მეპურეები პურის ფასის ზრდასთან დაკავშირებით მთავრობის ჩართულობას ითხოვენ

მეპურეები პურის ფასის ზრდასთან დაკავშირებით მთავრობის ჩართულობას ითხოვენ

access_time2018-12-10 16:00:00

სარეალიზაციო წერტილებში პურის ფასმა 5-10 თეთრით მოიმატა.გაძვირების მიზეზად პურპროდუქტების კომპანიის წარმომადგენლები ფქვილზე ფასის მატებას ასახელებენ.



მეპურეთა ასოციაციის თავმჯდომარე მალხაზ დოლიძე, პურის ფასის მატებას ეკონომიკურ საკითხებს უკავშირებს და ამბობს, რომ მსოფლიო ბაზარზე ხორბლის ფასის ზრდამ გააძვირა ფქვილი და შესაბამისად პური.



„ფქვილის ფასის ზრდიდან გამომდინარე იძულებული ვიყავით გაგვეზარდა პურის ფასიც.ზაფხულიდან მოყოლებული ერთი ტომარა ფქვილის ფასი 37 ლარიდან 44-45 ლარამდე გაიზარდა, რაც კრიტიკული ფასია მეპურეებისთვის,იმიტომ რომ ასეთი ფასის პირობებში ვერ ვეტევით თვითღირებულებაში. გარდა ამისა მოსახლეობისა და ბაზრის მოთხოვნით პოლიეთილენის შეფუთვა ქაღალდის შეფუთვით შეიცვალა, რაც გარკვეულწილად ფასებზეც აისახა,“-განაცხადა მალხაზ დოლიძემ.



დოლიძე პრობლემის მოგვარებაში მთავრობის ჩართვას საჭიროდ თვლის.



„მთავრობის ჩართულობა საჭიროა, ვინაიდან ეს სენსიტიური თემაა, რადგან ძირითად კვების პროდუქტს ეხება. საქართველოს წელიწადში მილიონი ტონა ხორბალი სჭირდება,რაც ბევრი არაა. მიზანშეწონილია მარაგების შექმნა, რათა ასეთი პრობლემები არ შეიქმნას, ასევე ადგილობრივი წარმოების წახალისება, თუმცა ამ საკითხების გადაჭრა დროის საკითხია,“-განმარტავს მალხაზ დოლიძე.



ფქვილის მწარმოებელთა ასოციაციის ხელმძღვანელმა ლევან სილაგავა პურის ფასის ზრდას ობიექტურს უწოდებს მსოფლიო ბაზარზე ხორბლის ფასის ზრდიდან გამომდინარე და სხვა მოქმედ ფაქტორებს შორის ვალუტის კურსს ასახელებს.



„ფქვილის ფასი ობიექტურად გაიზარდა, რადგან რუსეთში საიდანაც ხორბლის 90%-ის იმპორტი ხდება, გაიზარდა ხორბლის ფასი, ასევე გაიზარდა გემით ტვირთის გადაზიდვის ქირა (ფრახტები), ტრანსპორტირება, ამას გარდა ვალუტის კურსმაც იქონია გავლენა ვინაიდან დოლარით ვყიდულობთ ხორბალს. 


ხორბლის და ფქვილის ბოლო 10 წლის სტატისთიკა მოწმობს, რომ ეს ფასები ჩვენთან მსოფლიო ბაზარზე არსებული მდგომარეობის მიხედვით იცვლება. ვფიქრობ, ახლა არსებული ფასი ჯერ-ჯერობით არ შეიცვლება, თუ ვალუტის კურსის მკვეთრი ცვლილება არ მოხდა. ახალი ანალიტიკა კი, შემდეგი წლის თებერვლიდან გვეცოდინება და მერე შეგვიძლია პროგნოზებზე საუბარი,“
-აცხადებს ლევან სილაგავა.



აღსანიშნავია, რომ პურის ფასის ზრდას პრემიერ-მინისტრი, მამუკა ბახტაძეც გამოეხმაურა და შესაბამის ორგანოებს საკითხის შესწავლიკენ მოუწოდა.



„მინდა შევეხო დღევანდელ ინფორმაციას, რომ მოხდება პურის ფასის მკვეთრი ზრდა. არსებობს მოსაზრება, რომ ჩვენ შეიძლება საქმე გვქონდეს არასამართლიან კონკურენციასთან. მინდა შესაბამის ორგანოებს მივმართო, უმოკლეს ვადებში შეისწავლონ ეს სიტუაცია და მოამზადონ ანგარიში რასთან გვაქვს საქმე. საქართველო არის საბაზრო ეკონომიკა, ჩვენ ვართ ღია ეკონომიკა, მაგრამ არასამართლიანი კონკურენციის კეთების საშუალებას ვერავის მივცემთ“, - განაცხადა ბახტაძემ.



მარიამ ტიტვინიძე




ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up