გადამზიდავი კომპანიები „საქართველოს რკინიგზის“ ჩიხში

გადამზიდავი კომპანიები „საქართველოს რკინიგზის“ ჩიხში

access_time2018-11-04 18:00:44

საქართველოს რკინიგზახელოვნური ბარიერებით ზღუდავს კონკურენციას და ხელს უწყობს მონოპოლიის გამყარებას, - ამბობს არასამთავრობო ორგანიზაცია HUB Georgia”-ს აღმასრულებელი დირექტორი ვასილ ურუშაძე, რომლის თქმითაც, საქართველო ორ პარალელურ სამყაროში იმყოფება:

 

პირველში გამოდის საქართველოს პრემიერ-მინისტრი და საუბრობს იმაზე, რომ საქართველო უნდა გახდეს რეგიონული ბიზნესჰაბი, უნდა იყოს აბრეშუმის გზის ლიდერი სახელმწიფო, თუმცა ასევე გვაქვს მეორე, პარალელური სამყარო - რეალობა, რომლის წინაშეც დგანან გადამზიდავი კომპანიები“.

გადამზიდავი, ექსპედიტორი კომპანიები ითხოვენ საქართველოს რკინიგზისგან ტვირთების ტრანსპორტირებას, იხდიან ამისთვის გადასახადს, თუმცა, როგორც კომპანია “Crossline Logistics”-ის დირექტორი ლაშა ფარულავა ვარაუდობს, „საქართველოს რკინიგზა“ ასრულებს მონოპოლისტების შეკვეთას, გაურბის მოვალეობის შესრულებას და არ ახდენს ტვირთების ტრანსპორტირებას.

„2 ივნისს გავაფორმეთსაქართველოს რკინიგზასთანხელშეკრულება, რომლის მიხედვითაც, 2028 წლამდე გვაქვს ყოველწლიურად 40 ათასი ტონა ტვირთის გადაზიდვის უფლება. ამ კონტრაქტის საფუძველზე გავაფორმეთ სომხურ კომპანია AG Fuel-თან ხელშეკრულება და ავიღეთ პასუხისმგებლობა, რომ ყოველთვე 3 ათას ტონა ნავთობპროდუქტს გადავზიდავდით. ამ კომპანიამ ავანსად ჩამოგვირიცხა გარკვეული თანხა, რომლითაც ვაპირებდით ბათუმიდან ერევნის მიმართულებით ტვირთების გადაზიდვას, თუმცა, როცა უშუალოდ გადავედით პროცედურებზე, საქართველოს რკინიგზის მხრიდან წავაწყდით უამრავ პრობლემას“.

ლაშა ფარულავას თქმით, მან „რკინიგზაში“ წარადგინა ყველა მოთხოვნილი დოკუმენტი, მათ შორის ყველაზე მნიშვნელოვანი საბუთი, ე.წ. მესპლანი, მაგრამ „საქართველოს რკინიგზის“ გადაზიდვების ფილიალმა არ გაუგზავნა შეთანხმება სომხურ მხარეს.

„’საქართველოს რკინიგზაგვეუბნება: ჩვენ კი გავგზავნით ამ ტვირთს, მაგრამ სომხეთის მხარე უარს ამბობს, რადგან სომხურ კომპანიას არ აქვს ჩიხი და, შესაბამისად, იმ პროცედურებს არ იცავს, რაცსაქართველოს რკინიგზისპროცედურების მიხედვით უნდა იყოს დაცული. მივმართეთსამხრეთ კავკასიის რკინიგზას“, დაედასტურებინათ, რომ მზად იყვნენ აღნიშნული ტვირთის მისაღებად. მივიღეთ დადასტურებასამხრეთ კავკასიის რკინიგზისდირექტორისგან. ყველა ეს დოკუმენტი წარვუდგინეთსაქართველოს რკინიგზას“, თუმცა სწორედ ამის შემდეგ შეწყვიტა ჩვენთან ურთიერთობასაქართველოს რკინიგზამ“. გადაზიდვების ფილიალი ხელოვნურად გვიქმნის ბარიერს და არ გვაძლევს საშუალებას გადავიტანოთ ტვირთები, რითაც გვაყენებს ძალიან მძიმე მდგომარეობაში, რადგან აღებული გვაქვს ვალდებულებები სომხურ კომპანიასთან და მათი შეუსრულებლობის გამო გვექმნება ფინანსური პრობლემები, - უთხრა რადიო თავისუფლებას ლაშა ფარულავამ.


