დიდი ბრიტანეთი სანქციების ახალ პაკეტზე მუშაობს, რომელიც Brexit-ის დასრულების შემდეგ ამოქმედდება. გამოცემა The Financial Times-ის ცნობით, სასანქციო სიაში ადამიანის უფლებების დამრღვევი პირები შევლენ.
გამოცემის ცნობით, სიაში რამდენიმე ქვეყნის, მათ შორის რუსეთის, ლიბიის და ჩრდილოეთ კორეის მოქალაქეები მოხვდებიან. არაა გამორიცხული, რომ სანქციები ასევე ამოქმედდეს საუდელი ჟურნალისტის ჯამალ ჰაშოღის მკვლელობაში ბრალდებული პირების წინააღმდეგ.
სანქციები 31 იანვარს ამოქმედდება, როდესაც დიდი ბრიტანეთი ევროკავშირის შემადგენლობას დატოვებს.
12 დეკემბერს დიდ ბრიტანეთში ვადამდელი საპარლამენტო არჩევნები ჩატარდა, რომელშიც ბორის ჯონსონის კონსერვატიულმა პარტიამ ბოლო 30 წლის განმავლობაში საუკეთესო შედეგი აჩვენა. ლონდონმა ევროკავშირი 2020 წლის 31 იანვარს უნდა დატოვოს.
imedinews.ge