დონალდ ტრამპის დროს მსოფლიო ამერიკას დიდი თანაგრძნობით უყურებდა, თუმცა ბაიდენის მიერ მიღებული ეკონომიკის მხარდაჭერის პაკეტი ქვეყანას აღორძინების შანსს აძლევს. შესაძლოა ამერიკულმა ზრდამ ჩინურსაც კი გაუსწროს.
ციფრები შთამბეჭდავია, ეკონომიკის მხარდაჭერის პაკეტი, რომელიც კონგრესმა დაამტკიცა და ბაიდენის მიერ ხელმოწერის შემდეგ კანონიერ ძალაში შევიდა, ბიუჯეტიდან 1,9 ტრლნ. დოლარის გამოყოფას ითვალისწინებს. ამდენად, ბოლო 1 წლის მანძილზე პანდემიის ეკონომიკური და ფინანსურ შედეგებთან ბრძოლაზე ვაშინგტონის მიერ გამოყოფილი თანხა დაუჯერებელ 1,9 ტრლნ. დოლარს მიაღწია.
რამდენად ძლიერია ამ პაკეტის „საცეცხლე სიმძლავრე“ 2008 წელს ბარაკ ობამა მიერ გლობალური ფინანსური კრიზისის დროს მიღებულ ზომებთან შედარებით? ეს თავად ციფრებიდან ჩანს, ობამას პროგრამამ ეკონომიკის მხარდაჭერაზე 1 ტრლნ. დოლარზე ნაკლებ გამოჰყო.
განვითარების და ეკონომიკური თანამშრომლობს საერთაშორისო ორგანიზაციის პროგნოზით, 2021 წელს აშშ-ს ეკონომიკის ზრდა 6,5%-ს მიაღწევს. ამერიკელთა 60% პაკეტის მიღებას მხარს უჭერს.
ეს იმის მაჩვენებელია, რომ შტატებში, სადაც ეროვნული ცნობიერების შემადგენელი ნაწილი საუკუნეების მანძილზე საკუთარი თავის იმედზე ყოფნა და სახელმწიფოსგან მაქსიმალური დისტანცირება იყო, მოსახლეობის დიდი ნაწილის შეხედულებები მეტად სოციალური სახელმწიფოს სასარგებლოდ იცვლება.
ასეა თუ ისე, როგორც ჩანს, ამერიკა ეკონომიკური კრიზისიდან გასვლის ეფექტურ და სწრაფ გზას დაადგა.
ამ ტენდენციას შტატებში ვაქცინაციის ტემპიც აძლიერებს. ყოველდღიურად ამერიკაში აცრას 2-3 მლნ. ადამიანს უკეთებენ. რაც უფრო მეტი ადამიანი გაივლის ვაქცინაციას და ვირუსისადმი იმუნიტეტს შეიძენს, ეკონომიკაც მით უფრო სწრაფად აღდგება, თანაც არა მხოლოდ ამერიკის.
ეს ყველაფერი პრეზიდენტ ბაიდენის რეიტინგზე დადებითად აისახება, მის პოლიტიკას პანდემიის მიმართ ამერიკელთა 70% მხარს უჭერს. ეს მაშინ, როდესაც სულ რამდენიმე თვის წინ დედამიწის უძლიერესი ქვეყნის უმწეობას მთელი მსოფლიო თანაგრძნობით უყურებდა. ინფიცირება და სიკვდილიანობა შოკისმომგვრელი იყო, ეკონომიკა ნანგრევებში იყო, უმუშევრობა იზრდებოდა.
დონალდ ტრამპი ცალკეული შტატების გუბერნატორებს პანდემიასთან ბრძოლის სტრატეგიაზე ეკამათებოდა, რაც ზოგად პოლიტიკურ კონფლიქტს ასახავდა და ამერიკელებისთვის პატრიოტიზმის გამოცდად იქცა. როგორც ჩანს, ეს ყველაფერი ნელა-ნელა წარსულს ბარდება.
ზოგიერთი ბანკი ეკონომიკის ზრდას 7%-ზე მეტადაც კი ვარაუდობს და ეს მაშინ, როდესაც 1984 წლიდან 6,5%-ც კი უპრეცედენტო მოვლენა იქნება. სწორედ 1984 წელს რონალდ რეიგანმა მეორედ არჩევის კამპანიას „დილა ამერიკაში“ დაარქვა. დღეს შტატები სინათლის პირველ სხივებს ხედავენ, რა თქმა უნდა, კაპიტოლიუმის შტურმის, მოსახლეობის და პარტიების პოლიტიკური გახლეჩვის ფონზე, ძნელია „დილის გარიჟრაჟზე“ საუბარი.
თუმცა, მართებული არც ამერიკის სიძლიერის და აღდგენის პოტენციალის იგნორირება იქნება. დემოკრატმა ბაიდენმა ამერიკის აღდგენისთვის პირველი სწორი ნაბიჯები უკვე გადადგა.
faz.net
მოამზადა თენგიზ აბლოთიამ