„საქართველოს რკინიგზის“ მოქმედებით უკმაყოფილოა ლაშა ფარულავას სომეხი პარტნიორი, სომხური ნავთობიმპორტიორი კომპანიის, “AG Fuel”-ის, დამფუძნებელი პაილაკ ურუსიანი:

არ მეგონა, საქართველოში თუ შეგვიქმნიდნენ პრობლემებს. არ შეგვიძლია ჩვენი კუთვნილი საქონლის გატანა. აქ გავიგე, თითქოს, ამის მიზეზი სომხეთში არსებული მონოპოლიაა, თუმცა ეს ტყუილია, ბლეფია. ამჟამად სომხეთში არავის აქვს მონოპოლია. ადრე შეიძლება იყო, მაგრამ ახლა აღარაა. პრობლემა აქაა! ექვსი თვეა ფული გადავრიცხეთ, ხელშეკრულება გავაფორმეთ... ვიღაცას უნდა, რომ რუსეთიდან შევიდეს სომხეთში ნავთობი, მე მინდა ევროპიდან ხარისხიანი საწვავის შეტანა“.

გადამზიდავი კომპანია „David & Company”-ს დამფუძნებელი დავით დოლიძეც ჩივის, რომ ვერ ასრულებს სომხურ კომპანიებთან კონტრაქტით ნაკისრ ვალდებულებას და ამის მიზეზი „საქართველოს რკინიგზის“ „უცნაური ქცევაა“.

დავით დოლიძემ „საქართველოს რკინიგზას“ შეატყობინა, რომ სომხურ კომპანიებთან გაფორმებული აქვს კონტრაქტები ორი წლის განმავლობაში 100 ათასი, 80 ათასი და 2 ათასი ტონა ევროპული წარმოების საწვავის მიწოდებაზე.

სატვირთო გადაზიდვების განყოფილების დირექტორმა მომწერა, რომ წარმომედგინა ეს კონტრაქტები და რომ არ იქნებოდა მათი გადაზიდვის პრობლემა. მისი ეს წერილი მივაწოდე ჩემ სომეხ პარტნიორებს და დავიწყეთ მუშაობა. ერთმა კომპანიამ შეიძინა 3,5 ათასი ტონა საწვავი, რომელიც დასაწყობდა ქუთაისის ნავთობბაზაში, მერე კომპანიამ რუსეთში შეუკვეთა 5 ათას ტონა ტევადობის გემი. ამის შემდეგ კვლავ მივმართესაქართველოს რკინიგზას“, რომ გაგვეფორმებინა კონტრაქტი და დაგვეწყო გადაზიდვა, თუმცასაქართველოს რკინიგზამყველა სახის კომუნიკაცია შეწყვიტა ჩემთან. ვერც ტელეფონით დაველაპარაკე ვერავის, ვერც ოფიციალურ წერილებზე მივიღე პასუხი. არანაირი განმარტება, არანაირი მიზეზი არ უთქვამთ. ექვსი წერილი მივწერე, არც ერთზე არ მოუწერიათ პასუხი. რვა საათი ველოდი მისაღებში. არავინ შემხვდა. უარიც კი არ მაღირსეს. მივწერე ბიზნესომბუდსმენს, აუდიტის სამსახურს. არსაიდან პასუხი 2 თვისა და 20 დღის განმავლობაში. დღემდე ასე გრძელდება, - ამბობს დავით დოლიძე.

გადამზიდავი კომპანიების წუხილის საფუძველზე, არასამთავრობო ორგანიზაცია HUB Georgia”-ს აღმასრულებელი დირექტორი ვასილ ურუშაძე ამბობს, რომ „საქართველოს რკინიგზის“ პრობლემებს განაპირობებს არაფორმალური მმართველობა, რომლისგან განთავისუფლების გარეშე კომპანია ვერ დაუბრუნდება სახელმწიფოს და ვერ მოემსახურება სახელმწიფო ინტერესებს. ოფიციალური მონაცემებით, 2018 წლის 6 თვეში „საქართველოს რკინიგზის“ შემოსავალი ნავთობპროდუქტების ტრანსპორტირებიდან, წინა წლის ანალოგიურ პერიოდთან შედარებით, 12 პროცენტით შემცირდა.

