დაივიწყეთ სუპერბოული, მსოფლიო ჩემპიონატი, ევროლიგა.. 2020 წელს ფსონების დადების კუთხით უმსხვილესი მოვლენა აშშ-ს საპრეზიდენტო არჩევნებია. მხოლოდ ბრიტანულმა ბუკმეკერულმა კომპანიამ Betfair-მა 500 მლნ. დოლარის ფსონები მიიღო.
„ინტერესი ძალიან მაღალი იყო არჩევნების ბოლომდე. ამ არჩევნებისადმი ინტერესი ძალიან დიდია, გაცილებით უფრო დიდი, ვიდრე 2016 წელს, კლინტონის და ტრამპს შორის დაპირისპირების დროს - მაშინ ჩვენ 257 მლნ. დოლარის ფსონები მივიღეთ, ახლა კი - თითქმის 2-ჯერ მეტი“ - განაცხადა Betfair-ის წარმომადგენელმა სემ როსბოტომმა.
კიდევ უფრო ნაკლები თანხები ისეთ რეზონანსულ მოვლენებზე დაიდო, როგორც ბრექსიტის რეფერენდუმი (146 მლნ.), ფლოიდ მეიუეზერის და კონორ მაკგრეგორის ორთაბრძოლა (66 მლნ. ) და ფეხბურთში მსოფლიო ჩემპიონატის ფინალი (36 მლნ. დოლარი). ეს - მხოლოდ ერთ, თანაც ბრიტანულ ბუკმეკერულ კომპანიაში.
ფსონების დიდი ნაწილი ბაიდენის სასარგებლოდ დაიდო (66%), ხოლო ტრამპის შანსები 34%-ით შეფასდა.
შტატებში ბუკმეკერულ კომპანიებს არჩევნებზე ფსონების მიღება აკრძალული აქვთ, ამიტომაც აზარტულ ამერიკელებს უცხოური კომპანიების სერვისით სარგებლობა უწევთ. ამ დროს ადგილობრივი ბუკმეკერები უყურებენ უცხოეთში მათი პოტენციური მოგება როგორ გაედინება.
„კარგი იქნებოდა ამ უზარმაზარი თანხების ნაწილი ჩვენც რომ მიგვეღო“ - ამბობს ლას-ვეგასის ბუკმეკერული კომპანია Westgate-ის მფლობელი ბილ მიურეი.
მისი თქმით, ამერიკული აზარტული თამაშების ბაზრის ყველაზე მომგებიანი მოვლენაა სუპერბოული ( ამერიკული ფეხბურთის ჩემპიონატის ფინალი), თუმცა. საპრეზიდენტო არჩევნებს მეტი მოგების მოტანა შეუძლია.
ინტერესს პოლიტიკისადმი ხელს ასევე სპორტული ღონისძიებების ეპიდემიის გამო გაუქმებაც უწყობს, მთელი სპორტული აქტივობა შეჩერებულია, შესაბამისად, აზარტულ ადამიანებს ფსონის პოლიტიკაზე დადების გარდა სხვა არჩევანი არც აქვთ.
„მოთამაშეებმა ბოლოდ და ბოლოს დაინახეს, რომ შესაძლებელია ფსონების დადება პოლიტიკაზეც“ - განაცხადა ფინანსისტმა ფილიპმა, რომელიც ნახევრად პროფესიულად თამაშობს.
ის ფსონების ბრიტანულ ბუკმეკერულ კომპანიებში დებს, და მისი აზრით, ფსონები სოციოლოგიურ გამოკითხვებზე უკეთესად მეტყველებს მეი შანის რომელ კანდიდატს აქვს.
2016 წელს ფსონების უმრავლესობა ტრამპზე იყო, და მან გაიმარჯვა კიდეც, ბრექსიტის რეფერენდუმის დროს მოთამაშეთა უმრავლესობას ევროკავშირიდან ბრიტანეთის გასვლის უფრო სჯეროდა, ვიდრე დარჩენის. Betfair-ის მოთამაშეთა 57% ფსონს დღესაც ტრამპის გამარჯვებაზე დებს, თუმცა, ეს ტიპიური მოვლენა არაა - როგორც უკვე ითქვა, ზოგადად სათამაშო ბაზარზე ჯო ბაიდენის მიმართ ნდობა მეტი იყო.
კითხვაზე „რატომ იწვევს საპრეზიდენტო არჩევნები მეტ ინტერესს, ვიდრე სუპერბოული, ბილ მიურეი Westgate-იდან პასუხობს, რომ ყველაფერი ძალიან მარტივია.
„საპრეზიდენტო არჩევნებზე საკუთარი აზრი თითქმის ყველას გააჩნია. თანაც ამერიკაში უამრავია ადამიანია, ვისაც ფეხბურთი საერთოდ არ აინტერესებს. რამდენს იცნობთ ისეთს, ვისაც საპრეზიდენტო არჩევნები, თანაც ასეთი დაძაბული არ აინტერესებს? ალბათ ძალიან ცოტას“ - მიიჩნევს ის.
forbes.ru
თენგიზ აბლოთია
ტოტალიზატორი
