Forbes: შეძლებს თუ არა ზელენსკი პუტინთან შერიგებას

Forbes: შეძლებს თუ არა ზელენსკი პუტინთან შერიგებას

access_time2019-09-18 20:00:41


უკრაინის ახალი მთავრობა ყოფილი მსახიობის ვლადიმერ ზელენსკის ხელმძღვანელობით, არ ეთანხმება ბევრ ადამიანს დასავლეთში, ვინც თვლის ვლადიმერ პუტინს საშინელ ბოროტებად.


ზელენსკი მიიჩნევს, რომ პუტინს სურს ურთიერთობების ნორმალიზება.


ერთ-ერთ საერთაშორისო კონფერენციაზე გამოსვლის დროს უკრაინის ახალმა პრეზიდენტმა განაცხადა, რომ თანახმაა საერთაშორისო სამშვიდობო კონტინგემტის განლაგებაზე აღმოსავლეთ უკრაინაში და სურს დაასრულოს ომი დონეცკის და ლუგანსკის ოლქებში.


ეს ორი ქალაქი არის უკრაინის მძიმე მრეწველობის ცენტრი.


ზელენსკიმ ასევე მიანიშნა, რომ შეასრულებს მინსკის შეთანხმებას, რომლის ერთ-ერთი პუნქტიც ითვალისწინებს არჩევნების ჩატარებას თვითგამოცხადებულ დონეცკის და ლუგანსკის რესპუბლიკებში.


ყოფილი პრეზიდენტი პეტრო პოროშენკო ეწინაამღდეგებოდა არჩევნების ჩატარების იდეას, რადგანაც შიშობდა, რომ სეპარატისტები მიიღებდნენ ავტონომიას და ეს გამოიწვევდა ქვეყნის საბოლოო გახლეჩას რუსეთის სასარგებლოდ.


თუმცა, ამავე დროს მან ვერ მოახერხა უკრაინის შეიარაღებულ ძალებს და პრორუს სეპარატისტებს შორის საბძოლო მოქმედებების შეწყვეტა.


ბევრი მიმომხილველი ხედავს რუსეთის მიერ დონბასელი სეპარატისტების მხარდაჭერაში კრემლის მხრიდან უკრაინის დაშლის მცდელობას. გარდა ამისა, დანაწევრებული ქვეყანა ვერ შევა ნატოში, რაც ასევე წარმოადგენს რუსეთის მიზანს.


ამჟამად ყირიმი შედის რუსეთის შემადგენლობაში - ეს არის ყოფილი უკრაინული ნახევარკუნძული, სადაც განლაგებულია რუსეთის შავი ზღვის ფლოტი და პრეზიდენტმა ზელენსკიმ თავის გამოსვლაში ის საერთოდ არ ახსენა.


თუ უკრაინას მაინც სურს ნატოში შესვლა - მას მოუწევს უარის თქმა ყირიმზე, რადგანაც ალიანსის წევრებს არ უნდა ჰქონდეთ სასაზღვრო კონფლიქტები მეზობლებთან. ზელენსკის სურს ნატოში მისაღებად განაცხადის გაკეთება უახლოესი 5 წლის მანძილზე, რაც მოსკოვს ნამდვილად არ მოეწონება.



სწორედ ამიტომ, კრემლს არა აქვს უკრაინასთან ურთიერთობების ნორმალიზაციის მოტივაცია. 2014-2015 წლებთან შედარებით აღმოსავლეთ უკრაინაში სამხედრო მოქმედებების სიმწვავე საგრძნობლად შენელდა, თუმცა ეკონომიკის დიდი ნაწილი ომისგან დაზარალდა.




თავის გამოსვლაში პრეზიდენტმა განაცხადა, რომ უკრაინაში მოდის უფრო ბედნიერი ხანა. განსაკუთრებული აქცენტი მან გააკეთა ომის შეწყვეტაზე და დონბასის უკრაინის შემადგენლობაში დაბრუნებაზე.



ზელენსკის თქმით, მისთვის პრიორიტეტი იქნება ჯარების დაშორიშორება, თუმცა, პოროშენკოსაც ჰქონდა იგივე გეგმა - ვნახოთ, იქნებ ზელენსკის უფრო გაუმართლებს და რუსეთი მისცემს მას ურთიერთობების გაუმჯობესების შანსს.



პრეზიდენტმა ასევე განაცხადა, რომ არჩევნები დონბასის თვითგამოცხადებულ რესპუბლიკებში ჩატარდება მაშინვე, როგორც კი დასრულდება ჯარების დაშორიშორების პროცესი.



