ფოთის პორტი ანაკლიის პროექტის შეფერხებას სტრატეგიულად ცდილობს

ფოთის პორტი ანაკლიის პროექტის შეფერხებას სტრატეგიულად ცდილობს

access_time2020-02-13 11:30:44

ანაკლიის პორტის პროექტის გაურკვეველი ვადით შეჩერების შემდეგ, ,,ეიპიემ ტერმინალს ფოთმა” კიდევ ერთხელ შეიტანა განაცხადი ნავსადგურის გაფართოებასთან დაკავშირებით. როგორც კომპანიაში ამბობენ, მათი მტკიცე განზრახვაა, ააშენონ ღრმაწყლოვანი პორტი ფოთში. ახლა ჯერი ეკონომიკის სამინისტროზეა, მისცემს თუ არა ,,ეიპიემს” ანაკლიის ალტერნატიული პროექტის განვითარების საშუალებას.


“ეიპიემ ტერმინალს ფოთის“ განცხადებით, კომპანიამ ოფიციალურად განაახლა ნავსადგურის გაფართოების პროექტის ფარგლებში საჭირო ნებართვების მიღების პროცესი. 11 თებერვალს, “ეიპიემ ტერმინალს ფოთმა” მიმართა ტექნიკური და სამშენებლო ზედამხედველობის სააგენტოს მიწათსარგებლობის ნებართვის მისაღებად, ფოთში ახალი, ღრმაწყლოვანი ნავსადგურის მშენებლობისათვის, რაც წარმოადგენს სამშენებლო ნებართვის მიღების ოფიციალური სამსაფეხურიანი პროცედურის საწყის ეტაპს.


„მიწათსარგებლობის ნებართვის მიღება გახლავთ აუცილებელი წინაპირობა, რათა ღრმაწყლოვანი ნავსადგური, როგორც დაგეგმილია, ექსპლუატაციაში შევიდეს 2022 წლის მეორე კვარტალში. დიდი იმედი გვაქვს, რომ ჩვენი განაცხადი დაკმაყოფილდება და უახლოეს მომავალში შევძლებთ 250 მილიონი აშშ დოლარის ოდენობის პირდაპირი უცხოური ინვესტიციის განხორციელების დაწყებას და ჩვენი საერთაშორისო გამოცდილების გამოყენებით, საქართველოში მეტად საჭირო ღრმაწყლოვანი ნავსადგურის აშენებას და შემდგომ წარმატებით მართვას“, - განაცხადა „ეიპიემ ტერმინალს ფოთის“ გენერალურმა დირექტორმა კელდ მოსგაარდ კრისტენსენმა.


ეიპიემ ტერმინალს ფოთის განცხადება ნავსადგურის გაფართოების პროექტის შესახებ, სამინისტრომ გუშინ მიიღო და მისი განხილვა დაიწყო.


მინისტრის მოადგილე ინვესტორის კონკრეტულ გეგმებზე ამ ეტაპზე ვერ საუბრობს.


“ეს განაცხადი განხილვის, შესწავლის პროცესშია. მე გუშინ გამომიგზავნეს. მათ შორის მიწის (მიწის სამშენებლოდ გამოყენების ნებართვა) საკითხიც არის, ეს არის სამშენებლო ნებართვა და ცხადია, გულისხმობს მიწით სარგებლობასაც, მაგრამ შესწავლის პროცესშია და სხვა კომენტარს ვერ გავაკეთებ, - განაცხადა აკაკი საღირაშვილმა და დასძინა, რომ ეს კანონმდებლობით დადგენილ ვადებში მოხდება.



ანალიტიკოსი, გია ხუხაშვილი ,,რეზონანსთან” იმ რისკებზე საუბრობს, რაც შეიძლება ფოთის პორტის გაღრმაწყლოვანებამ ანაკლიის პროექტს შეუქმნას. თუმცა, მიუხედავად ამისა, არასწორი იქნება ამის გამო ,,ეიპიემ ტერმინალს” უარი ეთქვას ინვესტირებაზე საკუთარი თანხით.


,,ფოთის პორტი ნამდვილად ვერ იქნება ანაკლიის საპირწონე. ჩვენ, უნდა გვესმოდეს, რომ ანაკლია ბევრად უფრო მასშტაბურია. არის მეორე მხარეც, სამართლებრივად პირდაპირ ადგე და აუკრძალო, უთხრა არ გააკეთოო, თუკი ამაში საკუთარ თანხებს და რესურსს დებს, ესეც გაუგებარი და არასწორია. სხვა საკითხია, რომ საერთო სახელმწიფოებრივი სტრატეგია ამით ზიანდება. გამომდინარე იქედან, რომ ღრმაწყლოვანი პორტის გაკეთება ფოთში, საგრძნობლად დააზიანებს მდგომარეობას.


ანაკლიის პროექტზე, ცოცხალი ადგილი აღარ დატოვეს, შესაბამისად, ძალიან ბუნდოვანია ამ პროექტის ბედი, რომელიც შეიძლებოდა ფოთის პორტისაგან განსხვავებით, გამხდარიყო შავი ზღვის უსაფრთხოების ერთ-ერთი ელემენტი. ის შეიძენდა პოლიტიკურ განზომილებასაც. რა თქმა უნდა, ფოთის პორტში ალტერნატიული აქტივობა, საგრძნობლად დააზარალებს ანაკლიას”, - აღნიშნა რეზონანსთან ხუხაშვილმა.


