Forbes.com - საქართველოს შეუძლია კავკასიის რეგიონის „სინგაპური“ გახდეს

Forbes.com - საქართველოს შეუძლია კავკასიის რეგიონის „სინგაპური“ გახდეს

access_time2019-07-05 19:00:14

Forbes.com-ის ანალიტიკოსმა საქართველოს საინვესტიციო გარემოსა და პოტენციალზე რუსული ბოიკოტის შემდეგ საიტზე გამოქვეყნებულ სტატიაში ისაუბრა, სადაც ჟურნალისტი და ანალიტიკოსი მარტი ლეკლერკი აქვეყნებს უმსხვილესი საინვესტიციო კომპანიის ხელმძღვანელთან ინტერვიუს, რომელმაც საქართველოს კავკასიის რეგიონის სინგაპურად  ქცევა უწინასწარმეტყველა. 


მაშინ, როცა ჰოლივუდი  აბორტის აკრძალვასთან დაკავშირებით ჯორჯიის შტატის მიმართ ბოიკოტს განიხილავს , რუსეთის პრეზიდენტმა ვლადიმერ პუტინმა სხვა „ჯორჯიას“ საკუთარი ბოიკოტი გამოუცხადა.საქართველოს სუვერენულ სახელმწიფოში  8 ივლისიდან  რუსული ავიახაზები ფრენებს შეწყვეტენ.



აშკარაა, რომ პუტინი უკმაყოფილო დარჩა ბოლო დროინდელი ანტირუსული პროტესტებით და მიიჩნევს,  რომ ქვეყნის ტურისტულ ინდუსტრიაზე ბოიკოტით ქვეყანას ეკონომიკურ ზიანს მიაყენებს. თუმცა ნაკლებად სავარაუდოა, რომ რუსი დიქტატორის განაწყენებამ რომელიმე ქართველს დაუფრთხოს ძილი.



ქართველები ნატოსა და ევროკავშირში გაწევრიანებისთვის იბრძვიან, ეს მოიცავს სტრატეგიული პარტნიორობის გაღრმავებას დასავლეთთან, როგორც უსაფრთხოებისა და თავდაცვის, ასევე ეკონომიკური კუთხით.



დასავლეთ აზიისა და აღმოსავლეთ ევროპის საზღვარზე მოქცეული საქართველო პირდაპირ ჩანს განვითარებადი და სასაზღვრო ბაზრის ინვესტორების რადარზე.  



თუ გავითვალისწინებთ ამ ქვეყნის ეკონომიკურ პოლიტიკას, რომელიც პატარა,  ყოფილმა საბჭოთა რესპუბლიკამ 2003 წლიდან განახორციელა,  საქართველო არა მხოლოდ სამხედრო კავშირებს აღრმავებს დასავლეთთან, არამედ მან განახორციელა დემოკრატიული და ეკონომიკური რეფორმები.



Freedom House-ის კვლევის მიხედვით, თავისუფლების ინდექსით ქვეყანა მერვე ადგილს იკავებს. ინვესტორებისთვის მნიშვნელოვანია, რომ საქართველო მსოფლიოში ერთერთ, ყველაზე მარტივ ქვეყნად მიიჩნევა ბიზნესის წარმოების კუთხით.




როგორც ყველა განვითარებადი ბაზარი, საქართველოც მნიშვნელოვანი რისკის შემცველია. კორუფციის დონე  Transparency International-ის ცნობით მაღალია, თითქმის ისეთივე, როგორიც ესპანეთში. კადრების  კვალიფიციურობა დაბალია, საქართველოს არ აქვს მნიშვნელოვანი საბაზრო კაპიტალი და ის ზედმეტადაა დამოკიდებული დოლარზე.



ახლა კი რაც შეეხება რუსეთს, ვლატიმერ პუტინი საქართველოს 11 წლის წინ თავს დაესხა და ორი პროვინციის ოკუპირებას დღემდე აგრძელებს.



რისკების მიუხედავად ინვესტორები საქართველოში ხედავენ არაჩვეულებრივ შესაძლებლობას, ერთ-ერთი ასეთი ინვესტორია ევან ვანდერვერი Vanshap Capital-იდან, ფირმა, რომელიც ძვირადღირებული ინვესტიციების მართვაზეა ორიენტირებული.



