ფრაქცია „დამოუკიდებელი დეპუტატები“ კორუფციის წინააღმდეგ ბრძოლასთან დაკავშირებით საკანონმდებლო ინიციატივით გამოდიან

ფრაქცია „დამოუკიდებელი დეპუტატები“ კორუფციის წინააღმდეგ ბრძოლასთან დაკავშირებით საკანონმდებლო ინიციატივით გამოდიან

access_time2020-02-20 22:00:52

პარლამენტის ფრაქცია „დამოუკიდებელი დეპუტატების“ წევრებმა ლევან გოგიჩაიშვილმა, ლევან კობერიძემ და გედევან ფოფხაძემ დღევანდელ ბრიფინგზე წარმოადგინეს საკანონმდებლო ინიციატივა, რომელიც ითვალისწინებს პარლამენტის რეგლამენტში ცვლილების შეტანას ანტიკორუფციული დროებითი კომისიის შექმნასთან დაკავშირებით. ინფორმაციას პარლამენტი ავრცელებს.



„ამ ცვლილებით ჩვენ ვთავაზობთ საქართველოს პარლამენტს, რომ შეიქმნას დროებითი ანტიკორუფციული კომისია პარლამენტში, ეს გაფორმდეს რეგლამენტით და ის სამართლებრივი და ინსტიტუციონალური პრობლემა, რომელიც დღეს არსებობს კორუფციასთან ბრძოლის თვალსაზრისით, ვინაიდან არ გაგვაჩნია საპარლამენტო კონტროლი ამ სფეროში, იყოს დაძლეული და გადაიდგას პირველი პოლიტიკური ნაბიჯი ამ მიმართულებით“, - განაცხადა გედევან ფოფხაძემ.



მისივე თქმით, ამას სხვა ნაბიჯებიც უნდა მოჰყვეს, მათ შორის, დამოუკიდებელი ანტიკორუფციული სტრუქტურის შექმნა.



დეპუტატის განცხადებით, ანტიკორუფციული დროებითი კომისიის შექმნა უნდა გახდეს გარკვეული პოლიტიკური კონსენსუსის ნაწილი პოლიტიკურ სპექტრში, რომელიც „ხედავს, რომ იცვლება ხელისუფლებები, მთავრობები, მაგრამ უცვლელი რჩება პოლიტიკური ისტებლიშმენტის დამოკიდებულება ხალხისადმი, ისინი ხალხს უყურებენ როგორც წინასაარჩევნო რესურსს, შემდეგ კი კორუფციული სქემები გარდამავალი დროშასავით გადადის ერთი მთავრობიდან მეორის ხელში“. მათ მზადყოფნა გამოთქვეს, კორუფციის წინააღმდეგ ნებისმიერ პოლიტიკურ ძალასთან ითანამშრომლონ, ვისაც „კარგად აქვს გათავისებული და გააზრებული, თუ რამდენად საზიანოა ჩინოვნიკების მხრიდან სახელმწიფო რესურსის თავისი კერძო ინტერესებისათვის გამოყენება“.



ერთობლივი პოლიტიკური ალიანსის შექმნა და ერთობლივი ბრძოლა კორუფციის წინააღმდეგ ფრაქციის წევრებს ყველაზე მნიშვნელოვან და არსებით პოლიტიკურ გადაწყვეტილებად მიაჩნია, ვინაიდან მათი აზრით, ანტიკორუფციული პოლიტიკის გააქტიურება და თანმიმდევრული პოლიტიკის შეთავაზება ხელისუფლებისთვის ყველაზე უფრო მნიშვნელოვან პოლიტიკური დღის წესრიგს წარმოადგენს.




ლევან გოგიჩაიშვილი: „ვფიქრობ ეს იქნება ერთ-ერთი ყველაზე მნიშვნელოვანი საკითხი, რომელიც ჩვენ უნდა დავაბრუნოთ აუცილებლად მედია დღის წესრიგში, პოლიტიკურ დღის წესრიგში, იმიტომ, რომ კორუფცია ეს არის ყველაზე ცუდი რამ, რაც შეიძლება სახელმწიფოს დაემართოს მისი დასუსტების თუ ადამიანების გაღარიბების შედეგით“.



