ფულადი გზავნილების მაქსიმალური კლება აპრილში იყო, მაისიდან სავარაუდოდ ზრდა გვექნება

ფულადი გზავნილების მაქსიმალური კლება აპრილში იყო, მაისიდან სავარაუდოდ ზრდა გვექნება

access_time2020-05-06 10:00:57

მსოფლიო ბანკი 2020 წელს ფულადი გზავნილების დაახლოებით 20%-ით ვარდნას ელის. საფინანსო ინსტიტუტი  პროგნოზში აღნიშნავს, რომ უახლეს ისტორიაში ჯერ არნახული სავარაუდო კლება მიგრანტი მშრომელების ხელფასების და დასაქმების შემცირებით იქნება განპირობებული. კვლევაში აღნიშნულია, რომ ფულადი გზავნილები დაბალი და საშუალო შემოსავლის მქონე ქვეყნების მიმართულებით, სავარაუდოდ 19.7%-ით 445 მლრდ. აშშ დოლარამდე შემცირდება.


ფულადი გზავნილები შემოსავლის მნიშვნელოვანი წყაროა განვითარებადი ქვეყნებისთვის, მათ შორის საქართველოსთვის. კორონავირუსის პანდემიის გამო კი ფულად გზავნილების შემცირება დაიწყო, 2020 წლის მარტში ქვეყანაში შემოსული გზავნილების ნაკადების მოცულობამ 125.9 მლნ აშშ დოლარი (382.7 მლნ ლარი) შეადგინა, რაც 9.0%-ით (12.5 მლნ აშშ დოლარით) ნაკლებია 2019 წლის მარტის ანალოგიურ მაჩვენებელზე.

 

მიუხედავად იმისა, რომ აპრილის თვის ოფიციალური მონაცემები ჯერ ცნობილი არ არის, საფინანსო ინსტიტუტების წარმომადგენლების ნაწილი მარტის თვესთან შედარებით საზღვარგარეთიდან ფულადი გზავნილების ზრდაზე, ნაწილი კი კლებაზე საუბრობს.

 

„ინტელექსპრესის“ ბიზნესის განვითარების მენეჯერი ლევან თავართქილაძე „კომერსანტთან“ საუბრისას აღნიშნავს, რომ აპრილში გზავნილების ნაკადი წინა წლის ანალოგიურ პერიოდთან შედარებით თითქმის განახევრდა. მისივე თქმით, იქიდან გამომდინარე, რომ ევროპის ქვეყნებში შეზღუდვების ეტაპობრივი შემსუბუქება დაიწყო, მაისიდან უკვე გზავნილების ნაკადის ზრდა უნდა დაფიქსირდეს.

 

„მსოფლიოს თითქმის ყველა ქვეყანაში, პანდემიის გამო, შეზღუდვებია დაწესებული, რაც ფულადი გზავნილების განხორცილებისთვისაც შემაფერხებელი ფაქტორია. ჩვენ, როგორც საერთაშორისო ფულადი გზავნილების სისტემა, 70-ზე მეტ ქვეყანაში ვართ წარმოდგენილები.  გზავნილების კუთხით შემცირება გლობალურად, ყველა ქვეყნის მიმართულებით მოხდა. აპრილის თვეში სიტუაცია მარტის თვისგან მცირედით განსხვავდება. აპრილში გზავნილების ნაკადმა კიდევ უფრო დაიკლო და წინა წლის აპრილის თვესთან შედარებით თითქმის განახევრდა. ევროპის ქვეყნებში შეზღუდვები მარტის ბოლოდან გამკაცრდა, ამიტომ მთელი აპრილი გამკაცრებული შეზღუდვების ფონზე ვმუშაობდით. ესაა ამ თვეში ფულადი გზავნილების კიდევ უფრო შემცირების მიზეზი. განსაკუთრებით იკლო გზავნილებმა ევროპაში ვირუსისგან ყველაზე მეტად დაზარალებული ქვეყნებიდან: იტალიიდან და ესპანეთიდან. რაც შეეხება საბერძნეთს, მას კრიზისი უფრო ნაკლებად შეეხო ვიდრე ზემოაღნიშნულ ქვეყნებს, ამიტომ გზავნილების მხრივაც შედარებით სტაბილური სიტუაცია იყო. შემცირება აქაც გვაქვს, თუმცა არა იმდენი რამდენიც იტალიიდან და ესპანეთიდან. იქიდან გამომდინარე, რომ ევროპის ქვეყნებში შეზღუდვების ეტაპობრივი შემსუბუქება მაისიდან დაიწყო, ფულადი გზავნილების ნაკადის ზრდა უკვე შეიმჩნევა. აქტიურად ამუშავდა კვიპროსისა და ინგლისის ფილიალები. ჩვენი ვარაუდით, მაქსიმალური კლება აპრილის თვეში გავიარეთ, მოვლენების ამ ტემპით განვითარების შემთხვევაში, მაისიდან უკვე ნელნელა ზრდა გვექნება“, - განაცხადა ლევან თავართქილაძემ.


