2019 წლის ბოლოს სოციალური ქსელი TikTok გადაუდებელი პრობლემის წინაშე აღმოჩნდა - პოლიტიკური კონტენტის ზრდა, განსაკუთრებით კი აშშ-ს საპრეზიდენტო არჩევნების წინ.
ამ საკითხზე მრავალი შიდა დისკუსია გაიმართა, რადგანაც ქსელის მენეჯმენტი ნათლად აცნობიერებს, რომ პოლიტიკური შინაარსის ვიდეორგოლების გაჩენისთანავე, TikTok დებატების, სიძულვილის ენის და დეზინფორმაციის პლატფორმა აუცილებლად გახდებოდა.
„ჩვენ ყოველთვის ვცდილობდით პოლიტიკისგან დისტანცირებას - ჩვენ ვცდილობდით სახალისო ქსელის შექმნას, სადაც ადამიანები გაერთობიან, იცეკვებენ და იმღერებენ“ - განაცხადა იმდროინდელი დებატების ერთ-ერთმა მონაწილემ.
თუმცა, აპოლიტიკურობის შენარჩუნების მცდელობები უშედეგო აღმოჩნდა - უკვე 2020 წელს TikTok პოლიტიკური კონტენტით გაივსო. ქსელის მომხმარებლები ტრამპს და ბაიდენს შორს დაპირისპირებაში აქტიურად ჩაერთნენ. განსაკუთრებით აქტიურები დემოკრატების მომხრეები იყვნენ, რამაც იმ დროს ჯერ კიდევ პრეზიდენტი დონალდ ტრამპი განარისხა.
2020 წლის აგვისტოში ტრამპმა TikTok-ის სწრაფი გაყიდვის თაობაზე გადაწყვეტილება მიიღო და მისი შეუსრულებლობის შემთხვევაში ქსელს შტატებში მუშაობის აკრძალვით დაემუქრა.
ამის შემდეგ ქსელი მმართველი კომპანია ByteDance გენერალურმა დირექტორმა კევინ მაიერმა დატოვა, ხოლო მოლაპარაკებებში TikTok-ს გაყიდვის თაობაზე ისეთი გიგანტები მონაწილეობდნენ, როგორ Microsoft, Oracle და Walmart.
საპრეზიდენტო არჩევნების დასრულების შემდეგ პოლიტიკური ვნებების დუღილი ქსელში ჩაცხრა, თუმცა ხელმძღვანელობა აცნობიერებს, რომ ასობით მილიონი მომხმარებლების აზრების გაკონტროლება შეუძლებელია. კომპანია პოლიტიკური კონტენტის გამოვლენის და მოხსნის ტექნოლოგიებზე მუშაობს, თუმცა, ესეც საკმაოდ რთული ამოცანაა - პოლიტიკური შინაარსი შესაძლოა ჩამალული იყოს ერთი შეხედვით ყველაზე უწყინარ ვიდეორგოლში, და მისი აღმოჩენა თითქმის შეუძლებელია.
პოლიტიზებასთან ბრძოლისთვის სხვადასხვა შესაძლებლობები განიხილება, თუმცა, ჯერ არც ერთი არაა მიღებული.
მაგალითად, კონტენტის საკითხებში სადამკვირვებლო საბჭოს შექმნა, რომელიც კომპანიას პოლიტიკურ საკითხებში კონსულტაციებს გაუწევს. სავარაუდოდ, საბჭოში მოწვეული ექსპერტები შევიდოდნენ, მაგრამ საბოლოო ჯამში ხელმძღვანელობამ ამ ვარიანტზე უარი განაცხადა.
ასევე დისკუსიების საგანი პროგრამა Lark გახდა, რომელიც მომხმარებლის მიერ სხვადასხვა აკრძალული და პოლიტიკური ხასიათის სიტყვების წარმოთქმას აფიქსირებს. თუმცა, საშველად არც ეს გამოდგა უზუსტობების ძალიან მაღალი ალბათობის გამო.
ასეა თუ ისე, TikTok პოლიტიკისგან დისტანცირებას ყველანაირად ცდილობს, და დღეს ამ ამ კუთხით ყველაზე ერთგული მოკავშირე არა ტექნოლოგია, არამედ თავად მომხმარებლები არიან, რომელთა დიდი უმრავლესობა ამ ქსელს სწორედ ისე აღიქვამს, როგორც ეს მის შემქმნელებს სურს – როგორც სასიამოვნო, და სახალისო აპლიკაციას.
Forbes.ru
თენგიზ აბლოთია
ტიკტოკი