მისივე თქმით, ფრაქციაში მიაჩნიათ, რომ არასათანადოდ მიმდინარეობს კორუფციის წინააღმდეგ ბრძოლა სახელმწიფო უწყებების მხრიდან, ხოლო პარლამენტი ვერ გახდა ეფექტური მაკონტროლებელი ორგანო კორუფციასთან ორგანიზებული ბრძოლის წინააღმდეგ.



ლევან გოგიჩაიშვილის განცხადებით, „პარლამენტმა უნდა აიღოს მნიშვნელოვანი ფუნქცია კორუფციასთან ბრძოლის, ჩვენ პარლამენტს შევთავაზებთ ასევე სტრატეგიას, რომელიც ამ მოკლე პერიოდისთვის იქნება მნიშვნელოვანი იმისთვის, რომ ეს პოლიტიკური ციკლი ჩვენ გამოვიყენოთ ეფექტურად კორუფციასთან ბრძოლისთვის“.



„ფრაქციის სახელით მინდა გითხრათ, რომ დღეს ყველა იმ დიდ გამოწვევას რაც გვაქვს ქვეყანაში, რასაც ჰქვია უმუშევრობა, ახალი სამუშაო ადგილების არშექმნა, ტერიტორიული მთლიანობის აღდგენა, ეკონომიკური ზრდა - ამ ყველაფერს აქვს ერთი გამოწვევა - ეს არის ქვეყანაში არსებული კორუფცია და კორუფციული სისტემები“, - განაცხადა თავის მხრივ ლევან კობერიძემ.



მისივე თქმით, აუცილებელია ყველამ გავითავისოთ, რომ კორუფცია არის ის თემა, რომელიც დღეს საქართველოში სისტემურად ჭამს ჩვენს საზოგადოებას იმ გზაზე, რასაც ჰქვია ევროატლანტიკური მისწრაფება, პროგრესული საზოგადოება, განვითარება, კეთილდღეობა.



„მე მინდა მივმართო თხოვნით საერთაშორისო პარტნიორებს, რომ ჩვენი ინიციატივა იმასთან დაკავშირებით, რომ პარლამენტში გაძლიერდეს და შეიქმნას რეალური ანტიკორუფციული მექანიზმი იმისათვის, რომ იყოს უფრო მეტად ეფექტიანი ბრძოლა, კიდევ უფრო მეტად გააძლიერონ თავიანთი მხარდაჭერა ამ მიმართულებით, დაუჭირონ ჩვენს ინიციატივას მხარი, რადგან ჩვენ გვაქვს კონკრეტული ფაქტები, რომლებიც ამ დღეებში ჩამოვთვალეთ და კიდევ ვაპირებთ ჩამოვთვალოთ, სააშკარაოზე გამოვიტანოთ კონკრეტული თემები. სახეზე გვაქვს ელიტარული, მათ შორის, ასევე პოლიტიკური კორუფციაც. სამწუხაროდ, ეს ტენდენცია უფრო და უფრო ძლიერდება. ამიტომ ჩვენ - „დამოუკიდებელი დეპუტატები“ თავს ვალდებულად ვთვლით, შევიტანოთ ეს ინიციატივა, რომელიც შეეხება იმას, რომ პარლამენტში, საჯარო სივრცეში დღის სინათლეზე გამოვიდეს ყველა ასეთი ფაქტი და პარლამენტი, არა მხოლოდ მეცხრე მოწვევის, არამედ შემდეგი მოწვევის პარლამენტი, რეალურად გახდეს ის სტრუქტურა, რომელსაც ექნება რეალური ბერკეტი ამ სენის წინააღმდეგ ბრძოლისთვის“, - განაცხადა ლევან კობერიძემ.



მან იმედი გამოთქვა, რომ ამ ინიციატივას მხარს დაუჭერს დეპუტატების უმრავლესობა პარტიული კუთვნილების მიუხედავად, ვინაიდან ეს არის ის თემა, რომლის გადაჭრაზეა დამოკიდებული ქვეყნის მომავალი, ეკონომიკური განვითარება და მოსახლეობის პირობების ელემენტარულად გაუმჯობესება.







ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს
access_time2020-09-22 16:43:09
ეკონომიკის გაჩერების და მკაცრი შეზღუდვების დაწესების რესურსი არ არსებობს, ამაზე თამამად ვსაუბრობთ და ამაში ალბათ გასაკვირი არაფერი არ არის, - ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა, უწყებათაშორისი საბჭოს სხდომის დასრულების შემდეგ, ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც ნათია მეზვრიშვილმა აღნიშნა, ეკონომიკა ვერ ჩაიკეტება, რადგან ეს დააზარალებს მოქალაქეებს, შესაბამისად იმისთვის, რომ...

