15 ივნისს ევროკომისიის რეკომენდაცია ამოქმედდა, რომელიც ევროკავშირის ქვეყნებს შორის შიდა საზღვრების გახსნას გულისხმობს.რეკომენდაცია სავალდებულო არაა და სხვადასხვა სახელმწიფოები შეზღუდვებს სხვადასხვა დონეზე ხსნიან.მთლიანობაში ევროპა ტურისტული ინდუსტრიის ნელ-ნელა ამოძრავებას ცდილობს.1 ივლისისთვის ევროკავშირის ასევე არაწევრ ქვეყნებთან საზღვრების გახსნის გეგმას წარადგენს.როგორც უკვე ითქვა, საზღვრების გახსნის პროცესი ევროკავშირში არაერთგვაროვნად მიმდინარეობს.
ავსტრია
4 ივნისიდან ავსტრიამ სრულმასშტაბიანად საზღვრები მხოლოდ გერმანიასთან, ლიხტენშტეინთან, შვეიცარიასთან, სლოვაკეთთან, ჩეხეთთან და უნგრეთთან გახსნა. ამ ქვეყნების მოქალაქეებს ავსტრიაში ჩასასვლელად ჯანმრთელობის ცნობის წარდგენა არ დასჭირდებათ.
16 ივნისიდან იგივე წესები გავრცელდა ევროკავშირის ყველა სხვა ქვეყნებზე, შვედეთის, ესპანეთის, პორტუგალიის და ასევე ბრიტანეთისთვის. მათი მოქალაქეებისთვის ჯანმრთელობის ცნობის წარდგენა სავალდებულო რჩება.მსოფლიოს დანარჩენი ქვეყნებისთვის ავსტრია დახურული რჩება.
ბელგია
15 ივნისიდან ბელგიამ საზღვრები ევროკავშირის ყველა ქვეყანას, ასევე ბრიტანეთს, შვეიცარიას, ლიხტენტეინს, ისლანდიას და ნორვეგიას გაუხსნა. თუმცა, ტურისტულ ინდუსტრიაში ჯერ კიდევ ბევრი შეზღუდვა მოქმედებს.სასტუმროები იკეტება ღამის 1 საათზე, ბარებში და რესტორნებში უნდა იყოს დაცული დისტანცირება, ღამის კლუბები კი შემოდგომამდე არ გაიხსნება.
ბოსნია ჰერცეგოვინა
ბოსნია დახურული რჩება ყველა ქვეყნისთვის, უშუალო მეზობლების გარდა (სერბეთი, ხორვატია, მონტენეგრო, მაკედონია, სლოვენია). დანარჩენი უცხოელებისთვის ქვეყანაში შესვლა აკრძალულია. გამონაკლისი მხოლოდ ბიზნესმენებზე, სატვირთო ტრანსპორტზე, დიპლომატებზე, და უცხოეთში მყოფ ბოსნიელებზე ვრცელდება.ქვეყნის ხელისუფლების განცხადებით, საზღვრები ევროკავშირის სხვა ქვეყნებთან ივნისის ბოლოს გაიხსნება.
ბულგარეთი
1 ივნისიდან ბულგარეთში შესვლა თავისუფლად რამდენიმე ქვეყნის მოქალაქეებს შეუძლიათ. მათ შორისაა, ევროკავშირის ყველა ქვეყანა, სერბეთი, მაკედონია. თუმცა, შვედებს, ბრიტანელებს, ირლანდიელებს, ბელგიელებს, პორტუგალიელებს, ესპანელებს და იტალიელებს ბულგარეთში ჩასვლის შემთხვევაში 14-დღიანი კარანტინის გავლა მოუწევთ.
უნგრეთი
უნგრეთმა საზღვარი ავსტრიასთან, ჩეხეთთან, გერმანიასთან, რუმინეთთან, სერბეთთან, სლოვაკეთთან, სლოვენიასთან, და ხორვატიასთან გახსნა. მათი მოქალაქეებისთვის ჩამოსვლისას კარანტინის გავლა სავალდებულო არაა.
გერმანია
16 ივნისს გერმანიამ საზღვრები ევროკავშირის ყველა ქვეყანასთან, ასევე ბრიტანეთთან, ისლანდიასთან, ნორვეგიასთან, ლიხტენშტეინთან და შვეიცარიასთან გახსნა. 21 ივნისამდე შეზღუდვები ესპანეთისთვის გაგრძელდა, ხოლო შვედეთის მოქალაქეებისთვის შეზღუდვების მოხსნის ვადები ჯერაც გაურკვეველია.კარანტინი სავალდებულო არ არის.
საბერძნეთი
15 ივნისიდან საბერძნეთი ევროკავშირის ქვეყნების, ისრაელის, იაპონიის, ჩინეთის, ავსტრალიის, ახალი ზელანდიის და სამხრეთ კორეის მოქალაქეებისთვის გაიხსნა. ქვეყნის აეროპორტებში უსაფრთხოების საგანგებო ზომები მოქმედებს, მათ შორის სავალდებულო ტესტირება.1 ივლისიდან საზღვრები სხვა ქვეყნებისთვისაც გაიხსნება. საბერძნეთში რესტორნები, ბარები, და ღამის კლუბები ღია ცის ქვეშ ამუშავდა.