ვანდერვირი ამბობს, რომ „საქართველოს - რეფორმების ყველაზე საინტერესო ისტორია აქვს მათ შორის, ვისთანაც ჩვენი კარიერის მანძილზე გვიმუშავია.  ჩვენ ვფიქრობთ, რომ ქვეყანას ძალიან ნათელი მომავალი აქვს , რადგანაც ბაზარი ლიბერალიზებას აგრძელებს, სამართლის სექტორი უმჯობესდება, ხოლო ხელისუფლების მშვიდობიანი გადაცემის პროცედურები ვითარდება. ქართველ ხალხს მდიდარი კულტურა აქვს, ისინი განუსაზღვრელ სტუმართმოყვარეობას გაგრძნობინებენ  და დამოუკიდებლები არიან, რაც ტურისტებისა და ინვესტორების დიდ დაინტერესებას იწვევს.



არ არსებობს მარტივი სავაჭრო ბაზრები.  როგორ შეიძლება ინვესტორებმა ქვეყანაზე დივერსიფიცირებული ზემოქმედება მოახდინონ? ჩემი აზრით, ამის გასაგებად Georgia Capital-ის მუშაობას უნდა დააკვირდნენ - ლონდონურ კომპანიას, რომლის კაპიტალი 500 მილიონი დოლარია.



Georgia Capital-ი ფლობს და ავითარებს სახელმწიფო და კერძო მაღალხარისხიან, მზარდ ბიზნესს. ისინი ჯანდაცვის  სფეროში მოთამაშე ობიექტების 57%-ს ფლობენ, ასევე წამყავნი ბანკების 20%-ს.  მათ საკუთრებაშია რძის საწარმო და სადისტრიბუციო კომპანიები საქართველოსა და კავკასიის რეგიონში.



ვანდერვერი ირწმუნება, რომ Georgia Capital-ის ქსელის პოტენციალი ძალიან დიდია, რადგან ინვესტიციებს შემოსავალი მოაქვს და საწყის ეტაპზევე ინვესტიცია შესაძლოა მნიშვნელოვან ბიზნესებად გადაიქცეს.



ინვესტორებს განვითარებად ბაზარზე უნდა გააჩნდეთ ძლიერი მოთმინება, რადგან სარისკოა, რომ ეს ქვეყნები  ისტორიულ სცენარს დაუბრუნდნენ. მეორეს მხრივ, ზოგიერთი ქვეყნისთვის ისტორია არ არის ამოსავალი წერტილი, და მათ შეუძლიათ გამოძვრნენ წარსულიდან და ახალი წარმატებული გზა გაიკაფონ. მაგალითად სინგაპური და სამხრეთ კორეა ავიღოთ. ვირწმუნოთ, რომ  საქართველო სწორ გზას ადგას,  სწორი რესურსებითა და სწორი ხედვით მომავლის მიმართ. ისინი იბრძვიან გახდნენ კავკასიის რეგიონის „სინგაპური“.



თუ გაქვთ სურვილი განახორციელოთ ინვესტიცია განვითარებად ბაზარზე, დაფიქრდით იმაზე, რომ  საქართველოსთვის ბოიკოტის გამოცხადება არ ღირს.  



Forbes.com

მარიამ მორგოშია




კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ

კომპანიები, რომლებიც კორონავირუსის პანდემიის დროს თითქმის ან სრულიად გაკოტრდნენ
access_time2020-07-05 20:00:36
კორონავირუსის პანდემიამ მსოფლიოს მასშტაბით არნახული ეკონომიკური კრიზისი გამოწვია და მასშტაბებიდან გამომდინარე 2008 წლის ეკონომიკურ კრიზისსაც გადააჭარბა. პანდემიის გამო მსოფლიოს...

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები

რა წესები უნდა დაიცვან ტურ-ოპერატორებმა, გიდებმა და მძღოლებმა - განახლებული რეკომენდაციები
access_time2020-07-05 18:30:55
სამუშაო ადგილებზე ახალი კორონავირუსით გამოწვეული ინფექციის გავრცელების თავიდან აცილების მიზნით, განახლდა და დამტკიცდა ახალი რეკომენდაციები. მათ შორისაა რეკომენდაციები ტურ-ოპერატორებისთვის, გიდებისთვის და...

დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში
access_time2020-07-05 11:30:02
აზარტული თამაშების რეგულირებასთან დაკავშირებით პარლამენტის ვიცე-სპიკერი გია ვოლსკი აცხადებს, თუკი ამ ბიზნესს ჩავკეტავთ, იგი იატაკქვეშ გადაინაცვლებს და გაცილებით უფრო მძიმე მაფიოზური სიტუაცია შეიქმნება. როგორ უნდა ავიცილოთ თავიდან მსგავსი სიტუაცია, რომ...


მსგავსი სიახლეები

up