„ფრესკომ“ წაგებული საქმე თბილისის სააპელაციო სასამართლოში გაასაჩივრა - „ახალგაზრდა ადვოკატები“

„ფრესკომ“ წაგებული საქმე თბილისის სააპელაციო სასამართლოში გაასაჩივრა - „ახალგაზრდა ადვოკატები“

access_time2020-04-15 17:00:36

კომპანია „ფრესკომ“ Facebook-ის გვერდ „ჟამთასვლა ფოტოსურათებზე“ ავტორ გიორგი ლაბაძესთან, საქმიანი რეპუტაციის შემლახველი ცილისწამების შემცველი ცრუ ინფორმაციის უარყოფის მოთხოვნით წაგებული დავა თბილისის სააპელაციო სასამართლოში გაასაჩივრა. აღნიშნულის შესახებ ინფორმაციას „ახალგაზრდა ადვოკატები“ ავრცელებს, რომელიც საერთო სასამართლოებში, გიორგი ლაბაძის ინტერესებს წარმოადგენს.

 

თბილისის საქალაქო სასამართლომ სადავო გამონათქვამები კომპანიაში არსებული შრომითი დარღვევების შესახებ სიტყვისა და გამოხატვის თავისუფლების ფარგლებში აზრის აბსოლუტური პრივილეგიით დაასაბუთა. ამასთან, სასამართლომ მიიჩნია, რომ სოციალურ გვერდზე გამოქვეყნებული სადავო გამონათქვამები არ ეკუთვნოდა გიორგი ლაბაძეს და სოციალური გვერდის ავტორმა საზოგადოებას მხოლოდ მიაწოდა კომპანიაში დასაქმებული თუ ყოფილი თანამშრომლების მიერ ერთობლივად მომზადებული განცხადების ტექსტი. ამასთან, გიორგი ლაბაძემ სატელევიზიო ეთერშიც გააკეთა განცხადება, რომ ცნობები, რომელიც გამოქვეყნდა მისი ავტორობით მოქმედ გვერდზე, ეკუთვნოდა კომპანიაში დასაქმებულებსა და ყოფილ თანამშრომლებს. სასამართლომ სრულად გაიზიარა გიორგი ლაბაძის დაცვის მხარის პოზიცია და კომპანიის მოთხოვნები დაუსაბუთებლად ცნო.

 

თბილისის საქალაქო სასამართლოს მიღებულ გადაწყვეტილებაში აღნიშნილია შემდეგი:

 

„განსახილველ შემთხვევაში მოპასუხის მიერ არ დარღვეულა საქართველოს კონსტიტუციით, ადამიანის უფლებათა ევროპული დეკლარაციითა და საქართველოს კანონებით დაცული მოსარჩელის უფლებები. მოსარჩელეს მოეთხოვება, იყოს მეტად ტოლერანტული მის მიმართ გამოთქმული მოსაზრებების მიმართ. საზოგადოების ყურადღების დაკმაყოფილება მოითხოვს, რომ მსგავსი დისკუსია არ უნდა იქნეს აკრძალული, დათრგუნული სასამართლო გზით, რადგან დემოკრატიის საყრდენი ღერძი არის სწორედ სიტყვის თავისუფლება და საზოგადოების ჩართულობა საინტერესო და მნიშვნელოვან მოვლენებში.

 


აღსანიშნავია, რომ გიორგი ლაბაძე საჯაროდ გავრცელებულ წერილში, შესავალშივე ახდენს საზოგადოების ინფორმირებას იმ გარემოებების თაობაზე, რომ სადავო გამონათქვამები მას ნამდვილად არ ეკუთვნის და საზოგადოებაც თავიდანვე ინფორმირებულია, რომ გიორგი ლაბაძის საავტორო სოციალური გვერდი მხოლოდ ავრცელებს კომპანიის ყოფილი თუ მოქმედი თანამშრომლების შრომითი პირობების თაობაზე არსებულ შეხედულებებს. აღნიშნულის თაობაზე მან ასევე განაცხადა 2017 წლის 10 თებერვალს, ტვ პირველის სატელევიზიო არხზე, „დიანა ტრაპაიძის „დღის ამბებში", სადაც აღნიშნა, რომ იგი პასუხისმგებლობას იღებდა მხოლოდ იმაზე, რომ წერილები მას სხვა პირებმა გადასცეს, ხოლო შეესაბამებოდა თუ არა მასში გადმოცემული ფაქტები სინამდვილეს, აღნიშნულს არ ამტკიცებდა.