გადამზიდავი კომპანიების პრობლემებზე ვრცელი ჟურნალისტური გამოძიება ჩაატარა „თავისუფლების მონიტორმა“, რომლის მიხედვითაც, „საქართველოს რკინიგზა“ საწვავის გადაზიდვის უფლებას უკანონოდ უკრძალავს კომპანიებს და მონოპოლისტურ მდგომარეობაში ჰყავს მხოლოდ 2 კომპანია, რომლებსაც „როსნეფტისა“ და „ლუკოილის“ საწვავი გადააქვთ სომხეთში. „თავისუფლების მონიტორის“ მრავალდღიანი ძალისხმევის მიუხედავად, „საქართველოს რკინიგზამ“ გადამზიდავი კომპანიების ბრალდებებზე კომენტარი არ გააკეთა.

 

„რადიო თავისუფლება“




ლევან კობერიძის კითხვები ეროვნული ბანკის პრეზიდენტს, კობა გვენეტაძეს

ლევან კობერიძის კითხვები ეროვნული ბანკის პრეზიდენტს, კობა გვენეტაძეს
access_time2019-12-13 22:47:07
საპარლამენტო ფრაქცია დამოუკიდებელი დეპუტატების წევრმა ლევან კობერიძემ  ეროვნული ბანკის პრეზიდენტ კობა გვენეტაძეს პარლამენტში პლენარულ სესიაზე, სადაც სებ–ის ფულად-საკრედიტო პოლიტიკის დოკუმენტი განიხილეს, რამდენიმე კითხვით მიმართა:  -საპენსიო ფონდის ხელმძღვანელის, ლევან სურგულაძის თანამდებობიდან წასვლა ვადაზე ადრე (1 წელიწადში წავიდა ის...

სახელმწიფო ბიუჯეტი საპარლამენტო არჩევნების სამსახურში

სახელმწიფო ბიუჯეტი საპარლამენტო არჩევნების სამსახურში
access_time2019-12-13 19:45:25
2020 წლის სახელმწიფო ბიუჯეტი პოლიტიკურად მიზანშეწონილი გადაწყვეტილებებით არის დატვირთული. სახელისუფლებო პარტიისთვის 2020 წლის მთავარი პოლიტიკური მიზანშეწონილობა საპარლამენტო არჩევნების მოგებაა. პირველ რიგში, ბიუჯეტსაც ეს დაკვეთა აქვს.2020 წლის სახელმწიფო ბიუჯეტის პრიორიტეტი პენსიისა და საჯარო სექტორში დასაქმებულთა ხელფასების ზრდაა. 2019 წელთან შედარებით, 2020...

მარსზე გაფრენილ პირველ ადამიანს შესაძლოა, საქართველოში დამზადებული კოსტიუმი ეცვას

მარსზე გაფრენილ პირველ ადამიანს  შესაძლოა, საქართველოში დამზადებული კოსტიუმი ეცვას
access_time2019-12-13 18:30:11
ქართული სტარტაპი Elven Technologies მარსის მომავალი მისიისთვის და ამერიკული ბაზრის დაპყრობისთვის ემზადება, თუმცა ამ ეტაპზე პროდუქტის საბოლოო ვერსიის დასამზადებლად ინვესტიციის მოზიდვას ცდილობს. ქართული დამწყები მცირე ბიზნესის პროდუქტი, მეხანძრის ინოვაციური კოსტიუმია, რომელსაც ორი მთავარი ინოვაცია აქვს, სრულიად ცეცხლგაუმტარია და ტემპერატურისგან 8-ჯერ უფრო ხანგრძლივი დაცვა გააჩნია, ვიდრე არსებულ კოსტიუმებს. ამავდროულად, მას გაგრილების სისტემის ახალი ტექნოლოგია...

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“
access_time2019-12-13 17:30:57
მეფრინველეობის დარგის წარმომადგენლები დღგ-სგან გათავისუფლებას ითხოვენ. სექტორში კანონმდებლობის დახვეწის საჭიროების საკითხიც ნათელია. პარალელურად პრემიერ-მინისტრი გიორგი გახარია მთავრობის წარმომადგენლებს თვითკმარი სოფლის მეურნეობის შექმნის და...


მსგავსი სიახლეები

up