• Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს

ფსიქო-სოციალური რეაბილიტაციის ცენტრში „მენტალ ჰაბი“ უფასო ფსიქოთერაპიის კურსები კოვიდ ცენტრებში დასაქმებული ექიმებისთვის, ექთნებისთვის და სანიტრებისთვის 6 თვეა მიმდინარეობს. არსებული მწვავე ეპიდემიოლოგიური ვითარებიდან გამომდინარე, ცენტრში ამ მიმართულებისთვის თერაპევტბის კიდევ უფრო დიდი დროითი რესურსი გამოიყო.

„გასულმა თვეებმა დაგვანახა, რომ ჩვენი საჭიროება დიდია იმ სამედიცინო პერსონალისთვის, ვინც მთელი ეს პერიოდი პანდემიასთან ბრძოლის წინა ხაზზე აღმოჩნდნენ. ბოლო 2 თვეში გაზრდილი ინფიცირების შემთხვევები და კოვიდ ცენტრებში არსებული სტრესული რეალობა პირდაპირ აისახა ჩვენთან მომართვიანობის ზრდის დინამიკაზე.

აღნიშნული პროგრამა საშუალებას გვაძლევს დავეხმაროთ ვირუსთან მებრძოლ სამედიცინო პერსონალს. იქედან გამომდინარე, რომ ბუნდოვანია კიდევ რამდენ ხანს გასტანს პანდემია, აუცილებელია ვიზრუნოთ პირველ ხაზზე მებრძოლი ადამიანების ფიზიკური და ფსიქიკური რესურსების შენარჩუნებასა და გაძლიერებაზე . ამ მიზნების მიღწევას ვცდილობთ ინდივიდუალური და ჯგუფური ფსიქოთერაპიით, ფსიქოკონსულტირებით და ფსიქოგანათლებით. მენტალ ჰაბის მულტიპროფილური გუნდი, რომელიც შედგება ფსიქოთერაპევტების, ფსიქიატრების და ჯანდაცვის მენეჯერებისაგან, მზად არის იმუშაოს დისტანციურადაც.“-აცხადებს „მენტალ ჰაბის“ დამფუძნებელი და დირექტორი აკაკი ბურკაძე.

6 თვის განმავლობაში ფსიქორეაბილიტაციის უფასო კურსებით 20-მდე ექიმმა ისარგებლა. დამატებითი რესურსი „ექიმების მხარდაჭერის“ პროგრამაში 100-მდე ექიმის ჩართვის საშუალებას იძლევა.

ექიმების მხარდაჭერის პროგრამა ევროპაბეთის სოციალური პასუხისმგებლობის პროექტებისა და პასუხისმგებლიანი თამაშის პოლიტიკის ნაწილია. ბეთსონ ჯგუფის წარმომადგენელი საქართველოში ჯგუფის ერთ-ერთი მთავარი ღირებულების პასუხისმგებლიანი თამაშის ევროპული მოდელის დანერგვას ინდუსტრიაში 2019 წლის ბოლოდან ცდილობს.

„მენტალ ჰაბთან“ პარტნიორობა ჩვენთვის პასუხისმგებლიანი თამაშის პოლიტიკის ნაწილია. რომელიც თავის მხრივ სამ მიამრთულებას პასუხისმგებლობა ბიზნესის, კომუნიკაციისა და საზოგადოების მიმართ. ფსიქოთერაპიის უფასო კურსები ლუდომანებისთვის ჩვენი დაფინანსებით თითქმის 1 წელია შეუფერხებლად მიმდინარეობს. როცა პროექტში მენტალ ჰაბის სახით ახალ პარტნიორს ვამატებდით, ნათლად დავინახეთ, რომ პანდემიის პარალელურად სამედიცინო პერსონალისთვის ასეთი სახის მხარდაჭერა მნიშვნელოვანი იქნებოდა. მომართვიანობის გაზრდის შემთხვევაში მზად ვართ კიდევ გამოვყოთ დამატებითი ფინანსური რესურსი ამისთვის, იმ დრომდე სანამ ამის საჭიროება იქნება.“ ლაშა გოგუა, ევროპაბეთის მარკეტინგის დირექტორი.

„მენტალ ჰაბში“ ინდივიდუალური ფსიქოთერაპიის უფასო კურსის გასავლელად, მსურველებმა უნდა დარეკონ ნომერზე 0322 051911.

შეგახსენებთ, რომ „ევროპაბეთმა“ პასუხისმგებლიანი თამაშის პოლიტიკა 2019 წლის დეკემბერში წარადგინა. პირველი მასშტაბური ნაბიჯი კომპანიის მხრიდან რეკლამის თვითრეგულირება გახდა, კომპანიამ გარეთ განთავსებული ყველა ბანერი ჩამოხსნა და მედიაში საკუთარი კომუნიკაციის რეგულირება დაიწყო. მცირე ხანში კი ინოვაციური ტექნოლოგია დროის კონტროლი დანერგა.

რეკლამაში დაზოგილი თანხა „ევროპაბეთს“ საშუალებას აძლევს, ბიუჯეტი სპორტის განვითარების, ცხოვრების ჯანსაღი წესის ხელშეწყობისა და სხვა მნიშვნელოვანი სოციალური საკითხებისკენ მიმართოს. ვებგვერდზე responsible.ge დეტალურადაა აღწერილი ყველა ის ტექნოლოგია თუ მეთოდი, რომლითაც „ევროპაბეთის“ მომხმარებლები სარგებლობენ.

(NS)