ის, რაც კონსტიტუციაში ასახა ოცნების” ხელისუფლებამ უკვე იქცა შორეულ ოცნებად, რადგან ანაკლიის პორტის აშენება, პოლიტიკური ნების პირობებშიც კი გართულდება. კონსორციუმთან კონტრაქტის შეწყვეტის შემდეგ, რთული წაროსადგენია ინვესტორი, რომელიც დიდ ინვესტიაც ჩადებს. სამართლის სფეროს სპეციალისტი, აკაკი ჩარგეიშვილი ამბობს, რომ ანაკლიას თავისი განსაზღრული სტატუსი აქვს კონსტიტუციის დონეზე და ამას ვერაფერი ჩაანაცველბს. ფოთში, კი ურალოდ შეიძლება მოხდეს არსებული სიმძლავრეების ზრდა.


,,ფოთის პორტის, ღრმაწყლოვან ნავსადგურად გადაკეთების შესაძლებლობა ძალიან რთული იქნება. ფოთს უწევს მუდმივი მუშაობა და დანადგარების შეძენა, რომელსაც ექნება ქვიშის შემსრუტავი დანადგარი, რათა მუდმივ რეჟიმში წყლის სიღრმის დონე იყოს ისეთი, რომ გადაადგილება პრობლემას არ წარმოადგენდეს. ნაციონალური მოძრაობის დროს პორტის დირექტორი იყო თემურ მიმინოშვილი, როდესაც დიდი ამბავი იყო იმასთან დაკავშირებით, რომ მათ შეიძინეს ასეთი გამწმენდი, თუმცაღა მაინც ვერ მიაღწიეს იმ პარამეტრებს, რომელიც დამაკმაყოფილებელი იქნებოდა. ეს პრობლემა სულ დგას.


ასე რომ, ფოთი ანაკლიის საპირწონე ვერ იქნება, მით უფრო, რომ ანაკლიის პორტს უკვე აქვს, სულ სხვა, კონსტიტუციით განსაზღვრული სტატუსი. გარდა ამისა, ანაკლია ითვალისწინებდა სპეციალურ ზონასაც, სადაც საზღვაო არბიტრაჟის თავისუფალი ინფრასტრუქტურული ქალაქი შეიქმნებოდა. ეს სამი კომპონენტი, რომელიც ჩაფიქრებული იყო ანაკლიასთან მიმართებით შეუცვლელია. ფოთში, უბრალოდ შეიძლება მოხდეს არსებული სიმძლავრეების ზრდა და ეს არ იქნება პრობლემა. კონტეინერების მეტი მოცულობა და მეტი ტვირთბრუნვა მხოლოდ მისასალმებელია”, - განუცხადა ,,რეზონანსს” ჩარგეიშვილმა.


ფოთის პორტის გენერალურმა დირექტორმა კლაუს ლოურსენმა სახელმწიფო საკუთრებაში არსებული 351,056 კვადრატული მეტრის გადაცემის მიზნით ეკონომიკის სამინისტროს შემადგენლობაში შემავალ სახელმწიფო ქონების სააგენტოს პირველად წერილობით 2018 წლის 24 ოქტომბერს მიმართა. ამ დროისთვის მათ ღრმაწყლოვანი ნავსადგურის მშენებლობის ნებართვისთვის საჭირო დოკუმენტაცია უკვე წარდგენილი ჰქონდათ ტექნიკური და სამშენებლო ზედამხედველობის სააგენტოში.


მოგვიანებით, 2018 წლის 5 ნოემბერს, ეიპიემ ტერმინალსმა ქონების ეროვნულ სააგენტოში კიდევ ერთ წერილი გააგზავნა და სააგენტოს მოთხოვნილი ნაკვეთების აზომვითი ნახაზები მიაწოდა.


მართალია შარშან მაისში სააგენტომ ნავსადგურის მფლობელ კომპანიას თანხმობა განუცხადა, მოგვიანებით, ეს ბრძანება ეკონომიკის მინისტრმა ნათია თურნავამ გააუქმა.


გაზეთი  რეზონანსი




რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს
access_time2020-07-12 13:00:24
ჯერ კომუნიკაციის სფეროში გასატარებელი სკანდალური ცვლილებები არაა მონელებული და მთავრობამ მორიგი ანტისაბაზრო კანონპროექტი შემოაგდო ორშაბათის ბიუროზე," - ამის შესახებ ფრაქცია "ნაციონალური მოძრაობის"...

როგორ დავიცვათ თავი კორონავირუსისგან ტრანსპორტში და ოფისებში?

 როგორ დავიცვათ თავი კორონავირუსისგან ტრანსპორტში და ოფისებში?
access_time2020-07-12 14:00:21
ზაფხულია და კონდიციონერების გამოყენების საკითხი ძალიან აქტუალური გახდა - პანდემიის პერიოდში ეს არც თუ ისე უსაფრთხო სიამოვნებაა, განსაკუთრებით, დახურულ სივრცეში - მაგალითად, საზოგადოებრივ ტრანსპორტში და ოფისებში.   როგორც ჩანს, დახურული სივრცე კორონავირუსის გავრცელებას ხელს განსაკუთრებით უწყობს. ჩინეთში ჩატარებულმა კვლევამ ცხადყო, რომ 120 ქალაქში დაფიქსირებული 318 კლასტერიდან ღია სივრცეში მხოლოდ 1 დაფიქსირდა, შესაბამისად, ცხადი ხდება, რომ დაინფიცირების...

Le Figaro: Calvin Klein-ის სახე ჭარბწონიანი, შავკანიანი ტრანსგენდერი ქალი გახდა

Le Figaro: Calvin Klein-ის სახე ჭარბწონიანი, შავკანიანი ტრანსგენდერი ქალი გახდა
access_time2020-07-12 11:30:38
...

კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...


მსგავსი სიახლეები

up