არსებობს საფრთხე, რომ დონბასში გაიმარჯვებენ ავტონომიაზე ორიენტირებული ძალები, თუმცა, კიევს აქვს ავტონომიებთან ურთიერთობების გამოცდილება - სწორედ ავტონომიური რესპუბლიკის სტატუსით შედიოდა ყირიმი ქვეყნის შემადგენლობაში 2014 წლამდე.



უკრაინის საგარეო საქმეთა მინისტრის ვადიმ პრისტაიკოს თქმით, არჩევნები დონბასში უნდა ჩატარდეს უკრაინის კანონმდებლობის თანახმად.



კონფლიქტში ჩართული ორივე მხარე გეგმავს ომის დასრულებას, თუმცა არცერთს სურს სერიოზულ კომპრომისებზე წასვლა და ამას შეუძლია ჩააყენოს ზელენსკი ჩიხურ მდგომარეობაში.



ცალკე თემაა - აშშ-ს დამოკიდებულება უკრაინისადმი, რომელიც ტრამპის პირობებში შეიცვალა. ბარაკ ობამა ყოველთვის უარს ამბობდა სამხედრო დაპირისპირების ესკალაციაზე, თუმცა, ამავე დროს ვაშინგტონი კიევს საკმარის სამხედრო დახმარებას უწევდა იმისთვის, რომ უკრაინას შეეძლოს რუსეთისთვის წინააღმდეგობის გაწევა.



ობამა ასევე მუდმივად იმყოფებოდა რადიკალების და ქორების ზეწოლის ქვეშ, რომლებიც ითხოვდნენ უკრაინისთვის შეიარაღების მიწოდებას, რაზეც ობამა კატეგორიულად არ თანხმდებოდა.



ხსენებულ კონფერენციაზე გამოვიდა აშშ-ს სახელმწიფო დეპარტამენტის სპეციალური წარმომადგენელი უკრაინის საკითხებში კურტ ვოლკერი, რომელიც მიესალმა ბოლო დროს რუსეთს და უკრაინას შორის სამხედრო ტყვეების გაცვლის პროცესს და უკრაინის ახალი ხელისუფლების რუსეთთან ურთიერთობების ახალ დინამიკას. თუმცა, ამავე დროს ამერიკელი დიპლომატი მიიჩნევს, რომ ახალმა პრეზიდენტმა უნდა გამოიჩინოს სიფრთხილე პუტინთან დაახლოვების დროს.



„პრობლემა იმაშია, რომ რუსეთიც არ ცნობს თავის ვალდებულებებს მინსკის შეთანხმებების ფარგლებში. მოსკოვსაც აქვს ვალდებულებები, რომლებსაც ის არ ასრულებს და აცხადებს, რომ ის არაფერზე არაა პასუხისმგებელი, რომ აღმოსავლეთ უკრაინაში მიმდინარეობს შიდა უკრაინული კონფლიქტი, რომელიც უნდა გადაწყდეს კიევსა და თვითგამოცხადებულ რესპუბლიკებს შორის პირდაპირი მოლაპარაკებების გზით. ეს რეალობის უარყოფაა,“ - თვლის კურტ ვოლკერი.



შესაძლოა, ზელენსკის აქვს თავისი ოცნებები უკრაინაზე და მათი ნაწილი ეყრდნობა გამოგონილ რეალობას, რომლიდანაც ის მოვიდა უკრაინულ პოლიტიკაში. ყოფილმა მსახიობმა შეასრულა ტელესერიალ „ხალხის მსახურ“-ში სკოლის მასწავლებლის როლი, რომელიც გახდა პრეზიდენტი.



ამ ფილმში მისი გმირი, რომელიც დაიღალა ბნელი რეალობისგან, იწყებს ბრძოლას კორუფციასთან. სწორედ ასე ჰქვია დღეს უკრაინის სახელისუფლებო პარტიას - „ხალხის მსახური“.
ზელენსკისთვის ძალიან ცუდია ისიც, რომ რუსულმა ენერგოგიგანტმა „გაზრპრომმა“ განაცხადა, რომ არ აპირებს ევროპაში გაზის ექსპორტის ზრდას უკრაინული სატრანზიტო გაზსადენის მეშვეობით - ეს ტრანზიტი არის უკრაინისთვის შემოსავლის დიდ წყარო.



„გაზპრომი“ ამჟამად აშენებს გაზსადენს „ჩრდილოეთ ნაკადი-2“, რომელიც დააკავშირებს ერთმანეთთან რუსეთს და გერმანიას - ეს მარშრუტი მოიაზრება როგორც უკრაინული ტრანზიტის ალტერნატივა.


