„ფრონტერა“ სახელმწიფოს სადაო საძიებო ტერიტორიას უბრუნებს- „დავუბრუნებთ სახელმწიფოს ამ ფართობს მათი სურვილისა და სასამართლოს გადაწყვეტილების შესაბამისად“

„ფრონტერა“ სახელმწიფოს სადაო საძიებო ტერიტორიას უბრუნებს- „დავუბრუნებთ სახელმწიფოს ამ ფართობს მათი სურვილისა და სასამართლოს გადაწყვეტილების შესაბამისად“

access_time2020-05-04 12:45:02

კომპანია „ფრონტერა“ სპეციალურ განცხადებას ავრცელებს, რომელსაც „კომერსანტი“ უცვლელად გთავაზობთ: „მიმდინრე წლის 29 აპრილს ნავთობისა და გაზის კორპორაციამ გაავრცელა საჯარო განცხადება ფრონტერასთან დადებული ხელშეკრულების შეწყვეტის თაობაზე. განცხადება დაკავშირებულია საარბიტრაჟო დავასთან, რომელიც 2018 წ. ხელისუფლებამ წამოიწყო ჩვენი კომპანიის წინააღმდეგ და წარმოადგენს 2013 წლიდან მოყოლებული, კომპანიის სისტემატიური შევიწროვების, ობსტრუქციის, კონტრაქტის შეწყვეტისა და პროექტის ექსპროპრიაციის მრავალგზის წარუმატებელ მცდელობას.


არბიტრაჟის გადაწყვეტილება არ შეიცავს და არც გულისხმობს ფრონტერას კონტრაქტის შეწყვეტას. კორპორაციის ეს განცხადება გამიზნულია შეგნებულად გააგრძელონ უზუსტობებით სავსე, შეცდომაში შემყვანი და შეთხზული ინფორმაციის გავრცელება, ჩვენი კომპანიისთვის ზიანის მიყენებისა და დისკრედიტაციის მიზნით. მარტივად რომ ვთქვათ, მათ არც ხელშეკრულების ცალმხრივად შეწყვეტის უფლება აქვთ და არც კონტრაქტი შეიცავს პირობას, რომელიც კონტრაქტის ვადამდელ ავტომატურ შეწყვეტას გულისხმობს. სწორედ ფრონტერასთან დადებული ხელშეკრულების შეწყვეტა იყო ხელისუფლების ყველაზე მნიშვნელოვანი მოთხოვნა, იმ ბრალდებით, რომ თითქოს კომპანია არღვევდა კონტრაქტის მთელ რიგ პირობებს, თუმცა სასამართლომ ხელისუფლების ეს მოთხოვნა არ დააკმაყოფილა. სასამართლომ ასევე არ დააკმაყოფილა ხელისუფლების მოითხოვნა, რომ ფრონტერას დაკისრებოდა დაახლოებით 320 მილიონი ლარის გადახდა.


რაც შეეხება ხელისუფლების მოთხოვნას, დავაბრუნოთ გარკვეული საძიებო ტერიტორია, გვინდა განვმარტოთ, რომ ეს ის ფართობია, რომელზეც ხელისუფლება, წარმოდგენილი ენერგეტიკის ყოფილი მინისტრით, ნავთობის და გაზის კორპორაციისა და სააგენტოს ხელმძღვანელებით და კიდევ სხვებით, წლების განმავლობაში საჯაროდ აცხადებდა, რომ ეს ფართობი არის სრულიად უსარგებლო და უპერსპექტივო ნავთობისა და გაზის პოტენციალის მხრივ.



ჩვენ რა თქმა უნდა დავუბრუნებთ სახელმწიფოს ამ ფართობს მათი სურვილისა და სასამართლოს გადაწყვეტილების შესაბამისად. მივმართავთ ნავთობისა და გაზის კორპორაციას და სააგენტოს, რათა შევხვდეთ და ჩამოვაყალიბოთ არბიტრაჟის გადაწყვეტილების ერთობლივი საჯარო განცხადების ტექსტი, თუმცა ვერ დავთანხმდებით მთლიანი დოკუმენტის გასაჯაროვებას, რომელიც შეიცავს პერსონალურ, კომერციულ, ტექნიკურ, საკუთრების და სხვა კონფიდენციალურ ინფორმაციას, რამაც შესაძლოა შეასუსტოს ჩვენი პოზიცია მომავალში ხელისუფლების წინააღმდეგ დაწყებული სამართალწარმოების შემთხვევაში. ჩვენ განვიხილავთ და შევაფასებთ ასეთი პროცესის დაწყებას იმ ჭრილში, რომ ამან ხელი შეუწყოს საქართველოში საინვესტიციო გარემოს გაუმჯობესებას პირდაპირი უცხოური ინვესტიციების განსახორციელებლად. რამაც შესაძლოა კონსტრუქციული შეტყობინება გაუგზავნოს მათ, ვინც ცდილობს იარაღად გამოიყენოს სასამართლო, რათა შეტევა განახორციელოს საქართველოში მომუშავე ინვესტორებსა და სამუშაო ადგილების შემქმნელების წინააღმდეგ.



ჩვენ მოვუწოდებთ საქართველოს ხელისუფლებას, შეწყვიტოს ფრონტერასა და ასევე სხვა ამერიკული ბიზნესის წინააღმდეგ მიმართული, საზოგადოებასთან ურთიერთობის ეს ყალბი და მავნე კამპანია. გვჯერა, რომ ახლა ყველა ღონეს უნდა მივმართოთ, რათა COVID-19 ით გამოწვეული პანდემიის შემდგომ პერიოდში სქართველოს დავეხმაროთ ეკონომიკის აღდგენაში. როგორც ყველაზე დიდი კერძო ამერიკელი ინვესტორი საქართველოში, ფრონტერა რჩება ამ ქვეყნის ერთგულ კორპორატიულ მოქალაქად იმ მისწრაფებით, რომ კახეთში ჩვენს მიერ ჩატარებული და მომავალში განხორციელებული სამუშაოების შედეგად, მივაღწიოთ საქართველოს ენერგეტიკულ დამოუკიდებლობას, რომ კვლავაც გაგრძელდეს ინვესტიციების შემოდინება და ახალი სამუშაო ადგილების შექმნა ქართველი ხალხის საკეთილდღეოდ“-ნათქვამია განცხადებაში. 


შეგახსენებთ, რამდენიმე დღის წინ გავრცელდა ინფორმაცია, სადაც „საქართველოს ნავთობისა და გაზის კორპორაცია“ და „ნავთობისა და გაზის სახელმწიფო სააგენტო“ აცხადებს, რომ სახელმწიფომ „ფრონტერას“ წინააღმდეგ დავა მოიგო.


თეგები:
ფრონტერა



კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up