გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.
თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.
ეს უკვე საფრანგეთის ეროვნული ბანკის სტატისტიკაშიც გამოჩნდა -2017 წლის იანვრიდან 2020 წლის თებერვლამდე ფრანგები თვეში საშუალოდ 5,9 მლრდ. ევროს ზოგავდნენ, ხოლო 2020 წლის მარტში ეს მაჩვენებელი მკვეთრად - 19,6 მლრდ.-მდე გაიზარდა.
ფრანგული სოციოლოგიური სამსახურის Ifop-ის მონაცემებით, უკვე 2019 წლის ბოლოს ქვეყნის მოქალაქეების განწყობებში მომავლის გაურკვევლობის და არასტაბილურობის შიში საკმაოდ გაზრდილი იყო, ხოლო კორონაკრიზისმა ეს ვითარება კიდევ უფრო დაამძიმა.
ანალიტიკური ცენტრი Xerfi ფრანგების სამომხმარებლო ხარჯების 7,5%-ით შემცირებას პროგნოზირებს. გამოკითხულთა 31% შემოსავლების მკვეთრ ვარდნას ელის, და ისეთ საინვესტიციო აქტივში, როგორც უძრავი ქონება, ფულის ჩადებაზე დროებით უარის თქმას აპირებს.
შესაძლო კრიზისს უძრავი ქონების ბაზარზე ორი ფაქტორი აძლიერებს - საკუთარი ფინანსური შესაძლებლობების ვარდნის რისკი, და ბინებზე ფასების შემცირების მოლოდინი. გამოკითხულთა მხოლოდ 35% მათ შორის, ვინც პანდემიამდე ბინის ყიდვას აპირებდა, დღეს ამ თავის სურვილზე უარის თქმას არ გეგმავს, 21%-მა გადადო შეძენა 1 წლით, დანარჩენებმა კი არ როდის შეძლებენ უძრავი ქონების ყიდვას არ იციან.
კრიზისმა ასევე ახალი ტენდენცია გააჩინა- სულ უფრო მეტ ადამიანს ცხოვრება არა ქალაქის ბინაში, არამედ გარეუბანში, კერძო სახლში სურს. ამის ახსნა ძალიან მარტივია - კარანტინმა ყველას დაანახა, რამდენად ფასეულია ის ზედმეტი კვადრატული მეტრები და საკუთარი ეზო, რომელსაც ადამიანებს კერძო სახლი ჩუქნის.
თანაც - კერძო სახლი არის პირადი ციხე-სიმაგრე, სადაც ვერანაირი უცხო ადამიანი ინფექციას ვერ შემოიტანს.
ფრანგების დიდ ნაწილს სურს სოციალური დისტანციის მაქსიმალური შენარჩუნება - გამოკითხვების თანახმად, იმ მოქალაქეთა რაოდენობა, ვისაც სურს დისტანციური მუშაობის გაგრძელება და შოპინგის ჩანაცვლება ონლაინ-ვაჭრობით, მკვეთრად გაზრდილია.
პანდემიის მიერ მოტანილი კიდევ ერთი ახალი ტენდენცია - საფრანგეთში ადგილობრივ პროდუქციაზე მოთხოვნა იზრდება, განსაკუთრებით კი ეს მცირე მწარმოებლებს, და ოჯახურ კომპანიებს ეხება. სოციოლოგიური გამოკითხვებიც და ონლაინ-სერვისების მონაცემებიც ფერმერული პროდუქტების მიწოდების ზრდას ადასტურებს.
ამ გზით მოქალაქეები მძიმე მდგომარეობაში ჩავარდნილ თანამემამულეებს ეხმარებიან, და ქვეყნის სასურსათო უსაფრთხოებაზე ზრუნავენ. კორონავირუსმა ყველას დაანახა, რომ საზღვრები შესაძლოა ნებისმიერ მომენტში დაიკეტოს, ამიტომაც ძალიან მნიშვნელოვანია რომ ქვეყანაში საკმარისი რაოდენობის კრიტიკულად მნიშვნელოვანი პროდუქცია იწარმოებოდეს.
კიდევ ერთი ახალი ტენდენცია - საშუალო კლასის, დაბალი ფასის და შედარებით მისაღები ხარისხის პროდუქციაზე მოთხოვნის ზრდა. ახსნა მარტივია - სოციალური სამსახურის YouGov-ს გამოკითხვის შედეგების თანახმად, კარანტინის შემდეგ ფრანგების თავიანთი ხარჯების 40%-ს შემცირებას გეგმავენ.
ეპიდემიის შედეგად, ასევე გაიზრდა ფრანგების ინტერესი ჯანმრთელობის დაცვის მიმართ - სპორტული მაღაზიების ერთ-ერთი ქსელის ინფორმაციით, 30% გაზრდილია სპორტთან დაკავშირებული პროდუქციის გაყიდვები - საუბარია ტრენაჟორებზე, ველოსიპედებზე, სხვადასხვა სახის ვიტამინებზე, და კვებით დანამატებზე.
ფასეულობათა ახალ სისტემაში ველოსიპედს განსაკუთრებული ადგილი უკავია -ის სასარგებლოა ჯანმრთელობისთვის, და როგორ საზოგადოებრივ ტრანსპორტში სიმჭიდროვის, ასევე კერძო ავტომობილში საცობების თავიდან არიდების საშუალებას იძლევა.
თუმცა, ამავე დროს საზოგადოებრივი ტრანსპორტის მიმართ უნდობლობის და გაიაფებული საწვავის გამო მოსალოდნელია ასევე ავტომობილებზე მოთხოვნის ზრდაც.
შევაჯამოთ - უახლოეს პერსპექტივაში საშუალო მომხმარებლის „საგზაო რუკა“ ასე გამოიყურება - ის მეტ ფულს ზოგავს, არააუცილებელ საყიდლებს აუქმებს, ფულს კი ყველაზე აუცილებელ და ხელმისაწვდომ საქონელზე ხარჯავს.
ფრანგთა მხოლოდ 45% მიიჩნევს, რომ მოხმარების კრიზისამდელ დონეზე შეინარჩუნებს.
Radio France intenacional