თეგები:
ზელენსკი



პანდემიის მიუხედავად თბილისში Mcdonalds-ის რესტორნების ქსელი ფართოვდება

პანდემიის მიუხედავად თბილისში Mcdonalds-ის რესტორნების ქსელი ფართოვდება
access_time2020-08-05 14:00:40
თბილისში, კახეთის გზატკეცილზე Mcdonalds-ის ახალი რესტორანი გაიხსნა. პანდემიის მიუხედავად კომპანია რესტორნების ქსელების გაფართოებასა და განვითარებას არ წყვეტს და სულ მალე დიღმის ტრასაზე, კიდევ ერთ ფილიალს გახსნის. როგორც „კომერსანტს“ „კოკა-კოლა ბოთლერს ჯორჯიას“ დამფუძნებელმა თემურ ჭყონიამ განუცხადა, ახალი და განსხვავებული დიზაინის მქონე „მაკდონალდსის“ რესტორნების ანალოგი წელს ჯერ არსად...

საქართველოში პირველი ტურისტები გამოჩნდნენ - ნათია თურნავა

საქართველოში პირველი ტურისტები გამოჩნდნენ - ნათია თურნავა
access_time2020-08-05 13:30:13
„როგორც ეკონომიკის მინისტრს არ შემიძლია სიხარულით არ ავღნიშნო, რომ ქუჩაში უკვე გამოჩდნენ პირველი უცხოელი ტურისტები“ - ამის შესახებ ნათია თურნავამ მთავრობის ადმინისტრაციაში ბრიფინგზე განაცხადა. მან აღნიშნა, რომ საქართველოში ჩამოსული მგზავრების ¾ ტურისტები არიან, რადგან საქართველო მიმზიდველობასთან ერთად უსაფრთხოებითაც გამოირჩევა. თურნავას განცხადებით მოლაპარაკებები მიმდინარეობს და ეპიდ სიტუაციის გათვალისწინებით აგვისტოსა დ ა სექტემბრის...

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს
access_time2020-08-05 12:10:50
„კომერსანტმა“ ექსკლუზიურად მოიპოვა ბეირუთის ტელევიზიის მასალა. ბეირუთში მომხდარი დიდი აფეთქება, რომელსაც მრავალრიცხოვანი მსხვერპლი ჰყავდა 2 750 ტონა „სელიტრას“ (ამონიუმის ნიტრატის) დეტონაციის გამო მოხდა, რომელიც 2014 წელს Rhosus-ის გემიდან იყო ჩამოტვირთული. ეს ინფორმაცია, ლიბანის თავდაცვის უმაღლესი საბჭოს სხდომის დასრულების შემდეგ LBCI არხმა (ბეირუთის ტელევიზია) გადმოსცა. როგორც Rhosus-ის მეზღვაურები ამტკიცებენ, გემის მფლობელი ბიზნესმენი იგორ გრეჩუშკინი იყო. 2014...

შპს თბილისის ცენტრალური საავადმყოფოს თანამშრომლების დაკავების თაობაზე

შპს თბილისის ცენტრალური საავადმყოფოს თანამშრომლების დაკავების თაობაზე
access_time2020-08-05 11:35:43
2020 წლის 03 აგვისტოს, შპს „თბილისის ცენტრალური საავადმყოფოს“ თანამშრომლების დაკავების ფაქტთან დაკავშირებით, სამედიცინო დაწესებულება ერთმნიშვნელოვნად და სრულადუარყოფს დაკავებულ პირთა მიმართ, პროკურატურის მიერ წარდგენილ ბრალდებებს (სამსახურეობრივი გულგრილობა, სამსახურებრივი მდგომარეობის გამოყენებით თაღლითობა, უკანონო საექიმო საქმიანობა) და მიიჩნევს, რომ ბრალდების საფუძვლად მოყვანილი არგუმენტაცია არის აბსურდული და სრულებით არ შეესაბამება საქმის ფაქტობრივ...

სკოლებში სწავლა 15 სექტემბერს დაიწყება - მიხეილ ჩხენკელი

სკოლებში სწავლა 15 სექტემბერს დაიწყება - მიხეილ ჩხენკელი
access_time2020-08-05 11:45:34
განათლების მინისტრის, მიხეილ ჩხენკელის განცხადებით, სკოლებში სასწავლო წელი 15 სექტემბერს, ჩვეულ რეჟიმში განახლდება. მისივე თქმით, ასევე ჩვეულ რეჟიმში განახლდება სწავლა უნივერსიტეტებშიც. „დღევანდელი ეპიდისტუაციის გათვალისწინებით, სკოლებში სწავლა საკლასო ოთახებში დაიწყება 15 სექტემბერს ჩვეულ რეჟიმში, ასევე უნივერსიტეტებშიც. დღევანდელი მონაცემებით, სასწავლო წელი დაიწყება ჩვეულ რეჟიმში და სასწავლო ოთახებში, მაგრამ ჩვენ მზად ვართ ყველანაირი სცენარისთვის...


მსგავსი სიახლეები

up