდა საქართველოს იუსტიციის სამინისტროს მიერ. შეხვედრას გაუძღვნენ ასოციაციის აღმასრულებელი დირექტორი, ლევან ვეფხვაძე და საკანონმდებლო ბაზის განვითარების კომიტეტის თავმჯდომარე, ლაშა ნოდია. შეხვედრის ფარგლებში...

უბისა-შორაპანის მშენებელ ჩინურ კომპანიას გაფრთხილება მიეცა

უბისა-შორაპანის მშენებელ ჩინურ კომპანიას გაფრთხილება მიეცა
access_time2020-02-17 13:29:20
საქართველოს რეგიონული განვითარებისა და ინფრასტრუქტურის მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე, რიკოთის საუღელტეხილო გზის უბისა-შორაპანის მონაკვეთის მშენებელი და საზედამხედველო კომპანიების წარმომადგენლებს შეხვდა. ინფორმაციას საავტომობილო გზების დეპარტამენტი ავრცელებს. შეხვედრაზე, სოფელ უბისაში მომხდარ ფაქტთან დაკავშირებით, მშენებელი და ზედამხედველი კომპანიების წარმომადგენლებმა დეტალური ინფორმაცია...

ყულევის ნავთობგადამამუშავებელი ქარხნის მართვას კომპანია Cepsa განახორციელებს-პროექტის შედეგად,საქართველოში საწვავი შესაძლოა 15-20%-ით გაიაფდეს

ყულევის ნავთობგადამამუშავებელი ქარხნის მართვას კომპანია Cepsa განახორციელებს-პროექტის შედეგად,საქართველოში საწვავი შესაძლოა 15-20%-ით გაიაფდეს
access_time2020-02-17 16:00:53
შპს „ფაზის ოილი“ და საკონსულტაციო კომპანია Deloitte & Touche ყულევის მაღალტექნოლოგიური ნავთობგადამამუშავებელი ქარხნის პროექტის განხორციელებას გეგმავენ. საქართველოში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობის პროცესში მონაწილეობას ამ სფეროს მსოფლიოს არაერთი ლიდერი კომპანია მიიღებს. „ფაზის ოილის“ აღმასრულებელმა დირექტორმა გია...


მსგავსი სიახლეები

up