ჯეფ ბეზოსი, მარკ ცუკერბერგი, და სილიკონის ველის სხვა ვარსკლავი-მეწარმეები ბოლო დროს სულ უფრო ხშირად ჩნდებიან საჯარო სივრცეში კოსტიუმ-ჰასტუხებში ჯინსების და მაისურების ნაცვლად. როგორია მოდის ძირითადი ტენდენციები მაღალი ტექნოლოგიების სფეროში?
სტილისტის კიმბერლი განტის თქმით, სილიკონის ველის მეწარმეები და ტოპ-მენეჯერები ბოლო დროს გაცილებით უფრო დიდ ყურადღებას უთმობენ თავიანთ სტილს.
წლების მანძილზე ამ სფეროში ითვლებოდა, რომ საქმიანი ტანსაცმელი უკვე ჩაბარდა წარსულს, ხოლო ჯინსები და მაისურები - ნორმაა. თუმცა, ბოლო პერიოდში ამ დარგის ლიდერებმა აშკარად დაიწყეს უფრო მოდური ჩასმა.
მაგალითად, Amazon-ის მფლობელმა და მსოფლიოს უმდიდრესმა ადამიანმა ჯეფ ბეზოსმა აშკარად გადახედა თავის სტილს, ხოლო მარკ ცუკერბერგი სულ უფრო ხშირად დადის კოსტიუმ-ჰასტუხით.
იგივე შეიძლება ითქვას ზოგადად სილიკონის ველზე - ტოპ-მენეჯერები და კომპანიების მფლობელები სულ უფრო მეტად ფიქრობენ იმაზე, თუ როგორ გამოიყურებიან.
კიმბერლი განტი ფლობს სტილის სააგენტო Canvas Styling -ს სან-ფრანცისკოში უკვე 7 წელი, და ის ურჩევს სტილს როგორც დამწყებს თანამშრომლებს, ასევე ვენჩურულ ინვესტორებს და ტექნოლოგიური კომპანიების მფლობელებს.
მისი თქმით, ის ავლენს კლიენტების ძირითად შეცდომებს ჩაცმის სტილში, და ეხმარება მათ დაძლევაში.
„პირველ რიგში მოძებნეთ კარგად მომჯდარი ჯინსები, ეს ყველაზე მნიშვნელოვანია. ცუდად მომჯდარი ჯინსები ძალიან, ძალიან სამწუხაროა, და თქვენ ამას ვერ დამალავთ“ - ურჩევს განტი კლიენტებს.
მისი თქმით, ზომები შესაძლოა იცვლებოდეს ბრენდების და შარვლის სილუეტის მიხედვით, შესაბამისად, ყოველ კონკრეტულ ადამიანს მოუხდება კონკრეტული ჯინსი. ასევე მნიშვნელოვანია ქსოვილები - ცუდი ხარისხის ჯინსები შესაძლოა გაიწელოს და დაკარგოს ფორმა.
„მიაქციეთ ყურადღება თქვენი ტანსაცმლის ხარისხს და დარწმუნდით რომ ესა თუ ის ფერი ნამდვილად გიხდებათ. იყიდეთ მხოლოდ მაღალხარისხიანი ტანსაცმელი - ეს სერიოზული პრობლემაა, რადგანაც ადამიანები ხშირად ეჩვევიან და ატარებენ დიდი ხნის გადასაგდებ ტანსაცმელს“ - ამბობს სტილისტი.
ასევე დიდი მნიშვნელობა ენიჭება ფეხსაცმელს, რომელიც უნდა იყოს სუფთა და კარგ მდგომარეობაში.
„ადამიანებს ხშირად უჭირთ ამა თუ იმ ფეხსაცმელთან დამშვიდობება, თუმცა, გარდერობის გადახედვის ყველაზე სწრაფი და ეფექტური გზა არის სწორედ ფეხსაცმლის შეცვლა. თანაც, ფეხსაცმელი არის ერთ-ერთი ყველა პიროვნული საგანი, რომელიც კარგად აჩვენებს თქვენს ინდივიდუალურობას“ - თვლის კიმბერლი განტი.
მისი თქმით, თუ ადამიანს არ მოსწონს თავისი გარდერობი, ან არ იცის რითი დაიწყოს მისი შეცვლა, აუცილებლად უნდა მიმართოს სტილისტს, და ასევე კითხოს რჩევა მეგობრებს და ახლობლებს.
„სტილის შერჩევა - თავისებურად ხელოვნებაა. ზოგჯერ უნდა შეიგრძნო ის, და გასინჯო რაღაცა ახალი“ - ამბობს სტილისტი.
მისი თქმით, ადამიანის გარდერობი ჰგავს მის საინვესტიციო პორტფოლიო, და სილიკონის ველში გაჩნდა ახალი ტენდენცია - თანამშრომლები და მენეჯერები ირჩევენ რამდენიმე საბაზო ტანსაცმელს, რომლიც ჩაცმაც შესაძლებელია ყოველდღე.
„ეს საგნები არასდროს გავა მოდიდან, ხოლო კალიფორნიაში კლიმატის სტაბილურობა იძლევა მათი ტარების საშუალებას მთელი წლის მანძილზე. სიტუაცია იცვლება, და ადრე სილიკონის ველში კარგ ტონად ითვლებოდა ტანსაცმლის მიმართ გულგრილი, ფუნქციონალური დამოკიდებულება, დღეს კი უკვე ასე არაა“ - თვლის კიმბერლი განტი.
Forbes
