fresh culinair - ჰოლანდიური ინვესტიციით თბილისში უნიკალური და ეგზოტიკური ხილისა და ბოსტნეულის პირველი მაღაზია გაიხსნა

fresh culinair - ჰოლანდიური ინვესტიციით თბილისში უნიკალური და ეგზოტიკური ხილისა და ბოსტნეულის პირველი მაღაზია გაიხსნა

access_time2021-01-13 15:30:24

ბიმი, იისფერი, სტაფილოსფერი,  მწვანე და სხვადასხვა კომბოსტოს სახეობები, ცუკინისა და არტიშოკის ყველა სახეობა, მონტეროსა, კუმატო - ხილისა და ბოსტნეულის სხვადასხვა ეგზოტიკური და ნაკლებად ცნობილი 750-ზე მეტი სახეობით, თბილისში პირველი Fresh Culinair-ის მაღაზია გაიხსნა. როგორც კომერსანტს მაღაზიის დამფუძნებელმა სოსო მარსაგაშვილმა განუმარტა, პროდუქცია მსოფლიოს 35 ქვეყნიდან ჩამოდის და ბიზნესი სრულად ჰოლანდიური ინვესტიციით დაიწყო.

 

„იდეა გაჩნდა იქიდან, რომ ცნობილი სასტუმროების სამზარეულოების შეფ მზარეულებმა მოგვმართეს თხოვნით, რომ მათთვის ხილ-ბოსტნეულის შემოტანის საკითხი მოგვეგვარებინა. სასტუმროების შემდეგ უკვე  დიდი სუპერმარკეტები „აგროჰაბი“ და „გუდვილიც“ დაგვემატა და მათთვისაც შემოგვაქვს პროდუქტი.

 

ეს არის საქართველოსთვის უცხო ხილ-ბოსტნეული, რომელიც ჩვენთან არ მოდის, მაგრამ მასზე გურმანების და ტურისტების მხრიდან არის დიდი მოთხოვნა. ეს არ არის გაყინული პროდუქცია, ეს არის  ახალი Fresh პროდუქტი და სწორედ ეს არის ჩვენი სავიზიტო ბარათი.

 

წელიწადზე მეტია რაც ვმუშაობთ ამ მაღაზიის გასახსნელად და პანდემიას უკვე  ყურადღებასაც აღარ ვაქცევთ, სხვაგვარად წარმოუდგენელია.

 

ჩვენი გეგმები გვაქვს,  გვინდა რომ საქართველოს მოსახლეობამ გაიცნოს ის პროდუქტი, რომელიც აქამდე არ შემოდიოდა.

 


ყველა პროდუქტი, რომელიც ჩვენ შემოგვაქვს მალფუჭებადია და განსაკუთრებულ  ცოდნას და მოვლას საჭიროებს, ამიტომ გადავწყვიტეთ, რომ ჩვენი მაღაზიაც გაგვეხსნა,“-  ამბობს სოსო მარსაგიშვილი.

 

მიუხედავად კოლოსალური ხარჯებისა, ბიზნესმენი იმედოვნებს, რომ ობიექტებისა და მოსახლეობის დაინტერესებას გამოიწვევს ის უნიკალური პროდუქტი, რაც ჯერ საქართველოში არ მოიპოვება.

მაგალითად, თუ ჩვენ კივი შემოგვაქვს ახალი ზელანდიიდან, ლიმონი არგენტინიდან, ყურძენი სამხრეთ აფრიკიდან და ა.შ. 35 სხვადასხვა ქვეყნიდან, ამ ყველაფერს დიდი ლოგისტიკა სჭირდება,  ამ ყველაფრის მოვლას კი  დიდი ცოდნა.

 

თვითონ ტრანსპორტირების პროცესიც პრობლემურია, ჩვენამ მხრივაც  ვაგვარებთ საკითხს.ლოგისტიკის შემდგომი პროცესიც ასევე დიდ ხარჯებთან არის დაკავშირებული.

 

ასევე დიდი ზარალიც გვაქვს ხოლმე, თუმცა ჩვენთვის ფულის შოვნის ფაქტორი მნიშვნელოვანი არ არის, ჩვენთვის მნიშვნელოვანია, რომ ამ ხილ-ბოსტნეულის მიმართ ცნობადობა ავამაღლოთ და პოპულარული გავხადოთ.

 

ამ პროცესში ადგილობრივი ქართველი ფერმერებიც დაინახავენ, რომ ამ პროდუქტზე მოთხოვნა იზრდება და შემდეგ თვითონაც დაინტერესდებიან, რომ თვითონ დაიწყონ მათი მოყვანა. ჩვენ მიერ შემოტანილი პროდუქტების დაახლოებით 20% შეადგენს  ხილი, დანარჩენი ბოსტნეულია.

 

პროექტი ეს ქართული ინვესტიციით არ დაგვიწყია, ჩვენ ვართ ჰოლანდიური კომპანია. ამჟამად, მეც  ჰოლანდიაში ვცხოვრობ და ვმოღვაწეობ.“- განმარტავს ბიზნესმენი.

 

 

მარიამ მორგოშია



თეგები:
fresh culinair



საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up