რეპერმა Jay-Z -მ შაპმანურის მწარმოებელი საკუთარი ბრენდის ნახევარი Dior და Louis Vuitton-ს მიჰყიდა, რითიც თავისი კაპიტალი 300 მლნ. დოლარით გაზარდა.
სავარაუდოდ, ბრენდის მთლიანი ღირებულება 600 მლნ. დოლარია და ეს ერთადერთია, რაც ამ გარიგების შესახებ ცნობილია. სხვა დეტალები არ მჟღავნდება.
თუმცა, რეპერი შოუ-ბიზნესის ერთადერთი ვარსკლავი არაა, რომელიც მსხვილ ტრანსნაციონალურ კორპორაციებთან წარმატებულად თანამშრომლობს.
ჯორჯ კლუნი
2016 წელს ტეკილას მწარმოებელი Casamigos-ს წილი, რომელსაც მსახიობი ფლობდა, 1 მლრდ. დოლარად შეფასდა. მის ყიდვაში ბრიტანულმა ალკოჰოლურმა გიგანტმა Diageo-მ სწორედ ამდენი გადაიხადა.
ამ თანხიდან 700 მლნ. დოლარი კლუნიმ რამდენიმე დღეში მიიღო, ხოლო დანარჩენი 300 მლნ. მომდევნო 10 წლის მანძილზე, ბიზნესის მაჩვენებლების მიხედვით გადაერიცხებოდა. გასული 5 წლის მანძილზე კლუნიმ 300-დან 200 მლნ. დოლარი უკვე მიიღო, რის წყალობითაც მან ყველა მაღალანაზღაუერებად მსახიობთა Forbes-ის რეიტინგში პირველი ადგილი დაიკავა.
კლუნიმ ეს კომპანია მოდელის სინდი კროუფროდის მეუღლესთან, მეწარმე რენდი გერბერთან და დეველოპერ მაიკ მელმანთან ერთად შექმნა. თითოეულმა ბიზნესში 600 000 დოლარი ჩადო და კომპანიის თანასწორი პარტნიორი გახდა, რაც მის სახელწოდებაშიც აისახა - Casamigos - ესპანურად „მეგობრების სახლს“ ნიშნავს.
მიღებული შემოსავალი მათ ისევ საქმეში ჩადეს და საბოლოოდ დიდი მოგებაც მიიღეს. ჰოლივუდის მსახიობი და მისი მეგობრები კომპანიას დღესაც მართავენ.
კაილი ჯენერი
კიმ კარდაშიანის დამ, რომელიც რეალიტი-შოუ „კარდაშიანების ოჯახში“ მონაწილეობის წყალობით ძალიან პოპულარული გახდა, 2015 წელს კოსმეტიკური კომპანია Kylie Cosmetics დაარსა.
სოციალურ ქსელებში დიდი აუდიტორიის წყალობით, კომპანია მსოფლიოში ერთ-ერთი ყველაზე სწრაფად ზრდადი კოსმეტიკური ბრენდი გახდა.
2020 წელს კაილი ჯენერმა ბრენდის 51% კოსმეტიკურ გიგანტს Coty-ის 600 მლნ. დოლარად მიჰყიდა. თუმცა, აქციათა 44,1%-ს ის კვლავაც ფლობს და თავის ჯგუფთან ერთად კომპანიის მართვას განაგრძობს.
კიმ კარდაშიანი
კაილი ჯენერის უფროსი და, კიმ კარდაშიანი ასევე კოსმეტიკურ ბრენდს KKW Beauty-ს ფლობს, რომლიც20% მან 180 მლნ. დოლარად იგივე Coty-ს 20% მიჰყიდა.
კარდაშიანი კომპანიის 72%-ს ისევ ფლობს და ეს წილი 500 მლნ. დოლარადაა შეფასებული. ახალ პარტნიორებთან ერთად კომპანია პროდუქციის ახალი კატეგორიების წარმოებას და უცხოური ბაზრების ათვისებას გეგმავს.
2022 წელს კომპანია კანის მოვლის საშუალებების გამოშვებას აპირებს.
რიანა
პოპ-ვარსკლავმა კოსმეტიკური ბრენდი Fenty Beauty შექმნა, რომელშიც მისი პარტნიორია Louis Vuitton-ია.
მომღერალი ბრენდის 15%-ს ფლობს, მისი წილი 450 მლნ. დოლარი ღირს, მაშინ როდესაც მთლიანად კომპანიის კაპიტალიზაცია 3 მლრდ. დოლარს შეადგენს.
რიანა ასევე 80 მლნ. დოლარის წილს საცვლების მწარმოებელ კომპანია Savage x Fenty-ში ფლობს. ბრენდი 2018 წელს TechStyle Fashion Group-თანპარტნიორობით შეიქმნა. ინვესტორების შორის ვენჩურული ფონდები L Catterton და რეპერ Jay-Z-ს მიერ დაარსებული Marcy Venture Partners არიან.
კანიე უესტი
რეპერის ძირითადი აქტივია სპორტული ფეხსაცმლის ბრენდი Yeezy-ა, რომლის პარტნიორი წარმოებაში და მარკეტინგში Adidas არის. უესტი მოგების 11%-ს შეადგენს. 2019 წელს Yeezy-ს შემოსავალმა 1,3 მლრდ. დოლარი შეადგინა, აქედან გამომდინარე კანიე უესტის წილმა 140 მლნ. დოლარი შეადგინა.
forbes.ru
მოამზადა თენგიზ აბლოთიამ