ინვესტორებს მთელს მსოფლიოში ერთი დიდი თავსატეხი აქვთ - სად და რომელ დარგშია უფრო მომგებიანი ინვესტირება გლობალური რეცესიის პერიოდში?
სიტუაცია ბაზარზე წლის დასაწყისთან შედარებით შეცვლილია - მაღალტექნოლოგიური კომპანიების აქციები იაფდება, პირველ პლანზე კი ეკონომიკის ტრადიციული სექტორები გამოდიან.
სექტემბერში ტექნოლოგიური გიგანტების ფასების მერყეობამ აჩვენა, რამდენად რისკიანი მათზე ძირითადი აქცენტის გაკეთება - მაღალტექნოლოგიური კომპანიების ინდექსი 15%-ით, ხოლო ჩვეულებრივი ბიზნესის ინდექსი S&P 500 - მხოლოდ 10%-ით შემცირდა.
ყველაზე პოპულარულმა ბრენდებმა - ყველაზე მეტი დაკარგეს - Tesla (-31%), Zoom (-26%), Apple (- 23%), Google (-17%). IT-გიგანტებისთვის დამატებით პრობლემას ევროკავშირის და აშშ-ს რეგულატორების ჭარბი ყურადღებაც ქმნის.
2020 წლის ბოლოსთვის ყველაზე დიდი შანსები აქვს ეკონომიკის ტრადიციულ სექტორებს - შტატებში ამის მიზეზებია პრეზიდენტობის ორივე კანდიდატის მხრიდან განსაკუთრებული ყურადღება ინფრასტრუქტურისადმი, აშშ-ს მთავრობის ეკონომიკური სტიმულირების დამატებითი პაკეტი, და ჯო ბაიდენის მხრიდან მწვანე ენერგეტიკაზე ყურადღების გამახვილება.
ამ ფაქტორების ერთობლიობა ნიშნავს, რომ ამ ეტაპზე უმჯობესია ინვესტიციების დაბანდება ტრადიციულ სექტორებში, და არა მერყევ მაღალ ტექნოლოგიებში.
ზრდის უმნიშვნელოვანესი დრაივერი იქნება ბაზარზე კორონავირუსის ვაქცინის გამოჩენა 3-12 თვის მანძილზე, რაც ყველა სექტორში აქტიურ ზრდას გამოიწვევს, და პირველ რიგში - ყველაზე დაზარალებულებში - მათ შორისაა ავიაციის, ნავთობმოპოვების, და ტურიზმის.
რატომ არ ღირს დღეს ფულის დაბანდება IT-სექტორში?
პანდემიის პერიოდში მათი აქციები მკვეთრად - საშუალოდ 25%-ით გაიზრდა, რამაც ინვესტორების მოზღვავება გამოიწია, თუმცა, როგორც უკვე ითქვა, სექტემბერში მრავალთვიანი ზრდა ვარდნამ შეცვალა.
ძნელი სათქმელია კონკრეტულად რამ გამოიწვია ბაზრის ასეთი ცვლილება - შესაძლოა, ცნობილი ამერიკელი ინვესტორი ჯიმ როჯერსი მართალიცაა, რომელმაც Apple, Amazon და Google-ს აქციებს „საპნის ბუშტები“ უწოდა.
მაღალტექნოლოგიური კომპანიების ჩავარდნა შანსს სხვა სექტორებს აძლევს. მაგალითად, სამშენებლო მასალების მწარმოებლებს, რომლებსაც შტატებში დაგეგმილი ინფრასტრუქტურის განახლების პროცესში დიდი მოგება ელით.
სავარაუდოდ, ინფარსტრუქტურულ სამუშაოებზე აშშ-ს მთავრობა 2 ტრლნ. დოლარს გამოჰყოფს და ამ უზარმაზარ წილს არა Amazon და Google, არამედ სამშენებლო მასალების და ტექნიკის მწარმოებლები, სამთომომპოვებელი, მეტალურგიული, ქიმიური, და სხვა ტრადიციული სექტორები მიიღებენ.
ჯო ბაიდენის გამარჯვების შემთხვევაში, მოსალოდნელია დიდი თანხების აკუმულირება მწვანე ენერგეტიკის განვითარებაში. კერძოდ, მისი გეგმა ამ სექტორში 4 წლის მანძილზე 2 ტრლნ. დოლარის დაბანდებას გულისხმობს.
ამ სტრატეგიის პირველი ბენეფიციარი მზის ენერგეტიკა იქნება, რომელმაც პერსპექტივაში ენერგიის სხვა, ნაკლებად ეკოლოგიური წყაროები უნდა ჩაანაცვლოს.
ამ მხრივ, ინვესტორებისთვის ერთ-ერთი ყველაზე საინტერესო მიმართულებაა მზის პანელების წარმოება.
პანელებზე მოთხოვნის ზრდა ასევე ბიძგს ამ დარგთან დაკავშირებულ სექტორებსაც მისცემს - კერძოდ, მათ წარმოებაში სპილენძში აქტიურად გამოიყენება, რაც მომგებიანი იქნება სამთომომპოვებელი ინდუსტრიისთვის.
ასევე მზის პანელენის ფუნქციონირებას სჭირდება ბევრი სადენები, რაც ელექტრომასალების მწარმოებელთა აქციების ფასს გაზრდის.
ამერიკის სამთომომპოვებელი და მეტალურგიული კომპანიებისადმი ინტერესს კიდევ ერთი ფაქტორი ზრდის - პანდემიის დროს მიწოდების გლობალური ჯაჭვის შეფერხებამ დიდი და მდიდარი ქვეყნების მთავრობები შეაშინა. ამიტომაც, მათ სტრატეგიული რეზერვების ფორმირება დაიწყეს.
კერძოდ, ჩინეთი გეგმავს ლითონების დიდი რაოდენობით შესყიდვას იმისთვის, რომ მომავალში, შესაძლო გლობალური კრიზისის დროს, ჩინური კომპანიებს სათადარიგო ნაწილების და მასალების მიწოდების შეწყვეტის გამო საქმიანობის შეჩერება არ მოუწიოთ.
ამ ტრენდის ბენეფიციარები იქნებიან მეტალურგიული, ქიმიური, სამთომომპოვებელი, ნავთობგადამამუშავებელი კომპანიები.
ასე რომ ბაზარზე მოდის ტრადიციული ეკონომიკის დრო, რომელიც, როგორც აღმოჩნდა, მაღალი ტექნოლოგიების სამყაროში, არსად გამქრალა.
FORBES.RU
მოამზადა თენგიზ აბლოთიამ