გზავნილების რაოდენობის ზრდაზე საუბრობს მიკროსაფინანსო ორგანიზაცია „რიკო კრედიტის” სამეთვალყურეო საბჭოს თავმჯდომარე ლაშა ნიკოლაიშვილი. მის თქმით, აპრილში მარტთან შედარებით უცხოეთიდან ფულადი გზავნილების ნაკადი დაახლოებით 20%-ით გაიზარდა, გარდა ამისა, მაისის თვეც აქტიურად დაიწყო.


„აპრილში წინა თვესთან შედარებით ფულადი გზავნილები 20%-ით გაიზარდა, ასევე მიმდინარე თვეც აქტიურად დაიწყო. ჩვენი ქსელის „რიკო-გრამის“ მიერ განხორციელებულ გზავნილებში ლიდერობს ისეთი ქვეყნები, როგორიცაა ამერიკა, ისრაელი და საბერძნეთი, ისინი გზავნილების ყველაზე დიდი რაოდენობით გამოირჩევიან. ეს ყველაფერი ჩემი აზრით, სიტუაციის შედარებით დასტაბილურებას უკავშირდება, რაც ძალიან კარგია. ასევე აღსანიშნავია, რომ შაბათ-კვირას დიდი რაოდენობის დოლარის ჩაბარება განხორციელდა ანუ ხალხმა ვალუტის გადაცვლა ისევ დაიწყო და  ბაზარს ნდობა დაუბრუნდა. ასეთი რაოდენობით დოლარის ჩაბარება რაც პანდემია დაიწყო არ გვქონია. ეს სავარაუდოდ, გზავნილების ზრდას და ეროვნული ვალუტისადმი ნდობის დაბრუნებას უკავშირდება“, - განმარტავს ლაშა ნიკოლაიშვილი.

 

შეგახსენებთ, რომ 2019 წელს საქართველოში განხორციელებული ფულადი გზავნილების მოცულობა რეკორდულ 1,73 მილიარდ დოლარს უტოლდებოდა, ზრდა დაფიქსირდა 2020 წლის იანვარ-თებერვალშიც, გადმორიცხვების უმეტესობა რუსეთიდან, იტალიიდან, ესპანეთიდან და საბერძნეთიდან ხორციელდებოდა.


