2020 წელს ცნობილი ტელეწამყვანი ოპრა უინფრი ტელეეკრანზე და 100 ყველაზე მაღალანაზღაურებადი ვარსკლავთა რეიტინგში დაბრუნდა.
ბოლო 12 თვის მანძილზე მისი შემოსავალი 37 მლნ. დოლარით გაიზარდა - პირველ რიგში ვიდეოსერვისის Apple TV+-თან მომგებიანი კონტრაქტის წყალობით.
გარიგების ზუსტი თანხა უცნობია, თუმცა, საუბარია მრავალ მილიონზე - 2020 წლის მანძილზე ოპრამ ვიდეოსერვისთვან თანამშრომლობით 10 მლნ. დოლარი მიიღო, თუმცა, ეს ანაზღაურების მხოლოდ მცირე ნაწილია.
ტელეწამყვანს შემოსავლის სხვა წყაროებიც აქვს - ტელესტუდია The Oprah Winfrey Network, დიეტოლოგიური კომპანია WW International, და ჟურნალი The Oprah Magazine.
ოპრა უინფრის ჯამური ქონება 2,6 მლრდ.დოლარს შეადგენს.
ოპრას დაბრუნება
2011 წელს ოპრა უინფრიმ თავისი ცნობილი ტელეშოუ დახურა, რის შემდეგაც სატელევიზიო პროგრამებში თითქმის არ მონაწილეობდა. ის ძირითადად საქველმოქმედო საქმიანობით და საკუთარი არასატელევიზიო პროექტების განვითარებით იყო დაკავებული.
2018 წლის ივნისში ყველაფერი შეიცვალა - მან Apple TV+ -სთან კონტრაქტს ხელი მოაწერა. გარიგება მის მონაწილეობას კონტენტის შექმნაში და ტელეეთერში დაბრუნებას გულისხმობდა. ვიდეოსერვისმა ოპრა უინფრის მონაწილეობით უკვე 4 ტელეშოუ გამოუშვა - პროგრამის ფორმატია ძირითადად საინტერესო და ცნობილ ადამიანებთან ინტერვიუ.
2020 წლის მარტში უინფრიმ ახალი ტოკ-შოუ Oprah Talks შექმნა. პროგრამა ძირითადად კორონავირუსის პრობლემას ეხება. ის 12 ეპიზოდიდან შედგება და მასში ინფექციასთან მებრძოლი ექიმები, და კინოვარსკლავები მონაწილეობენ, რომლებმაც კორონავირუსი გადაიტანეს - მაგალითად, მსახიობი იდრის ელბა, რომელიც ჰოლივუდში ერთ-ერთი პირველი დაინფიცირდა.
„ადამიანების რაღაცნაირად დამშვიდება და დაიმედება მინდოდა“ - განაცხადა უინფრიმ თავის პირველ შოუში, რომელიც მის სახლში იყო გადაღებული.
„ამავე დროს მე იმ ადამიანებთან მსურდა გასაუბრება, ვისაც შეუძლია კორონავრუსთან დაკავშირებით აზრის გაზიარება, ვისაც ამ დაავადებასთან ბრძოლის გამოცდილება აქვს. ისინი ჩვენ გვაჩვენებენ, რომ მარტო არა ვართ. ეს ჩვენი საერთო პრობლემაა“ - ამბობს ტელეწამყვანი.
ოპრა და Apple
ოპრა უინფრის პოპულარობამ ასევე Apple TV+ზეც დადებითად აისახა. კომპანია Ampere Analysis-ს მონაცემებით, ვიდეოსერვისს შტატებში 33,6 მლნ. ხელმომწერი ჰყავდა, მაშინ, როდესაც Netflix-ის 61,3 მლნ., ხოლო Disney+ — 28,6 მლნ.
Apple TV+ აუდიტორიის მოზიდვა სხვა ხმაურიანი პროექტებითაც აპირებს - მათ შორისაა მარტინ სკორსეზეს ფილმი, რომლის გადაღებაზეც უკვე 200 მლნ. დოლარია გამოყოფილი, და ასევე დოკუმენტური ფილმი პოპ-ვარკლსავ ბილი აილიშზე.