2020 წლის 15 სექტემბერს EUGBC-ის ორგანიზებით გაიმართა დისტანციური/ონლაინ შეხვედრა ამერიკის შეერთებული შტატების სრულუფლებიან ელჩთან საქართველოში ქ-ნ კელი დეგნანთან. ონლაინ შეხვედრის ფარგლებში ფოთის თიზ-ის დირექტორმა დავით ებრალიძემ ელჩს ფოთის თიზ-ის უპირატესობები გააცნო და აღნიშნა, რომ იგი მნიშვნელოვანი შემადგენელი ნაწილია იმ ინფრასტრუქტურულ-ლოგისტიკურ ჯაჭვში, რომელსაც ფოთში არსებული პორტი და ტერმინალები ქმნიან.
ელჩს აგრეთვე წარედგინა ინფორმაცია იმ პროექტის შესახებ, რომელიც ფოთის თიზ-ში აშშ-ში საქართველოს საელჩოს დახმარებით განხორციელდა. აღნიშული ეხება თხილის გადამამუშავებელი ქარხანის მშენებლობას, რომელიც 2020 წლის დასაწყისში დასრულდა და სატესტო რეჟიმში მუშაობს. საწარმოს ძირითადი ნედლეული შემოდის აშშ-დან, ხოლო საბოლოო პროდუქტის ექსპორტი დსთ-ს ქვეყნებში ხორციელდება.
გარდა ამისა, ფოთის თიზ-ის დირექტორი დაინტერესდა საგრანტო ინსტრუმენტებით, რომელსაც ამერიკის საელჩო, USAID და U.S. International Development Finance Corporation (DFC) კომპანიებს სთავაზობენ. მისი კითხვები შეეხებოდა საკითხებს, თუ როგორ შეიძლება აღნიშნული შესაძლებლობა გამოყენებულ იქნეს, როგორც ფოთის თიზ-ის არსებული, ასევე ახალი პროექტებისთვის.
დავით ებრალიძემ ქ-ნ ელჩს მადლობა გადაუხადა ფოთის თიზ-თან მიმართებაში გამოხატული ყურადღებისა და თანამშრომლობისთვის და ფოთის თიზ-ში მიიწვია, რათა ადგილზე გაეცნოს არსებულ ინფრასტრუქტურას და მიმდინარე პროექტებს, ასევე დაესწროს აშშ-ში საქართველოს სალჩოს დახმარებით ამუშავებული თხილის გადამამუშავებელი ქარხნის ოფიციალურ გახსნას.
ფოთის თიზი
