ფოთში მალთაყვის ნახევარკუნძულის განვითარების გეგმის ფარგლებში, ადგილზე სამედიცინო-სარეაბილიტაციო ცენტრი აშენდება.
მალთაყვის განაშენიანების გეგმა დასრულებული და უკვე დამტკიცებულია. მუნიციპალიტეტის მიერ ინფრასტრუქტურულ სამუშაოებთა ერთად ამ ეტაპზე, მიმდინარეობს სხვადასხვა ინვესტორებისგან შეთავაზებული პროექტების განხილვა. ერთ-ერთი ასეთი პროექტია ფოთში სამედიცინო-სარეაბილიტაციო ცენტრი და სასტუმრო. როგორც ფოთის მერმა „გოჩა კურდღელიამ „კომერსანტს“ განუცხადა, აღნიშნულმა პროექტმა, რომელიც გენგეგმით გათვალისწინებულ რეგულაციებს აკმაყოფილებს მოწონება დაიმსახურა და სამუშაოები უახლოეს მომავალში დაიწყება. სამედიცინო ცენტრს შპს „თალუსი“ აშენებს, ხოლო პროექტის საინვესტიციო მოცულობა 4 500 000 ლარს შეადგენს.
მალთაყვის სანაპიროს სილის სამკურნალო თვისებები(ორთოპედიული და ნევროლოგიური ავადყოფების რეაბილიტაციისთვის), იოდით გაჯერებული ჰაერი(პლუს ჰიდრო-ელექტროლიტური ბალანსი კარდიოლოგიური პაციენტებისათვის) - ეს ის მიზეზებია, რატომაც მალთაყვის ტერიტორიაზე სამედიცინო ტურიზმის განვითარება გადაწყდა.
„ცენტრი აღწურვილი იქნება STATE OF ART სამედიცინო აღჭურვილობით და შეეძლება დახმარება გაუწიოს რეგიონში და რესპულიკაშიც არსებულ სხვა სამედიცინო დაწესებულებებს.
მომავალში დაგეგმილია თბილისის ქართულ-ამერიკული კლინიკის «საქართველოს ტერფისა და კოჭწვივ სახსრის ინსტიტუტის» გადმოტანა ფოთში რომლის დირექტორი ჯემალ ჭუმბურიძე უშუალოდ ჩართულია ამ წამოწყებაში. აღნიშნულ კლინიკაში ტარდება ამერიკელი ორთოპედის და სხვა ცნობილი სპეციალისტების მონაწილეობით ურთულესი ორთოპედიული ოპერაციები, ხოლო პაციენტებს შემდგომ ესაჭიროებათ რეაბილიტაცია რისი ბაზაც იქვე ექნებათ. ეს სპეციალისტები წაყვანი არიან არა მარტო რეგიონში არამედ აზიაში, პოსტ საბჭოთა სივრცეში და და კონკურენციას უწევენ ევროპელ კოლეგებს, “ - განმარტავს ფოთის მერი გოჩა კურდღელია.
რაც შეეხება სამედიცინო პერსონალს, ევროპაში გადამზადებული და სერტიფიცირებულია 15 რეაბილიტოლოგი. ადგილზე დაარსდება და იფუნქციებს საშუალო მედპერსონალისა და ექიმების გადასამზადებელი საერთაშორისო ცენტრი. მიღწეულია ვერბალური შეთანხმება ევროპისა და ამერიკის შეერთებული შტატების შესაბამის ასოციაციებთან და ჩამოსული სპეციალისტები ადგილობრივებთან ერთად ჩაატარებენ ტრენინგებს და გასცემენ შესაბამის საერთაშორისო სერტიფიკატებს.
„პაციენტების მოზიდვის მიზნით მოლაპარაკებები დასრულებულია ქუვეითის გაერთიანებული საემიროების სამედიცინო ტურიზმით დაკავებულ კომპანიებთან და მატი სრული მზაობა თანემშრომლიბისათვის მიღწეულია. ანალოგიურ მოლაპარაკებებს ვახორციელებთ რუსეთის ,უკრაინის, ყაზახეთისა და ბელორუსის კომპანიებთან და სამედიცინო ცენტრების დირექციებთან,“ – განმარტავს შპს. თალუსის წარმომადგენელი.
მალთაყვის განაშენიანების გეგმის დამკვეთი ინფრასტრუქტურის სამინისტროა, მისი დამზადება კი 300 ათასი ლარი დაჯდა. გათვალისწინებულია რამდენიმე სხვადასხვა ზონა სპორტული ტურიზმის განვითარებისთვის.
მალთაყვის ნახევარკუნძულის სანაპირო ზოლი - ტერიტორია მდებარეობს მდინარე კაპარჭას, მალთაყვის არხსა და შავ ზღვას შორის, ტერიტორიაზე გადის სენაკი-ფოთი- ბათუმის მაგისტრალური გზა. პროექტის მიხედვით გათვლისწინებულია ამ ზოლზე კემპინგისა და ეროვნული პარკის სტუმრებისთვის განკუთვნილი უბნების გაშენება.
საქართველოს მთავრობის 2017 წლის 31 მარტის №632 განკარგულების შესაბამისად, ფოთში მალთაყვის უბნის ქალაქთმშენებლობითი დოკუმენტაციის შემუშავების მიზნით ეკონომიკის სამინისტრომ საპროექტო მომსახურების მომწოდებლის შესარჩევი კონკურსი 2017 წელს გამოაცხადა, სადაც შპს ,,ურბანიკა“ გამარჯვებულად გამოვლინდა.
მარიამ მორგოშია
მალთაყვა
