Tesla-ს აქციების ფასის რეკორდულმა ვარდნამ მცირე ინვესტორების განწყობებზე ვერ იმოქმედა - ისინი კვლავ დარწმუნებულები არიან, რომ კაპიტალებს მომავალში აბანდებენ, და მათი ნაწილის სამუშაოს შეცვლაზეც კი მიდის, ოღონდ საყვარელ კომპანიასთან ახლოს იყოს.
სწორედ ამ, საცალო აქციონერების დამსახურებაა ელექტროკარების მწარმოებლის კაპიტალიზაციის მუდმივი ზრდა. აქციების 20%-იანმა ვარდნამ Tesla-ს «ფან-კლუბის“ რწმენა ვერ შეარყია.
მაღალი ტექნოლოგიების სფეროში მომუშავე ინჟინერისთვის დევიდ ბერდისთვის, Tesla-ს აქციების ვარდნა 1 მლნ. დოლარზე მეტ ზარალს ნიშნავს, თუმცა, ამის მიუხედავად, ის გაიაფებული ფასიანი ქაღალდების გაყიდვაზე არც კი ფიქრობს.
„ყველა მირჩევს Tesla-ს აქციების გაყიდვას, მარგამ მე არავის არ უსმენ. საკმარისია ერთხელ მართო ეს მანქანა, მერე სხვა ავტომობილზე ვერც იფიქრებ. ეს ნამდვილი გატაცებაა“ ამბობს ის.
ისევე, როგორც დევიდ ბერდისვის, ბევრი აქციონერისთვის Tesla ბაზრის სიმბოლო გახდა ეკონომიკის მდგომარეობის და კომპანიის მოგების მაჩვენებლისგან დამოუკიდებლად. Tesla-ს აქციების ფასის ცვლილება ხშირად ძნელად ასახსნელია, თუმცა, კომპანიის ფანები თვლიან რომ მას პრობლემების სწრაფი გადაწყვეტის და წარმოების აღდგენის საოცარი უნარი გააჩნია.
„ ეს არაა არც საოცრება და არც ბაზრის არარაციონალური ქცევა. ეს არის ბაზრის რეაქცია მსოფლიო ისტორიაში ერთ-ერთ უდიდეს სამეწარმეო სასწაულზე“ - განაცხადა ინვესტორმა გალილეო რასელმა.
Tesla-ში ურყევ რწმენაზე ბაზრის მერყეობის მიუხედავად კომპანიის ბევრი თაყვანისმცემელი ლაპარაკობს. სწორედ ამ ადამიანის ურყევი რწმენა გახდა Tesla-ს აქციების გაძვირების ერთ-ერთი მნიშვნელოვანი ფაქტორი. ფასიანი ქაღალდების ღირებულება დიდწილად სწორედ ისეთ ადამიანებზეა დამოკიდებული როგორც ბერდი ან რასელი.
ეს ურთიერთკავშირის გაცილებით უფრო ძლიერია, ვიდრე ისეთ კომპანიებთან დაკავშირებით, როგორც Apple ან Amazon. ანალიტიკოსის ემი სილვერმანის თქმით, ერთგული ფანატების არმიის არსებობას წყალობით, Tesla-ს აქციების ღირებულება ნაკლებადაა დამოკიდებული ციფრებზე, და მეტად - ხედვაზე.
Tesla-ს აქციონერმა ელი ბერტონმა დატოვა საშუალო ზომის ტექნოლოგიური კომპანიის ვიცე-პრეზიდენტის პოსტი იმისთვის, რომ შექმნას კომიქსი ილონ მასკზე.
ბერტონის თქმით, მასკი სუპერ-გენიოსია, და ფინანსისტებმა უოლ-სტრიტიდან Tesla-ს რეალური მნიშვნელობა სათანადოდ ვერ შეაფასეს.
„Tesla - მეტია, ვიდრე უბრალოდ ავტომწარმოებელი. მისი აქციები ყოველთვის უფრო მეტად რწმენას ეყრდნობოდნენ. არიან ადამიანები, რომლებიც ფიქრობენ რომ ფულს არა ბიზნეს-კომპანიაში, არამედ კაცობრიობის მომავალში აბანდებენ“ - განაცხადა Interactive Brokers-ის ანალიტიკოსმა სტივ სოსნიკმა.
Forbes.ru