ფულადი გზავნილების მოცულობა მარტში გასული წლის ანაოგიურ პერიოდთან შედარებით მკვეთრად 49.5%-ით გაიზარდა და $188 მლნ-ს გადააჭარბა. რაც შეეხება კვარტალურ მაჩვენებელს წლის პირველ სამ თვეში საზღვარგერეთიდან საქართველოში რეკორდული ოდენობის - $499 მლნ-ის თანხა გადმოირიცხა - 28.4%-ით მეტი ვიდრე შარშან ამ დროს.

ორთვიანი პაუზის შემდეგ გადმორიცხვებში პირველი ადგილი $32.2 მლნ-ით რუსეთმა დაიბრუნა, თუმცა კვარტალურად $85.9 მლნ-ით ლიდერი ისევ იტალიაა, რუსეთი კი $80.3 მლნ-ით მეორე ადგილს იკავებს.

ევროკავშირის ქვეყნებიდან გადმორიცხული თანხის მოცულობა 50.9%-ით $78 მლნ-მდე გაიზარდა. პროცენტულადზ რდის ტემპი ყველაზე მაღალი - 83.6 ირლანდიიდან დაფიქსირდა, საიდანაც საქართველოში $1.7 მლნ გადმოირიცხა. 76.3%-იანი ზრდის შემდეგ იტალიიდან გზავნილების მოცულობამ $30.5 მლნ-ს მიაღწია. 70.2%-ით, $8.4 მლნ-მდე გაიზარდა გზავნილები გერმანიიდანაც. ორნიშნა ზრდა ფიქსირდება ასევე: საფრანგეთიდან, ესპანეთიდან, საბერძნეთიდან და კვიპროსიდან.

ევროკავშირის არაწევრი ქვეყნებიდან მარტში, $10 მლნ-ზე მეტი თანხა გადმოირიცხა: რუსეთიდან - $32.2 მლნ + 17.1%, აშშ-დან - $24.2 მლნ + 12.8% და ისრაელიდან $15.6 მლნ + 8.3%. სამნიშნა პროცენტული ზრდა დაფიქსირდა უკრაინიდან + 145% და აზერბაიჯანიდან + 208%. ამ ქვეყნებიდან მარტში შესაბამისად $8.9 და $7.3 მლნ გადმოირიცხა.

საქართველოდან საზღვარგარეთ მარტში სულ $24.9 მლნ გადაირიცხა, რაც გასული წლის ანალოგიურ პერიოდთან შედარებით 21.9%-ით მეტია, ზრდის ტემპი პირველკვარტალში უფრო დაბალია და 4.1%-ს შეადგენს.იანვარ-მარტში საქართველოდან საზღვარგარეთის ქვეყნებში სულ $63.1 მლნ გაიგზავნა.