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს
access_time2020-09-22 17:10:44
დღეს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა, ამის შესახებ ინფორმაციას საქართველოს ეროვნული ბანკი ავრცელებს. ხვალ კი სებ-ი სავალუტო აუქციონზე 40 მილიონ აშშ დოლარს გაყიდის. ეროვნული ბანკის მიერ ასეთი თანმიმდევრობით განხორციელებულ სავალუტო ინტერვენციებს, ეროვნული ბანკის ყოფილი პრეზიდენტი და ფრაქცია „ნაციონალური მოძრაობის“ თავმჯდომარე...

„წყალი მარგებელი“ გაყიდვებით პირველია საქართველოში და კონკურენტის გამოჩენა არ გვაშინებს

„წყალი მარგებელი“ გაყიდვებით პირველია საქართველოში და კონკურენტის გამოჩენა არ გვაშინებს
access_time2020-09-22 16:00:20
„თუ არ ვართ უკეთესები, მაშინ დაიდგით, გასინჯეთ და შემდეგ შეადარეთ სხვა წყლებს“, - „კოკა-კოლა ბოთლერს ჯორჯიამ“ ახალი პროდუქტი „მთის წყალი“ ამბიციური განცხადებებით წარადგინა. არის თუ არა „მთის წყალი“ საუკეთესო მტკნარი წყლის ბაზარზე და როგორ ხვდებიან ამ სფეროს წარმომადგენლები ახალი კონკურენტის გამოჩენას - ამ და სხვა კითხვებით „კომერსანტი“ კომპანია „წყალი მარგებელი“ დაუკავშირდა. როგორც „კომერსანტს“ „წყალი მარგებელის“ მარკეტინგის დეპარტამენტის უფროსმა ანა...

სამოქალაქო კოდექსით დარეგულირებული საქმიანობის შეზღუდვა რთული იქნება, მევახშეობის აკრძალვა მხოლოდ წინასაარჩევნო დაპირებაა

სამოქალაქო კოდექსით დარეგულირებული საქმიანობის შეზღუდვა რთული იქნება, მევახშეობის აკრძალვა მხოლოდ წინასაარჩევნო დაპირებაა
access_time2020-09-22 12:30:19
„მე არ დავიღლები ამის ლაპარაკით, რომ ადამიანებს ერევათ, მე დავდივარ მიტინგზე, მოდიან ქალბატონები და ამბობენ, ბანკის ძალიან დიდი ვალი მაქვს. მე ყველას ვეკითხები – რომელი ბანკის? იმ 16 ბანკის, რომელმაც მსოფლიოში სახელი გაითქვა და ყველაზე დიდი ინდუსტრია შექმნა? არა და მეუბნებიან მიკროსაფინანსო ორგანიზაციის, ან ვიღაც კერძო პირის თემას. პირდაპირ მინდა, გამოვიდე ინიციატივით. მე პირადად მამკობენ სიტყვა მევახშით. მე მინდა, მოსახლეობას ვუთხრა, განვუმარტო, სიტყვა მევახშე რას ნიშნავს. სიტყვა...

12:00 საათის მონაცემებით, Bloomberg-ზე ერთი დოლარი 3.2413 ლარად ივაჭრება, ბანკებში კი 1 დოლარი 3.2850 ლარი ღირს

12:00 საათის მონაცემებით, Bloomberg-ზე ერთი დოლარი 3.2413 ლარად ივაჭრება, ბანკებში კი 1 დოლარი 3.2850 ლარი ღირს
access_time2020-09-22 12:05:21
Bloomberg-ის სავაჭრო პლატფორმაზე 12:00 საათისთვის ერთი დოლარი 3.2413 ლარად ივაჭრება. პლატფორმაზე ვაჭრობა დღეს 3.2350 კურსით დაიწყო. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის ოფიციალური ღირებულება 3.2295 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2850 ლარადაა შესაძლებელი, ხოლო მისი გაყიდვა - 3.2050 ლარად. „საქართველოს ბანკში“ 1 დოლარის ყიდვა 3.2810...


მსგავსი სიახლეები

up