„ფულადი გზავნილები შემცირდება, რაც ლარის კიდევ უფრო გაუფასურებას გამოიწვევს“

„ფულადი გზავნილები შემცირდება, რაც ლარის კიდევ უფრო გაუფასურებას გამოიწვევს“

access_time2020-03-13 10:00:37

საქართველოს ეკონომიკაში უცხოეთიდან ფულად გზავნილებს მნიშვნელოვანი ადგილი უჭირავს. კორონავირუსის გამო კი, მას მნიშვნელოვანი შემცირება ემუქრება. აღსანიშნავია, რომ 2019 წელს საქართველოში განხორციელებული ფულადი გზავნილების მოცულობამ რეკორდულ 1,73 მილიარდ დოლარს უტოლდებოდა, მათგან უმეტესობა კი რუსეთიდან, იტალიიდან და საბერძნეთიდან გადმოირიცხა.


ჯერჯერობით, რუსეთში კორონავირუსის მასშტაბები დიდი არ არის და დადასტურებულად მხოლოდ 28 ადამიანს აქვს. თუმცა, გადმორიცხვის ოდენობით მეორე ქვეყნაში იტალიაში კორონავირუსით ინფიცირებულთა რაოდენობამ 12 463-ს მიაღწია და მთელი იტალია კარანტინის ზონად გამოცხადდა. შესაბამისად, ამ ქვეყნებში და ზოგადად, მსოფლიოში ეკონომიკური აქტივობა შესუსტებულია.


საბანკო ექსპერტი, ევროპის უნივერსიტეტის პროფესორი გოჩა თუთბერიძე რეცესიას და მთელი მსოფლიოდან ფულადი გზავნილების შემცირებას ვარაუდობს. მისი აზრით, ეს გამოიწვევს ლარის და მიმდინარე ბალანსის გაუფასურებას.


„ეკონომიკაში გლობალურად სერიოზული პრობლემებია, მოსალოდნელია რეცესია, რაც თავისთავად ცხადია იტალიიდან ფულად ნაკადებზეც იქონიებს გავლენას. შეიძლება მოკლევადიან პერიოდში ეს არ გამოჩნდეს, მაგრამ საშუალოვადიან და გრძელვადიან პერიოდში შემცირდება ფულადი ტრანსფერები არამარტო იტალიიდან, არამედ მთელი მსოფლიოდან. მთავრობამ და ეროვნულამ ბანკმა უნდა გაითვალისწინოს, რომ უცხოური ვალუტის შემოდინება საქართველოში შემცირდება. ეს გამოიწვევს ლარის კურსის და მიმდინარე ბალანსის გაუფასურებას, რაც გასულ წელს გაუმჯობესდა. 2019 წელს მიმდინარე ბალანსის დეფიციტი ყველაზე მცირე იყო, რაც სავარაუდოდ ისევ გაიზრდება, რადგან მისი მნიშვნელოვანი შემადგენელი ნაწილი ფულადი ტრანსფერება“, - აცხადებენ გოჩა თუთბერიძე.


ეკონომიკის ექსპერტი და ანალიტიკოსი ნიკა შენგელიაც მიიჩნევს, რომ ფულადი გზავნილები განსაკუთრებით რუსეთიდან, იტალიიდან და ესპანეთიდან შემცირდება.


„ფულადი გზავნილები მოიკლებს როგორც რუსეთის ფედერაციიდან, ასევე ევროპიდან, განსაკუთრებით იტალიიდან და ესპანეთიდან, სადაც ეკონომიკა შენელებულია. ბოლო სტატისტიკური მონაცემებით, რუსეთიდან უფრო მეტი შემოდიოდა ვიდრე სხვა ქვეყნებიდან, ამიტომ შეიძლება მან პირველობა დათმოს. შემცირდება ტურიზმი, სასტუმროების ბიზნესი და ასევე ფულადი გზავნილები. ეს ყველაფერი საბოლოოდ ასახვას ჰპოვებს ლარის კურსზე და ქვეყნის ეკონომიკაზე“, - განმარტა ნიკა შენგელიამ.


მიკროსაფინანსო ორგანიზაცია „რიკო კრედიტის” სამეთვალყურეო საბჭოს თავმჯდომარე ლაშა ნიკოლაიშვილი ამბობს, რომ ამ ეტაპზე ფულადი გზავნილები არა თუ შემცირებული, არამედ პირიქით 20%-ით გაზრდილია, თუმცა გაგრძელდება თუ არა ასეთი სიტუაცია, პროგნოზის გაკეთება უჭირს.


„ამ მომენტისთვის ძალიან აქტიურად ვაკვირდებით ფულადი გზავნილების საკითხს. ჩვენი გზავნილების სისტემა იტალიაში ძალიან გავრცელებულია. ამ ეტაპისთვის კლება არ ფიქსირდება და მინდა ამისთვის ემიგრანტებს მადლობა გადავუხადო, რადგან მიუხედავად ამხელა უბედურებისა, რაც იტალიაში და ზოგადად მსოფლიოში ხდება, თავიანთ ბოლო თეთრებს ოჯახის წევრების და ნათესავებს უგზავნიან. საოცრება ხდება, რადგან მიუხედავად იმისა, რომ კლებას ველოდით, ბოლო ორ კვირის მონაცემებით დაახლოებით 20%-იანი ზრდა გვაქვს, თუმცა გაგრძელდება თუ არა ასეთი სიტუაცია, პროგნაზის გაკეთება მიჭირს“, - აცხადებს ლაშა ნიკოლაიშვილი.


აღსანიშნავია, რომ საქართველოს ეროვნული ბანკის მონაცემების მიხედვით, 2019 წელს საქართველოში განხორციელებული ფულადი გზავნილების მოცულობა თითქმის 10%-ით გაიზარდა და რეკორდულ 1,73 მილიარდ დოლარს გაუტოლდა, მაშინ როდესაც 2018 წლის ჯამური მაჩვენებელი 1,57 მილიარდი დოლარი იყო.


ქვეყნების სია, საიდანაც 2019 წელს ყველაზე მეტი გზავნილი განხორციელდა შემდეგია:

1. რუსეთი — $428 მილიონი, კლება — 6%;

2. იტალია — $239 მილიონი, მატება — 24%;

3. საბერძნეთი — $192 მილიონი, მატება — 13%; 

4. აშშ — $178 მილიონი, მატება — 12%;

5. ისრაელი — $162 მილიონი, მატება — 7%;

6. თურქეთი — $94 მილიონი, კლება — 10%;

7. გერმანია — $49 მილიონი, მატება — 20%;

8. ესპანეთი — $47 მილიონი, მატება — 14%;

9. უკრაინა — $43 მილიონი, მატება — 49%;

10. პოლონეთი — $31 მილიონი, მატება — 70%.


ნინო თამაზაშვილი





„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება
access_time2020-05-30 19:52:32
ჩინელი მეცნიერები 99%-ით არიან დარწმუნებულები, რომ კორონავირუსის ვაქცინა, რომელზეც მუშაობენ ეფექტური იქნება, - ამის შესახებ ინფორმაციას...

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი
access_time2020-05-30 15:00:14
„ზედაზენი“ ახალ პროდუქტს უშვებს. საუბარია ლუდის პირველ ქართულ ბრენდზე „ აიაზე“, რომელიც ბაზარზე...


მსგავსი სიახლეები

up