ნინო თამაზაშვილი





მსოფლიოს უმდიდრესი ფეხბურთელი, რომელსაც 1 ბინა აქვს და კარიერა "ხეტაფეში" დაასრულა

მსოფლიოს უმდიდრესი ფეხბურთელი, რომელსაც 1 ბინა აქვს და კარიერა
access_time2020-06-02 21:30:26
სათაურის წაკითხვისა და ფოტოს ნახვის შემდეგ ურთიერთსაწინააღმდეგო განცდა დაგეუფლებოდათ - რადგან, როცა "უმდიდრეს ფეხბურთელს" წავიკითხავთ, თავში, პირველ რიგში, კრიშტიანო რონალდო და ლიონელ მესი ამოტივტივდებიან, რომლებიც წლიურად 100 მილიონ ევროზე მეტს შოულობენ.   თუმცა ფეხბურთელთა შორის ყველაზე მდიდარი ვარსკვლავებთან შედარებით ნაკლებად ცნობილი ფრანგი ფეხბურთელია, რომელმაც 2019 წელს "ხეტაფე" დატოვა და თავისუფალი აგენტი გახდა. მისი სახელი მეტიო ფლამინი...

2 ივნისი - ქართული ლარი და თურქული ლირა გამყარებას განაგრძობს

2 ივნისი - ქართული ლარი და თურქული ლირა გამყარებას განაგრძობს
access_time2020-06-02 19:00:51
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 2 ივნისის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ...

„საზოგადოებრივი მაუწყებლის ბიუჯეტის მოცულობა თითქმის ქუთაისის ბიუჯეტია“ - ლევან კობერიძე

„საზოგადოებრივი მაუწყებლის ბიუჯეტის მოცულობა  თითქმის ქუთაისის ბიუჯეტია“ - ლევან კობერიძე
access_time2020-06-02 18:40:45
„მაღალი ბიუჯეტი და დაბალი რეიტინგი - ფრაქცია „დამოუკიდებელი დეპუტატების“ წევრმა, ლევან კობერიძემ დარგობრივი ეკონომიკისა და ეკონომიკური პოლიტიკის კომიტეტის სხდომაზე საზოგადოებრივი მაუწყებლის 2019 წლის ანგარიში განიხილა. როგორც კობერიძემ კომიტეტის სხდომაზე აღნიშნა, მაღალი ბიუჯეტის პირობებში საზოგადოებრივ მაუწყებელს დაბალი რეიტინგი აქვს. საზოგადოებრივი მაუწყებლის ბიუჯეტი - 69 მილიონი ლარი ქუთაისის ბიუჯეტზე მეტია. რეიტინგებში საზოგადოებრივი...

დღის Top-10 საინტერესო ამბავი

დღის Top-10 საინტერესო ამბავი
access_time2020-06-02 21:55:14
დღის Top-10 საინტერესო ამბავი 1.ძმები ხარებავები ტობავარჩხილის ტბებისკენ მიმავალ გზაზე სასტუმროებს აშენებენ (ფოტოები) ტობავარჩხილის ტბებისკენ მიმავალ გზაზე შპს მუხური რეზორთი ორ სასტუმროს აშენებს. სასტუმროს პროექტი „ლაკადა გრუპმა“ მოამზადა, სწორედ ეს კომპანია ახორციელებს სოფელ მუხურში...

Le Figaro: ევროპა ტურიზმის აღდგენას ცდილობს

Le Figaro: ევროპა ტურიზმის აღდგენას ცდილობს
access_time2020-06-02 21:00:44
როდის დაბრუნდებიან ტურისტები?- ბოლო პერიოდში ევროპაში ეს კითხვა პირველ ადგილზე  გამოვიდა. ქვეყნების ნორმალურ ცხოვრებას უბრუნდებიან, თანაც ზაფხულიც მოვიდა.მიზანი, გარკვეულწილად სოციალურიც არის, თუმცა პირველ რიგში მაინც ეკონომიკური. კორონაკრიზისამდე ტურიზმზე ევროკავშირის ეკონომიკის 10% მოდიოდა.იტალია, ესპანეთი და საბერძნეთი ტურისტულ სექტორზე ძალიან დამოკიდებულები არიან.  წლის ბოლოსთვის ამ დარგის დანაკარგები წინა წელთან შედარებით 40%-ს მიაღწევს, თუმცა, სხვადასხვა ქვეყნებში ვითარება...


მსგავსი სიახლეები

up