„გაჭირვებისას როგორც ოჯახიდან გააქვთ უკანასკნელი ქონება, ისე გამოაქვს მთავრობას საპრივატიზაციო ობიექტები“

„გაჭირვებისას როგორც ოჯახიდან გააქვთ უკანასკნელი ქონება, ისე გამოაქვს მთავრობას საპრივატიზაციო ობიექტები“

access_time2021-03-31 10:00:57

სახელმწიფო ქონების პრივატიზების საკითხი უკვე რამდენიმე წელია აქტუალურია, თუმცა ოფიციალურად დღის წესრიგში ეს საკითხი 2019 წლის მიწურულს დადგა, როდესაც ეკონომიკის სამინისტროს ინიციატივით დაიწყო სახელმწიფო ქონების პირივატიზების ახალი ტალღა, 100 შეთავაზება ბიზნესს. მასშტაბური საპრივატიზებო პროექტი „100 საინვესტიციო შეთავაზება ბიზნეს ფარგლებში მთავრობამ გუშინ დამატებით 150-ზე მეტი 350 მლნ ლარამდე ღირებულების ობიექტი გამოიტანა გასაყიდად. აღსანიშნავია რომ ობიექტების ჩამონათვალში მოხვდა: 50-ზე მეტი საბადოს ლიცენზია - საწყისი ფასი 50 მლნ ლარი; 50 სასოფლო-სამეურნეო მიწა -  საწყისი საპრივატიზებო თანხაა 19 374 500 ლარი; ლოკაციები გზებზე გასაჩერებელი ინფრასტრუქტურისთვის და სხვა.


ეკონომიკის მინისტრის ნათია თურნავას განცხადებით, „100 საინვესტიციო შეთავაზება ბიზნესს კამპანიის ფარგლებში წარმოდგენილია ქვეყნის მასშტაბით არსებული საინვესტიციოდ მიმზიდველი უძრავი ქონების ნუსხა და პროექტი უპრეცედენტოა. თუმცა, პროექტმა განსაკუთრებული ინტერესი წარსული გამოცდილებიდან გამომდინარე ვერ გამოიწვია, რადგან ობიექტების გასაჯაროების შემდეგ დაინტერესებულ პირებს აუქციონზე მნიშვნელოვანი ქონების ნაცვლად, წლების განმავლობაში სახელმწიფო საკუთრებაში არსებული წვრილი ობიექტები დახვდათ.


აუქციონზე ახლად გამოტანილი სახელმწიფო ობიექტებიდან ყველაზე მნიშვნელოვანი ქონებების ჩამონათვალი შემდეგია: კიკეთში სასტუმრო დანიშნულებისთვის გამოყოფილი 30 502 კვ.მ. მიწის ფართი და შენობა - საწყისი ფასი 2 202 000 ლარი; მცხეთაში საცხოვრებელი დანიშნულების 63 316 კვ.მ. მიწის ფართი - 3 166 000 ლარი; თბილისში სამრეწველო დანიშნულების 12 664 კვ.მ მიწა - 703 000 ლარი; გზებზე გასაჩერებელი 106 080 კვ.მ. გართობის ობიექტი; ოზურგეთში საზღვაო ტექსერვისი - 2 263 800 მლნ ლარი; თერმული წყლები -1.511 მლნ ლარი; ზუგდიდის ფარმაცია - 306 000 ლარი; ხაშურის მინის ტარა - 747 200 ლარი; ცეკავშირის ზუგდიდის სასურსათო კომბინატი – 1.014 მლნ ლარი და ა.შ.


ეკონომიკის სამინისტროს მიერ გამართულ პრეზენტაციას მთავრობის წევრების გარდა, რამდენიმე მსხვილი ბიზნესმენიც ესწრებოდა, ერთ-ერთი მათგანი KTW ჯგუფის დამფუძნებელი და დირექტორი ზურაბ ჩხაიძე იყო, რომელიც „კომერსანტთან“ აცხადებს, რომ მას შემდეგ რაც დეტალურად გაეცნობა საპრივატიზაციო ობიექტების ნუსხას, იმის მიხედვით გადაწყვეტს თუ რომელ აუქციონში ჩაერთვება კომპანია. ამ ეტაპზე კი მისთვის უცნობია ბიზნესისთვის რამდენად საინტერესო ქონება გამოაქვს ეკონომიკის სამინისტროს გასაყიდად.


