ბოლო წლებში მსხვილმა ამერიკულმა კომპანიებმა უსახლკაროდ დარჩენილი ადამიანების დასაქმების და რესოციალიზაციის პროგრამების რეალიზება დაიწყეს.

ეს სოციალური დახმარების და ადაპტაციის რთული და მრავალსაფეხურიანი პროგრამებია, რომლებიც მიზნად უკიდურესი სიღარიბის დაძლევას ისახავენ და ამავე დროს თავად კომპანიებისთვისაც მომგებიანია, რადგან ისინი ლოიალურ და ერთგულ თანამშრომლებს, და ლოიალურ კლიენტებს იღებენ. ეს ადამიანები თავს დიდი ქველმოქმედების ნაწილად გრძნობენ.

 სიეტლში სადაც უსახლკაროთა პრობლემა განსაკუთრებით აქტუალურია ინტერნეტ - გიგანტს Amazon – ს რამდენიმე არასამთავრობო ორგანიზაციასთან ერთად ორი ამოცანა ჰქონდა. ესენია: ქველმოქმედი ბიზნეს იმიჯის შექმნა და საგადასახადო შეთავაზების მიღება.

პროგრამის ფარგლებში გამოცხადდა ისეთი ვაკანსიები როგორიცაა ადმინისტრატორი, ლაბორანტი, საწყობების მუშაკები, მრეცხავები და ა.შ.

მსგავსი საქმიანობით დაკავებულია Microsoft - იც იმ განსხვავებით, რომ მისი პროგრამა არა მხოლოდ უსახლკაროებს, არამედ შეზღუდული შესაძლებლობების ადამიანებსაც შეეხება. კორპორაცია აქცენტს საზოგადოებიდან გარიყული ადამიანების რესოციალიზაციაზე და ინტეგრაციაზე აკეთებს. რაც შეეხება ვაკანსიებს Microsoft - იც Amazon - ის მსგავს ვაკანსიებს სთავაზობს. პირველი 2 წლის მანძილზე პროგრამა 200 -ზე მეტმა ადამიანმა გაიარა.

სისტემა ასე მუშაობს - Microsoft-ის ადმინისტრაცია შესაფერის ვაკანსიას არჩევს და მის შესახებ კანდიდატებს შორის ინფორმაციას ავრცელებს, შემდეგ შერჩეულ ადამიანებთან გასაუბრებას ატარებს. შემდეგი ეტაპია ახალი თანამშრომლისთვის დახმარების გაწევა მანამ, სანამ ის სამუშაოს შესრულებას დამოუკიდებლად შეძლებს.

ვაშინგტონის უძრავი ქონების ბაზარზე მომუშავე კომპანია Middleburg Real Estate Partners-მა უსახლკაროების და უკიდურესად გაჭირვებულების დასაქმებისთვის საკუთარი არაკომერციული ორგანიზაცია Shelters to Shutters დააარსა. ის წელიწადში 50 ადამიანს ემსახურება და მათ სოციალური დახმარების პაკეტს, დროებით საცხოვრებელს და სრულფასოვან სამსახურს სთავაზობს. ვაკანსიები ძირითადად ისეთ სპეციალობებზეა გამოცხადებული, როგორიცაა სანტექნიკი, ელექტრიკოსი და ა.შ.

საბაზრო ხელფასის გარდა მათ შეღავათიანი პირობებით უძრავი ქონების შეძენის შესაძლებლობა ეძლევათ, ამიტომ დასაქმებულთა 87% კომპანიაში რჩება. უსახლკაროების დასაქმებით კომპანია უკიდურესად ლოიალურ თანამშრომლებს იღებს, რომლებიც ცხოვრების ბოლომდე მადლიერები არიან.

ე.წ. „მხარდამჭერი დასაქმების“ პროგრამები წლების წინ გაჩნდა, 1991 წელს საქველმოქმედო ორგანიზაციამ Coalition for the Homeless ნიუ-იორკში უსახლკარო ქალებისთვის კვალიფიკაციის ამაღლების და სტაჟირების პროგრამა აამოქმედა. 30 წლის მანძილზე პროექტს მრავალი კომპანია შეუერთდა, მათ შორის იყო კომპანია Estee Lauder.

 ბრიტანულმა ორგანიზაციამ Business Action on Homelessness (BAOH) 1998-2006 წლებში 22 ბრიტანულ კომპანიაში 1200-ზე მეტი უსახლკარო დაასაქმა და მისი პროგრამების ერთ-ერთი აქტიური მონაწილე ბრიტანული სავაჭრო ქსელი Marks & Spencer იყო, რომელმაც 700 უსახლკარო დაასაქმა.

მოამზადა თენგიზ აბლოთიამ 

წყარო: Forbes.ru