ფოთის ღრმაწყლოვანი ნავმისადგომი 2020 წლის ბოლოს სრული დატვირთვით იმუშავებს -  ექსკლუზიური ინტერვიუ „Pace Georgia“-ს გენერალურ დირექტორთან (რენდერები პირველად “კომერსანტზე“)

ფოთის ღრმაწყლოვანი ნავმისადგომი 2020 წლის ბოლოს სრული დატვირთვით იმუშავებს - ექსკლუზიური ინტერვიუ „Pace Georgia“-ს გენერალურ დირექტორთან (რენდერები პირველად “კომერსანტზე“)

access_time2019-06-05 13:30:46

ფოთის ნავსადგურში ახალი, მულტიფუნქციური საზღვაო ტერმინალის მშენებლობისა და მართვის პროექტს, რომელსაც კავკასიის რეგიონში უმსხვილესი სატრანსპორტო კომპანია „Pace Georgia“ ახორციელებს, აშშ-ის კერძო უცხოური ინვესტიციების კორპორაციის (OPIC) მიერ 50 მილიონი დოლარით  უკვე დაფინანსდა. ხელშეკრულების ხელმოწერის ცერემონია ორი კვირის წინ ვაშინგტონში გაიმართა.

 

 

 კომერსანტი დაინტერესდა რა ეტაპზე ახლა სამშენებლო მოსამზადებელი პროცესები, როდის იგეგმება მშენებლობის დაწყება - დასრულება, ვინ იქნება პროექტის მთავარი ინვესტორი და რა რაოდენობის  ინვესტიცია იგეგმება.

 

 

 პეის ჯგუფში შემავალი კომპანია „Pace Georgia“-ს გენერალური დირექტორი ირაკლი თათეიშვილი კომერსანტთან ექსკლუზიურად საუბარში აცხადებს, რომ პროექტი ჯამში 120 მლნ აშშ დოლარის ღირებულებისაა. პირველი ფაზა 93 მლნ დოლარს მოიცავს. ღრმაწყლოვანი ნავმისადგომი 2020 წლის ბოლოს სრული დატვირთვით იმუშავებს.

 

 

 

„პროექტი ეკონომიკის სამინისტროსთანაა შეთანხმებულია. ტერიტორია, სადაც „პეის ჯგუფი“ საპორტო ინფრასტრუქტურას ავითარებს, 25 ჰექტარს მოიცავს. ახლა ტენდერი ტარდება და ივლისის თვეში გაირკვევა კომპანია, რომელიც ტერმინალს ააშენებს. ვფიქრობთ, სექტემბერში აქტიური მშენებლობა დაიწყება. გრაფიკის მიხედვით განსაზღვრულია 18 თვე, რათა სამშენებლო ნაწილი მთლიანად დასრულდეს. ღრმაწყლოვანი ნავმისადგომი შესაძლებლობას იძლევა დამატებით 3 მლნ. ტონა ტვირთი იყოს მოზიდული, საუბარია აზერბაიჯანსა და შუა აზიის ქვეყნებში წარმოებულ ქიმიური მრეწველობის პროდუქტებზე. შემოსავალი, რაც საქართველომ შეიძლება მიიღოს, არის დაახლოებით 60-70 მლნ დოლარი წელიწადში. ვთვლით, რომ პროექტს რეგიონის ეკონომიკისთვის დიდი მნიშვნელობა აქვს, რადგან მის ფარგლებში მოხდება საპორტე ინფრასტრუქტურის განვითარება,“- აცხადებს ირაკლი თათეიშვილი.

 

 

 „Pace Georgia“-ს გენერალური დირექტორი აცხადებს, რომ ტვირთი ძირითადად იქნება იმ სახის რომელის მომსახურებასაც დღევანდელი საპორტე ინფრასტრუქტურა ვერ ახერხებს. მიზეზი, მისი თქმით, არის ის, რომ ბათუმის და ფოთის ფორტს სათანადო ინფრასტრუქტურა  არ აქვს.

 

 

 „ტერმინალი იმისთვის შენდება, რომ მოემსახუროს ისეთ ტვირთებს, როგორსაც საქართველოს ვერც ერთი პორტი ვერ იღებს. ტვირთების სახეობა შეიცვალა იმის გამო, რომ აზერბაიჯანსა და შუა აზიაში ისეთი ტიპის ქარხნები აშენდა, რომლებიც ძირითადად ქიმიური მრეწველობის პროდუქციას აწარმოებენ. საქართველოს პორტები კი ასეთი ტიპის ტვირთების მომსახურებაზე მორგებულები არ არიან. ჩვენს რეგიონში,არასდროს ყოფილა ამ სახეობის ტვირთები, შესაბამისად, მოთხოვნაც ასეთი სახის ინფრასტრუქტურაზე არსებულ პორტებს არ ჰქონიათ. სწორედ ამიტომ ვაშენებთ ამ ტერმინალს, რათა მთლიანად იყოს თანამედროვე ტექნოლოგიით გამართული. ეს იქნება შესაძლებლობა იმისთვის, რომ იქნეს ათვისებული იმ ტვირთების მოცულობა, რომელიც შუა აზიაში და აზერბაიჯანში ახალი ქარხნების გაშვებით გამოვიდა ბაზარზე“,-  განმარტავს ირაკლი თათეიშვილი.


