ბიტკოინის ფასმა უკვე 28 000 დოლარს გადააჭარბა, რაც იმას ნიშნავს, რომ წლის დასაწყისიდან მთავარი კრიპტოვალუტა 4-ჯერ გაძვირდა. თანაც ზრდის დიდი ნაწილი დეკემბერის თვეზე მოდის.
„27 დეკემბერს ვაჭრობის დროს ბიტკოინის მაქსიმალური ღირებულება 28 353 დოლარამდე ავარდა, შემდეგ ფასი ოდნავ შემცირდა, ხოლო 28 დეკემბერს 27 000 დოლარზე დასტაბილურდა“ - იუწყება ვირტუალური ვალუტის ბირჟა Coindesk.
ეს მაშინ, როდესაც 2020 წლის დასაწყისში ბიტკოინი მხოლოდ 7000 დოლარი ღირდა და მის ასეთ ზრდას არავინ ელოდა - პირიქით, ვირტუალური ფულისადმი სკეპტიციზმი წლის დასაწყისში ისეთი მაღალია იყო, როგორც არასდროს.
თუმცა, წლის ბოლოსთვის ვითარება რადიკალურად შეიცვალა და დღეს ვირტუალური ვალუტის მფლობელები გამარჯვებას ზეიმობენ.
მაშ რა მოხდა, რამ გამოიწვია ასეთი ტრიუმფალური ზრდა?
ბიტკოინის ფასმა ზრდა ჯერ კიდევ მარტში, კორონავირუსის ეპიდემიის დაწყების შემდეგ დაიწყო, როდესაც მსოფლიო საფონდო ბაზრები და ნავთობის ფასები ჩამოიშალა. თუმცა, ინვესტორების მხრიდან ბიტკოინში კაპიტალების ჩადება, ვაქცინის გამოჩენით გამოწვეული ოპტიმისტური მოლოდინების ზრდის დროსაც გაგრძელდა.
პანდემიის მოსალოდნელი დასრულების იმედით, ინვესტორები ფულს ტრადიციულ ბაზრებშიც და ვირტუალურ ვალუტაშიც აბადნებდნენ.
ოქტომბერში ბიტკოინის ფასი 10 700 დოლარამდე გაიზარდა, ეს თავისთავად ანალიტიკოსების მიერ დიდ წარმატებად შეფასდა. თუმცა, როგორც აღმოჩნდა, ეს მხოლოდ დასაწყისი იყო. დეკემბერში მთავარმა კრიპტოვალუტამ სწრაფი გამყარება დაიწყო და პროცესი ჯერ კიდევ გრძელდება.
კრიპტოვალუტაში კაპიტალის ჩადება ფინანსური ბაზრის მოწინავე მოთამაშეებმაც დაიწყეს - მაგალითად, ბრიტანულმა ინვესტფონდმა Ruffer-მა, რომელიც 27 მლრდ. დოლარის აქტივებს მართავს. ფონდმა ბიტკოინში თავისი კაპიტალის 2,5% ჩადო.
Ruffer -ის მენეჯმენტის ახსნა-განმარტების თანახმად, ფონდი ბიტკოინში მსოფლიო ვალუტების დევალვაციისგან მცირე, მაგრამ ეფექტურ დაზღვევის საშუალებას ხედავს.
„ბიტკოინი ახდენს ჩვენი სხვა, უფრო მსხვილ ინვესტიციების ქაღალდებში დივერსიფიცირებას და მონეტარული და საბაზრო რისკებისგან დაზღვევის როლს თამაშობს“ - მიიჩნევენ ბრიტანული ფონდის ანალიტიკოსები.
ბოლო კვირის შთამბეჭდავი ზრდა ასევე დაკავშირებულია სხვა კრიპტივალუტების ბაზრებზე მდგომარეობის გაუარესებასთან.
კერძოდ, 23 დეკემბერს აშშ-ს ფასიანი ქაღალდების კომისიამ კრიპტოვალუტა Ripple 1,3 მლრდ. დოლარის არარეგისტრირებული ფასიანი ქაღალდების გაყიდვაში დაადანაშაულა, შედეგად ამ ვალუტის კურსი 40%-ით ჩამოიშალა. ამან კი ხელი ბიტკოინის ზრდას შეუწყო.
თუმცა, ეს უკვე წარსულია, დღეს კი ყველა ინვესტორს ერთი საკითხი აწუხებს - რა იქნება შემდგომში? ბიტკოინის კურსი ასეთი ნახტომისებრი ზრდა პირველი შემთხვევა არაა, თუმცა როგორც წესი, მას შემდგომი ვარდნა ანაცვლებს.
ანალიტიკოსების აზრით, უახლოეს დღეებში სავარაუდოდ, ბიტკოინი 30 000 დოლარამდე გაიზრდება, თუმცა, შემდეგ ის მკვეთრად, თითქის 3-ჯერ შემცირდება - ამის მიზეზი კი ისაა, რომ დღეს მთავარი კრიპტოვალუტა აშკარად გადაჭარბებულადაა შეფასებული.
ექსპერტები მიიჩნევენ, რომ შექმნილ სიტუაციაში ბიტკოინის ყიდვა არ ღირს - მატარებლის ბოლო ვაგონში ჩასხდომა კარგი იდეა არაა, რადგანაც ასეთ არარეალისტურ ზრდას ყოველთვის ვარდნა მოჰყვება.
რა დონეზე დაიწყება კორექცია და სად შეჩერდება ვარდნა - არავინ იცის.
forbes.ru