 

აღნიშნულიდან გამომდინარე, სასამართლოს მიაჩნია, რომ სარჩელით სადავო განცხადებები წარმოადგენს არა საზოგადოებისათვის მოპასუხის მიერ ფაქტის შესახებ მტკიცებითი ფორმით მიწოდებას, არამედ, სხვა პირთა მიერ მოწოდებული ცნობების შესახებ საზოგადოების ინფორმირებას. აღსანიშნავია ის გარემოება, რომ არც განცხადებების გავრცელების და არც დავის პროცესში, მოპასუხეს არ მიუთითებია იმ პირთა შესახებ, რომელთა წერილებზე დაყრდნობითაც გაკეთდა ფესბუქსზე სტატუსი. მოპასუხეს ამ პირთა იდენტიფიცირება არ მოუხდენია არც სატელევიზიო გადაცემაში მონაწილეობის დროს. მიუხედავად აღნიშნულისა, ისეთ პირობებში, როდესაც არ არსებობს განცხადებებისათვის ცილისწამების კვალიფიკაციის მინიჭების წინაპირობები, მხოლოდ ის გარემოება, რომ მოპასუხემ არ დაასახელა ინფორმაციის წყარო, ვერ გახდება მისთვის პასუხისმგებლობის დაკისრების საფუძველი, რადგან სიტყვისა და გამოხატვის შესახებ კანონის მე-7 მუხლის მე-4 პუნქტის თანახმად, დაუშვებელია, სიტყვის თავისუფლების შეზღუდვის საქმეზე მოპასუხის უარი – გაამხილოს პროფესიული საიდუმლოება ან მისი წყარო – გახდეს მოპასუხის საწინააღმდეგო გადაწყვეტილების გამოტანის ერთადერთი საფუძველი.

 

ყოველივე აღნიშნულიდან გამომდინარე, მოსარჩელემ ვერ დაადასტურა იმ ფაქტობრივ/სამართლებრივი საფუძვლების არსებობა, რასაც უკავშირდება ცილისწამებისათვის პირის პასუხისმებლობა“ - აღნიშნულია სასამართლოს დასაბუთებულ გადაწყვეტილებაში.

 

კომპანიის სასარჩელო მოთხოვნებს წარმოადგენდა გიორგი ლაბაძეს „ფეისბუქის“ კუთვნილ გვერდზე: „ჟამთასვლა ფოტოსურათებზე“, 2017 წლის 7 თებერვლიდან 10 თებერვლის ჩათვლით, კომპანიაში შრომითი უფლებების დარღვევის თაობაზე გამოქვეყნებული ინფორმაციის უარყოფა მოეხდინა. ამასთან, გიორგი ლაბაძეს მოეხდინა ტელეკომპანია „პირველის“ ეთერში, გადაცემა: „დიანა ტრაპაიძის დღის ამბებით“ გამოქვეყნებული წერილების ნამდვილობის უარყოფაც. ამასთან, კომპანიის მოთხოვნას წარმოადგენდა გადაწყვეტილების დაუყოვნებლივ აღსრულებისა და სარჩელზე გადახდილი სახელმწიფო ბაჟის გიორგი ლაბაძის მიმართ დაკისრების მოთხოვნა.

 

ორგანიზაციის შეფასებით, სასამართლოს გადაწყვეტილება შეიძლება გახდეს საბაზისო დოკუმენტი, რომელიც სუპერმარკეტების ქსელში დასაქმებულთა უფლებების მიმართ ყველა სხვა დამსაქმებლის მხრიდან მეტ წინდახედულებასა და ყურადღებას უზრუნველყოფს. ორგანიზაციის პოზიციით, დავას საზოგადოებრივი მნიშვნელობა გააჩნია და ორგანიზაციისთვის სტრატეგიული სამართალწარმოების საქმეა.

 

ცნობისთვის: შპს „ფრესკო შოპინგ ცენტრის“ სარჩელი სასამართლოში 2017 წლის 13 მარტს დარეგისტრირდა, სამართალწარმოების გაჭიანურება განპირობებული აღმოჩნდა თავდაპირველი მოსამართლის ცვლილების გამო. საქმეზე სულ 6 სასამართლო სხდომა გაიმართა. თბილისის საქალაქო სასამართლოში გადაწყვეტილება მოსამართლე ქეთევან კუჭავამ 2020 წლის 20 თებერვალს მიიღო.






მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up