 

 

 „Pace Georgia“ -ს გენერალური დირექტორი კომერსანტთან საუბარში აცხადებს, როდესაც ტერმინალი სრული დატვირთვით დაიწყებს მუშაობას, ადგილზე 200 ადამიანი დასაქმდება.


 

 

 

ირაკლი თათეიშვილი იმ საერთაშორისო კომპანიებს ასახელებს რომელთანაც „Pace Georgia“ თანამშრომლობას გეგმავს.

 

 

„წინასწარი მოლაპარაკებები უკვე დაწყებული გვაქვს. ეს არის დიდი თრეიდერული კომპანიები, რომლებიც დაინტერესებულები არიან ამ ტერმინალის გავლით აწარმოონ თავიანთი პროდუქციის ტრანსპორტირება მსოფლიო ბაზრებზე. ძირითადად  ეს არის glencore, Oxbow, Dreymoor, ეს – , თუმცა ჩვენ მზად ვართ ვითანამშრომლოთ ნებისმიერ სხვა კომპანიასთან   რომელსაც სურვილი ექნება ისარგებლოს ჩვენი ტერმინალის მომსახურებით  “, - აცხადებს ირაკლი თათეიშვილი.

 

 

 

როგორც ექსპერტები ამბობენ საქართველო დამოუკიდებლად ვერ სთავაზობს კომპანიებს კონკურენტულ პირობებს და აუცილებელია მოხდეს გამჭოლი ტარიფების შეჯერება აზერბაიჯანთან და სხვა მეზობელ ქვეყნებთან. კომერსანტის კითხვაზე მუშაობს თუ არა „Pace Georgia“ გამჭოლი ტარიფების ჩამოყალიბებაზე,  ირაკლი თათეიშვილი გვპასუხობს.

 

 

 „ამ თემაზე ვმუშაობთ, არა მარტო ჩვენ არამედ საქართველოს რკინიგზა, აზერბაიჯანის რკინიგზასთან ერთად, ასევე კასპიის საზღვაო კომპანია, ჩართულია ყაზახეთის და უკრაინის რკინიგზები. გამჭოლი ტარიფების შემუშავებაზე მუდმივმოქმედი კომისიაა შექმნილი და ეს მუშაობა მუდმივ რეჟიმში მოქმედებს.ტერმინალის ერთ-ერთი მიზანია მოიზიდოს ის ტვირთები, რომელიც დღეს დღეობით ჩვენს დერეფანს გვერდს უვლის იმის გამო, რომ არ არსებობს ინფრასტრუქტურა და არ არის კონკურენტუნარიანი ტარიფები. ორივე მიმართულებით ინტენსიურად ვმუშაობთ.ეს იქნება კონკურენტუნარიანი ტარიფები შავი ზღვის აუზში არსებულ ტერმინალებთან მიმართებაში“, - განმარტავს ირაკლი თათეიშვილი.


 

 


ეკონომიკის სამინისტროს მონაცემებით, 2019 წლის იანვარ-თებერვალში სატრანსპორტო დარგებმა ჯამში 5.6 მლნ ტონა ტვირთი გადაზიდეს, რაც 100 000 ტონით მეტია 2018 წლის ამავე პერიოდის მაჩვენებელზე.ამასთან, საზღვაო ნავსადგურებმა 2.6 მლნ ტონა ტვირთი გადაამუშავეს. ზრდის ტენდენციას ინარჩუნებს საკონტეინერო ტვირთბრუნვაც.  ქართულმა პორტებმა ორ თვეში 76 183 TEU კონტეინერი მიიღეს, წლიური ზრდა 16 პროცენტია.

 

 

 ტვირთბრუნვა გაიზარდა, როგორც საავტომობილო, ასევე სარკინიგზო გადაზიდვებში. რკინიგზამ 1.6 მლნ ტონა ტვირთი გაატარა, ზრდა 0.1 მილიონია. ამდენივეა ზრდა საავტომობილო ტვირთებში – ამ გზით, 4 მლნ ტონა ტვირთი გადაიზიდა.ბოლო წლებში საქართველოს დერეფანში ტვირთბრუნვას კლების ტენდენცია ჰქონდა.

 

 ბაჩო ადამია





არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up