2020 წლის აპრილში საქართველოში უცხოეთიდან გადმორიცხული თანხის მოცულობა 42,3%-ით შემცირდა. აპრილში ფულადმა გზავნილებმა 79,078 მლნ დოლარი შეადგინა, ეს კი 58,039 მლნ დოლარით ნაკლებია წინა წლის ანალოგიურ პერიოდთან შედარებით. შარშან აპრილში საქართველოში უცხოეთიდან 137,118 მლნ დოლარი გადმოირიცხა.

საქართველოს ეროვნული ბანკის ვებ-გვერდზე გამოქვეყნებული სტატისტიკის მიხედვით, ყველაზე მეტად გზავნილები რუსეთიდან შემცირდა, აქ კლებამ 61,8% შეადგინა, 27,5%-ით შემცირდა ფულადი გზავნილები იტალიიდან, საბერძნეთიდან გადმორიცხვებმა კი 37,8%-ით დაიკლო.

გთავაზობთ Top-10 ქვეყანას, საიდანაც აპრილში საქართველოში ყველაზე დიდი მოცულობის თანხა გადმოირიცხა:

რუსეთი - 13,115 მლნ დოლარი
იტალია - 13,363 მლნ დოლარი
საბერძნეთი - 10,152 მლნ დოლარი
ისრაელი - 6,875 მლნ დოლარი
ამერიკა - 9,741 მლნ დოლარი
თურქეთი - 5,327 მლნ დოლარი
გერმანია - 3,728 მლნ დოლარი
უკრაინა - 1,999 მლნ დოლარი
ესპანეთი - 1,588 მლნ დოლარი
პოლონეთი - 1,468 მლნ დოლარი

რაც შეეხება საქართველოდან გადარიცხვებს, 2020 წლის აპრილში უცხოეთში გზავნილებმა 9,999 მლნ დოლარი შეადგინა, რაც 47,7%-ით ნაკლებია წილა წლის ანალოგიურ პერიოდთან შედარებით, შარშან აპრილში ქვეყნიდან 19,131 მლნ დოლარი გადაირიცხა.

ფულადი გზავნილების შემცირების მთავარი განმაპირობებელი ფაქტორი მსოფლიოში კორონავირუსის პანდემიის გამო მიმდინარე ეკონომიკური მდგომარეობაა.

bpn.ge