„ზოგადად მთავრობის მიერ გაჟღერდა რომ ეკონომიკას გვერდში უდგას ბიზნესი, ბიზნესს კი მთავრობა, რაც უკვე კარგია. რაც შეეხება საპრივატიზაციო შემოთავაზებას ჩვენი ჯგუფი კარგად გავეცნობით ობიექტებს და იმის მიხედვით გადავწყვეტთ სად გამოვხატავთ ინტერესს, იმისათვის რომ მომავალში გავაკეთოთ ინვესტიცია. ზოგადად აუქციონის ფორმა საინტერესო ინიციატივაა, მაგრამ დეტალები ამ ეტაპზე უცნობია და თუ იქნება ჩვენი ინტერესი რომელიმე ობიექტის მიმართ, დავაფიქსირებთ. ზოგადად ეს აპრობირებული ფორმაა და ბიზნესისთვის მისაღებია, თუმცა გააჩნია აუქციონზე როგორი ობიექტები დაგვხვდება“, - განაცხადა ზურაბ ჩხაიძემ.



რედიქს ჯგუფის დამფუძნებელი ლაშა პაპაშვილი ბიზნესისთვის საინვესტიციო პროექტების შეთავაზებას ეხმაურება და ამბობს, რომ უნდა გაიყიდოს ყველა ის ქონება, რაც სტრატეგიული მნიშვნელობის არაა.


„ყველა ამგვარი პროექტის მიმართ ინტერესი არსებობს. ეს წლების წინ გასაკეთებელი საქმე იყო და კარგია, რომ დაიძრა. უნდა გაიყიდოს ყველა ის ქონება, რაც სტრატეგიული მნიშვნელობის არაა, ასევე უნდა შეფასდეს რამდენად სამართლიანი ფასით გამოდის საინვესტიციო პროექტები ბაზარზე და უნდა განისაზღვროს ბიზნესისთვის რამდენად აწევადია. მთავრობა ამ კუთხით ძალიან მოქნილი უნდა იყოს,“ - განაცხადა ლაშა პაპაშვილმა.


ყოფილი დეპუტატი ლევან კობერიძე „კომერსანტთან“ სახელმწიფოს მიერ აუქციონზე გამოტანილი საპრივატიზაციო ობიექტების მნიშვნელობაზე საუბრობს. მისი განცხადებით, პრივატიზაცია საჭიროა, მაგრამ ასეთი პრივატიზაციით ხელისუფლება ისე იქცევა, როგორც გაჭირვებული ადამიანი, რომელსაც ოჯახიდან ბოლო ნივთი გამოაქვს გასაყიდად.  


„დღეს რეალურად ვხედავთ, რომ ეკონომიკის თვალსაზრისით მთავრობას ისე გამოაქვს საპრივატიზაციო ობიექტები, როგორც გაჭირვებისას ოჯახიდან ბოლო ნივთები გააქვთ. იმის ნაცვლად, რომ მთავრობა მწყობრი ეკონომიკური პოლიტიკით პასუხობდეს იმ გამოწვევას რაც დღეს არის ქვეყანაში, ხელთან ახლოს რაც აქვთ დარჩენილი ქონება ისიც საპრივატიზაციოდ გამოაქვთ, მაგრამ არა რაღაც მწყობრი ეკონომიკური პოლიტიკის ფარგლებში, არამედ უბრალო ობიექტების გამოტანით ცდილობენ გვაჩვენონ, რომ გარკვეულ ნაბიჯებს დგამენ.


პრივატიზება საჭირო და მნიშვნელოვანია, მომხრე ვარ რომ რაც შეიძლება მეტი ობიექტი გადავიდეს კერძო საკუთრებაში და ეკონომიკაში შეიტანოს თავისი წვლილი, მაგრამ როცა აქტივები იყიდება არა ხედვით, არამედ სპონტანურად, ვფიქრობ რომ ეს არის არასებული ცუდი პოლიტიკის შედეგი.


გარდა ამისა, აღსანიშნავია, რომ მთავრობას უკვე მერამდენედ გამოაქვს მხოლოდ წვრილი ობექტები, რადგან მსხვილი ობიექტების გასხვისება უკავშირდება გარკვეულ კონცეფციაში მოთავსებას და ისე გაყიდვას. მსხვილი ობიექტის პრივატიზებისთვის საჭიროა არსებობდეს ხედვა და მისი გასხვისების შემდეგ უბრალოდ კი არ გადავიდეს კერძო საკუთრებაში, არამედ ეკონომიკაზე იმუშაოს“, - აღნიშნავს ლევან კობერიძე.