დანია
15 ივნისიდან დანიის საზღვრები მხოლოდ 3 ქვეყნისთვის - გერმანიისთვის, ისლანდიისთვის და ნორვეგიისთვის გაიხსნა. თუმცა, კოპენჰაგენში ღამით დარჩენა აკრძალულია.ტურისტებს ღამის გატარება მეზობელ ქალაქებში მოუწევთ.დანარჩენ ქვეყნებთან საზღვრები შემოდგომამდე არ გაიხსნება.რესტორნები, კაფეები და სავაჭრო ობიექტები ჰიგიენის ნორმების და დისტანციის დაცვით მუშაობენ.
ირლანდია
ქვეყანა ღიაა ყველასთვის, აშშ-ს გარდა, თუმცა ტურისტული ინდუსტრიისთვის ეს დიდი შველა ვერაა, რადგანაც ჩამომსვლელებისთვის 14-დღიანი სავალდებულო კარანტინი მოქმედებს. გამონაკლის მხოლოდ ჩრდილოეთ ირლანდია წარმოადგენს.
ისლანდია
15 ივნისიდან ისლანდიამ შენგენის ქვეყნებთან საზღვრები გახსნა. ჩამსვლელი უცხოელებისთვის სავალდებულოა ტესტირება, რომელიც 100 ევრო ეღირება.
ესპანეთი
15 ივნისიდან ესპანეთმა საზღვარი მხოლოდ გერმანიასთან გახსნა.21 ივნისიდან შეზღუდვები ასევე შენგენის ზონის სხვა ქვეყნებთან მოიხსნება. გამონაკლისს მხოლოდ პორტუგალია წარმოადგენს - ისიც მხოლოდ 1 ივლისამდე.
იტალია
3 ივნისს იტალიამ საზღვრები ევროკავშირის სხვა ქვეყნებისთვის და ბრიტანეთისთვის გახსნა. სტუმრებისთვის კარანტინი არაა სავალდებულო.
კვიპროსი
20 ივნისიდან შეზღუდვების გარეშე კვიპროსში ჩავლენ ნაკლები ეპიდემიოლოგიური რისკის ქვეყნების მოქალაქეები - მაგალითად, გერმანიის, შვეიცარიის, ნორვეგიის. მათზე არავითარი ზომები არ ვრცელდება. ქვეყნების მეორე კატეგორიისთვის - რუსეთი, პოლონეთი, ისრაელი, და ა.შ. სავალდებულოა ტესტირება, რომელიც 60 ევრო ღირს.მთავრობა ქვეყნების კატეგორიებს ყოველკვირეულად გადახედავს.
ლატვია
2-კვირიანი კარანტინის გარეშე ლატვიაში იმ ქვეყნების მოქალაქეები ჩავლენ, სადაც 14 დღის მანძილზე დაინფიცირდა დღე-ღამეში მაქსიმუმ 15 ადამიანი 100 000 მოსახლეზე. ამ სიაში შვედეთი, პორტუგალია, ბრიტანეთი და ბელგია ვერ მოხვდნენ. ლატვია სადღეისოდ ევროპის 25 ქვეყნის მოქალაქეებისთვისაა ღია.
ლუქსემბური
ჯერ კიდევ 15 მაისს ლუქსემბურგმა საზღვრები გერმანიასთან გახსნა. დანარჩენი ქვეყნებისთვის შეზღუდვები 1 ივლისს მოიხსნება.
მალტა
ეს ტურისტული სახელმწიფო ვიზიტორებისთვის 1 ივლისს გაიხსნება. პირველ ეტაპზე ეს ევროკავშირის 17 ქვეყანას შეეხება.ასევე იტალიის კუნძულებს სიცილიას და სარდინიას - დანარჩენი იტალია სიაში ჯერ ვერ მოხვდა.
ჰოლანდია
ევროკავშირის ყველა ქვეყნისთვის, ბრიტანეთის და შვედეთის გარდა ღიაა - შვედებს და ბრიტანელებს 14-დღიანი კარანტინის გავლა მოუწევთ.ჰოლანდიაში მასობრივი თავშეყრის ყველა ობიექტი მუშაობს, თუმცა, რაოდენობის მხრივ შეზღუდვები ჯერაც მოქმედებს.
ნორვეგია
ეს ქვეყანა 20 აგვისტომდე საზღვრების გახსნას არ გეგმავს. გამონაკლისს 4 ქვეყანა წარმოადგენს - ფინეთი, დანია, ისლანდია, და შვედეთი. 20 ივლისს სხვა მეზობელი ქვეყნებისთვის საზღვრის გახსნის საკითხის განხილვა იგეგმება.
