Forbes: მსოფლიო ახალი კარანტინის ზღვარზეა

Forbes: მსოფლიო ახალი კარანტინის ზღვარზეა

access_time2020-09-21 19:00:29

კორონავირუსით დაავადებულთა სწრაფმა ზრდამ შესაძლოა მთელ რიგ ქვეყნებს ახალი კარანტინის შემოღება აიძულოს. მათი უმეტესობა ყველანაირად ამას ეწინაამღდეგება თუმცა, ტენდენციის გაძლიერების შემთხვევაში მათ, შესაძლოა სხვა არჩევანი არც დარჩეთ.

 

საფრანგეთში პარასკევს დაავადებულთა რაოდენობა 10 000-ით გაიზრდა  - ეს მაისის შემდეგ მაქსიმალური ზრდაა.

 

პორტუგალია დღეში 770 დაინფიცირებულზე იტყობინება - ის ყველაზე მაღალი მაჩვენებელია 5 თვის მანძილზე, ესპანეთში დაავადებულთა რიცხვი დღეში 4500-ით გაიზარდა, გერმანიაში კი - 2000-ით, რაც აპრილის შემდეგ რეკორდული მაჩვენებელია.

 

მედიკოსების აზრით, ამაში დამნაშავე ახალგაზრდობაა, რომელიც ერთად იკრიბება და მოგზაურები, რომლებიც ვირუსის გავრცელებას ხელს უწყობენ.

 

ინფიცირების ზრდა მსოფლიო ეკონომიკის აღდგენის პროცესს აფერხებს. ინდექსი Stoxx 600 Index Travel and Leisure,  რომლის კალათაშიც  ტურიზმთან დაკავშირებული მსხვილი კომპანიები შედიან, 3%-ით დაეცა, ვარდება ასევე ავიაკომპანიების აქციების ფასი.

 

საფრანგეთი

ინფიცირების მაჩვენებელი ქვეყანაში სტაბილურად იზრდება მთელი თვე. საფრანგეთის ჯანდაცვის მინისტრმა ოლივიე ვერანამ განაცხადა, რომ ვირუსი ისევ აქტიურია.

დღეისთვის ოფიციალური პარიზი ვირუსთან ბრძოლაში აქცენტს ლოკალურ ზომებზე აკეთებს - ხელისუფლებას არ სურს ქვეყნის მასშტაბით ტოტალური აკრძალვების შემოღება, ამიტომაც პრეზიდენტმა მაკრონმა განაცხადა - საზოგადოებამ უნდა ისწავლოს თანაცხოვრება ვირუსთან ერთად.

 

ბრიტანეთი 

ბრიტანეთის ჯანდაცვის მინისტრმა მეტ ჰენკოკმა სრულმასშტაბიანი კარანტინის ხელმეორედ შემოღება არ გამორიცხა - დაავადებულთა რიცხვმა 3300 ადამიანი შეადგინა - ეს მაქსიმალური მაჩვენებელია მაისის შემდეგ.


ესპანეთი

ქვეყნის ხელისუფლება მადრიდში საგანგებო მდგომარეობის შემოღებას არ გამორიცხავს. მეორე ტალღამ უკვე პოლიტიკური სკანდალი გამოიწვია  - დედაქალაქის ერთ-ერთმა მაღალჩინოსანმა განაცხადა, რომ შესაძლებელია ცალკეულ რაიონებში კარანტინის შემოღება. 

ამან მმართველ კოალიციაში აღშფოთება გამოიწვია, შედეგად სიტუაციის განმუხტვა პრემიერ-მინისტრს პედრო სანჩესს მოუწია.


 

ავსტრია

 

ორშაბათიდან ავსტრიაში ერთდროულად დახურულ სივრცეში 10 ადამიანზე მეტის შეკრება აიკრძალა, რადგანაც მეორე ტალღის წყარო ბარები, კლუბები და წვეულებები გახდა.

 

საბერძნეთი

ქვეყნის მთავრობა დედაქალაქში ვირუსის შეკავების მიზნით ზომების პაკეტის მიღებას აანონსებს.

 

ცალსახაა, რომ პრობლება არსებობს, და ეს სიტუაცია ჩარევას მოითხოვს - განაცხადა საბერძნეთის პრემიერ-მინისტrმა კირიაკოს მიცოტაკისმა.

 

სავარაუდოდ ქვეყანაში შეკრებები და კულტურული ღონისძიებები აიკრძალება, ასევე მოხდება დისტანციური მუშაობის სტიმულირება.


ირლანდია

ქვეყნის დედაქალაქ დუბლინში დაიხურა ბარები და ქალაქში მიმოსვლა შეიზღუდა.


აშშ

აშშ-ს 16 შტატის ადგილობრივმა ხელისუფლებებმა შეზღუდვების გაუქმების გეგმები გადადეს ინფიცირების მასშტაბების ზრდის გამო.

არიზონაში დაიხურა ბარები, რესტორნები, სპორტული ობიექტები. ფლორიდაში და კალიფორნიაში ბარები, კლუბები, და ყველა გასართობი ობიექტი. 

გაუქმებული შეზღუდვები დააბრუნებს ნევადაში, მიჩინგანში, ლუიზიანაში, კოლორადოში, ნიუ-მექსიკოში, და პუერტო-რიკოში.


ყაზახეთი 

ყაზახეთი გახდა მსოფლიოში პირველი ქვეყანა, რომელმაც სრულმასშტაბიანი კარანტინი ხელმეორედ შემოიღო.

ამის მიზეზი ივნისის ბოლოს დაინფიცირების მკვეთრი ზრდა იყო - დღე-ღამეში საშუალოდ 2000-მდე ადამიანი.  5 ივლისს შემოღებულ იქნა მკაცრი 2-კვირიანი კარანტინი, რომელიც დღემდე მოქმედებს, ყაზახეთში საზოგადოებრივი ტრანსპორტის მოძრაობა შეიზღუდა, სავაჭრო ცენტრები და სპორტული ობიექტები დაიხურა,  ქუჩაში 3-ზე მეტი ადამიანის ერთად გადაადგილება აიკრძალა.


ისრაელი

ისრაელში მკაცრი კარანტინი განმეორებით 17 ივლისს დაწესდა. რესტორნები, სპორტული ობიექტები, არასასურსათო მაღაზიები, სილამაზის სალონები, ბაზრები დაიხურა. ასევე 10 ადამიანზე მეტის შეკრება აკრძალულია.


ავსტრალია

ავსტრალიის დიდი ნაწილი თავისუფალია ვირუსისგან, თუმცა, მკაცრი ლოკდაუნი ქვეყნის სიდიდით მეორე ქალაქში - მელბურნში მოქმედებს. 

კაფე და რესტორნები, რომლებსაც გახსნის უფლება 2 კვირის წინ მისცეს, ისევ დაიხურა, ასევე შემოღებულია ყველა დანარჩენი აკრძალვები, ქუჩაში გადაადგილების შეზღუდვის ჩათვლით. ასევე არ მუშაობს განათლების სისტემა.

 

Forbes.ru

 

მოამზადა თენგიზ აბლოთიამ

თეგები:
forbes



დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up