 

აღსანიშნავია, რომ 2020 წელს ბიუჯეტის დამტკიცებული გეგმა 106 %-ით შესრულდა და ქონების ეროვნული სააგენტოს ანგარიშზე სახელმწიფო ქონების პრივატიზების შედეგად 130 485 115 ლარია მობილიზებული. 2020 წელს პრივატიზების დაჩქარების მიზნით დაწყებული პროექტის - „100 საინვესტიციო შეთავაზება ბიზნესს”, ფარგლებში 116 ობიექტი გაიყიდა.


ნინო თამაზაშვილი




TIME-მა წლის გმირებად ირანელი ქალები დაასახელა

TIME-მა წლის გმირებად ირანელი ქალები დაასახელა
access_time2022-12-07 20:00:41
TIME-მა წლის გმირებად ირანელი ქალები დაასახელა. შეგახსენებთ, რომ ირანში საპროტესტო გამოსვლები სექტემბრის თვეში 22 წლის...

უკრაინის პრეზიდენტი ვოლოდიმირ ზელენსკი TIME - მა წლის ადამიანად დაასახელა

უკრაინის პრეზიდენტი ვოლოდიმირ ზელენსკი TIME - მა  წლის ადამიანად დაასახელა
access_time2022-12-07 17:19:11
უკრაინის პრეზიდენტი ვოლოდიმირ ზელენსკი ჟურნალმა TIME-მა წლისადამიანად დაასახელა. 44 წლის, ყოფილი კომიკოსი, მსახიობი, მწერალი და პროდიუსერი, უკრაინის პრეზიდენტის პოსტს  2019 წლიდან იკავებს.   მანამდე...

ევროკავშირი გაზის ზღვრულ ფასად 220 ევროს განიხილავს

ევროკავშირი გაზის ზღვრულ ფასად 220 ევროს განიხილავს
access_time2022-12-07 17:45:28
ევროკავშირის ქვეყნები გაზის ზღვრული ფასის 220 ევრომდე (231 დოლარამდე) შემცირებას განიხილავენ. ინფორმაციას Reuters ავრცელებს.   ევროკავშირის თავმჯდომარე ქვეყნის, ჩეხეთის წინადადებით, თუ ხუთი დღის განმავლობაში გაზის საფასური 1 მგვტ/სთ-ზე 220 ევროს (1000 მ³-ზე 2 321 ევროს) გადააჭარბებს, ფასზე ლიმიტი უნდა დაწესდეს. სააგენტოს ცნობით, ინიციატივა წევრი ქვეყნების შეხვედრიდან ერთი კვირით ადრე გაჩნდა, რომელზეც ბლოკი შეთანხმების მიღწევას იმედოვნებს, რადგან „საკითხმა 27 წევრი...

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის
access_time2022-12-07 18:00:32
დასავლეთმა უნდა გადახედოს საკუთარ შეხედულებებს და რუსეთის საჰაერო სივრცის გავლით ფრენების განახლებას შეეცადოს. ამის შესახებ საჰაერო ტრანსპორტის საერთაშორისო ასოციაციის (IATA) გენერალურმა დირექტორმა უილიამ უოლშმა ჟენევაში გამართულ კონფერენციაზე განაცხადა, იუწყება The Telegraph. 2023 წელს ჩინეთმა შესაძლოა შეამსუბუქოს ანტიკორონავირუსული შეზღუდვები, თქვა უოლშმა, რაც ჩინურ ავიაკომპანიებს British Airways-თან შედარებით ანიჭებს უპირატესობას, რომლის ფრენები შეიძლება საათობით გახანგრძლივდეს...

ლარის კურსი დოლართან 0.41 თეთრით, ევროსთან კი 0.48 თეთრით გამყარდა

ლარის კურსი დოლართან 0.41 თეთრით, ევროსთან კი 0.48 თეთრით გამყარდა
access_time2022-12-07 17:05:23
7 დეკემბრის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.41 თეთრით გამყარდა, შედეგად ერთი დოლარის ოფიციალური ღირებულება 2.6902 ლარი გახდა. სებ-ის ცნობით, ეროვნული ვალუტა ევროსთან მიმართებით 0.48 თეთრით გამყარდა, შედეგად ერთი ევროს ოფიციალური ღირებულება 2.8239 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...


მსგავსი სიახლეები

up