პოლონეთი
13 ივნისიდან პოლონეთმა ევროკავშირთან და შვეიცარიასთან ყოველგვარი შეზღუდვები გააუქმა.
პორტუგალია
ქვეყანა ღიაა ევროკავშირის მოქალაქეებისთვის, თუმცა, მთავრი კურორტები - მადეირა და აზორის კუნძულები - მხოლოდ 1 ივლისს გაიხსნება.
რუმინეთი
რუმინეთი ფაქტობრივად დახურულია,რადგანაც უცხოელებისთვის სავალდებულო კარანტინი მოქმედებს.
სლოვაკეთი
რამდენიმე ქვეყანასთან საზღვარი მთლიანად გაიხსნა - მათ შორისაა გერმანია, შვეიცარია, საბერძნეთი, ჩეხეთი, დანია, ესტონეთი, ლიტვა, ლატვია.დანარჩენი ქვეყნების მოქალაქეებისთვის სავალდებულოა 14-დღიანი კარანტინი.
სლოვენია
8 ივნისიდან სლოვენიაში თავისუფლად ჩასვლა ავსტრიის, ბულგარეთის, ხორვატიის, კვიპროსის, ჩეხეთის, ესტონეთის, ფინეთის, გერმანიის, საბერძნეთის, უნგრეთის, ისლანდიის, ლატვიის, ლიტვის, ლიჰტენშტენის, ნორვეგიის, სლოვაკეთის, და შვეიცარიის მოქალაქეებს შეუძლიათ.დანარჩენებს 14-დღიანი თვითიზოლაცია მოუწევთ.
ფინეთი
15 ივნისიდან ფინეთმა საზღვრები ნორვეგიასთან, დანიასთან, ისლანდიასთან, ესტონეთთან. ლატვიასთან და ლიტვასთან გახსნა. სხვა ქვეყნებისთვის დაწესებული შეზღუდვები მინიმუმ 14 ივლისამდე გაგრძელდება.
საფრანგეთი
15 ივნისიდან საზღვრები ევროკავშირის ყველა ქვეყანასთან გახსნა. გამონაკლისს ბრიტანელები და ესპანელები წარმოადგენენ. მათთვის სავალდებულოა კარანტინის გავლა.
ხორვატია
ჯერ კიდევ მაისში, ხორვატიამ ყოველგვარი შეზღუდვები ჩეხეთთან, ავსტრიასთან, უნგრეთთან, ესტონეთთან, ლატვიასთან, ლიტვასთან, პოლონეთთან, სლოვენიასთან, გერმანიასთან, და სლოვაკეთთან მოხსნა.15 ივნისიდან საზღვრები ევროკავშირის დანარჩენ ქვეყნებთანაც გაიხსნა.
მონტენეგრო
ივნისის დასაწყისში ტურიზმზე უკიდურესად დამოკიდებულმა მონტენერგოამ საზღვრები 100-ზერ მეტი ქვეყნისთვის გახსნა. მათ შორისაა ჩინეთი. თუმცა ამ სიაში შტატები, რუსეთი, და ბრაზილია მძიმე ეპიდემიოლოგიური ვითარების გამო ვერ მოხვდნენ.
ჩეხეთი
15 ივნისიდან ჩეხეთმა ევროკავშირის ქვეყნები 3 კატეგორიად გაყო. წითელი (დაინფიცირების მაღალი რისკით), ნარინჯისფერი (საშუალო რისკი), და მწვანე (უსაფრთხო).ამის მიუხედავად ევროკავშირის ყველა ქვეყნისთვის და ბრიტანეთისთვის საზღვრები გახსნილია. თუმცა, წითელი და ნარინჯისფერი ქვეყნების მოქალაქეებს ჩეხეთში ჩასვლისთანავე ტესტირების გავლა მოუწევთ.
შვეიცარია
15 ივნისიდან ქვეყანამ გახსნა საზღვრები ევროკავშირთან და ბრიტანეთთან. მათ უსაფრთხოების ზომების დაცვა მოეთხოვებათ - დისტანცირება და პირბადის ტარება.
შვედეთი
ეს ქვეყანა პანდემიის დროს თავისი გზით წავიდა და კარანტინი არ გამოაცხადა, თუმცა, საზღვრები მაინც დაკეტა. 15 ივნისიდან ევროკავშირთან და ბრიტანეთთან საზღვრები ისევ გაიხსნა.
ესტონეთი
ჯერ კიდევ 15 მაისს ესტონეთმა საზღვრები მეზობელ ბალტიის ქვეყნებთან გახსნა, 1 ივნისს კი - ევროკავშირთან და ბრიტანეთთან.2-კვირიანი კარანტინი სავალდებულოა ქვეყნებისთვის, სადაც ბოლო 14 დღის მანძილზე ინფიცირების მაჩვენებელმა 15 ადამიანი 100 0000 მოსახლეზე შეადგინა.
წყარო: forbes.ru
მოამზადა თენგიზ აბლოთიამ
ტურიზმი
