ოქტომბერში ჟურნალმა Forbes 42 ამერიკელ მილიარდერს შორის გამოკითხვა ჩაატარა, რომლის შედეგების თანახმად, მათი დიდი ნაწილი საშუალო სტატისტიკურ ამერიკელებზე მეტად მხარს რესპუბლიკურ პარტიას უჭერს, თუმცა, საპრეზიდენტო არჩევნებში ხმას ჯო ბაიდენს მისცემს.
ამერიკელ მილიარდერთა 43% თავს რესპუბლიკელად მიიჩნევს, 24% - დემოკრატად, 33% - არც ერთი პარტიის მტკიცე მომხრე არაა. თუმცა, მილიარდერთა 48% ამის მიუხედავად, ხმას ჯო ბაიდენს და არა რესპუბლიკელ-მილიარდერს დონალდ ტრამპს აძლევს. სხვა გამოკითხვების თანახმად, საარჩევნო კამპანიაში ქვეყნის მასშტაბშიც სადღეისოდ ასევე ბაიდენი ლიდერობს, მას მხარს მოსახლეობის 51% უჭერს, ტრამპს კი - 42%.
მილიარდერების არჩევანს ბაიდენის სასარგებლოდ აშშ-ს ფედერალური საარჩევნო კომისიაც ადასტურებს, რომლიც ინფორმაციით, მათი მსხვილი შემოწირულობები ძირითადად სწორედ დემოკრატი კანდიდატების ყულაბაში მიდის. რა თქმა უნდა საუბარია მილიარდერების უმრავლესობაზე და არა ყველაზე, თავისი მომხრეები ტრამპსაც ჰყავს. ამავე დროს Forbes-ის გამოკითხვის ორი მონაწილე აცხადებს, რომ არჩევნებში მონაწილეობას საერთოდ არ მიიღებს.
მილიარდერების პოზიციას საპრეზიდენტო არჩევნებში დიდი მნიშვნელობა აქვთ, ისინი მსხვილი შემომწირველები არიან, მათი ნაწილი ასევე პოლიტიკოსებს თავიანთი რესურსებით ეხმარება, მილიარდერები წინასაარჩევნო ღონისძიებებზე დადიან და კანდიდატებისთვის შემოწირულობებს საკუთარი ნაცნობობით აგროვებენ.
2016 წლის საარჩევნო კამპანიის შემდეგ პოზიცია მხოლოდ ერთმა მილიარდერმა შეიცვალა - როგორც წესი, ვინც 4 წლის წინ ხმას ტრამპს აძლევდა - ისევ ტრამპს აძლევს, ვინც უპირატესობა ჰილარი კლინტონს მიანიჭა - დღეს ჯო ბაიდენის მომხრეა.
პოლიტიკურად აქტიურ მილიარდერებს ამ წელს 4 ადამიანი დაემატა, რომელიც 2016 წლის არჩევნებში არ მონაწილეობდა, მათ შორის 2 ხმას ტრამპს აძლევს, 2-ს - ბაიდენს. ერთი მილიარდერი, რომელიც 2016 წელს არჩევნებზე არ წავიდა, 2020-შიც არ გეგმავს.
პოლიტიკური სიმპატიების კუთხით მხოლოდ ერთი ცვლილება დაფიქსირდა, მაიამელი დეველოპერი ხორხე პერესი, რომელმაც 2016 წელს ტრამპი აირჩია, დღეს მის მოწინაამღდეგეთა ბანაკშია. 2016 წელს მისი კომპანია დონალდ ტრამპის საარჩევნო შტაბთან მჭიდროდ თანამშრომლობდა, მაგრამ 2017-ში მექსიკასთან საზღვრის მშენებლობის იდეის გამო ის პრეზიდენტს დაუპირისპირდა. დღეს ის ხმას ჯო ბაიდენს აძლევს.
ცნობილ მილიარდერთა შორის გამოკითხვაში მონაწილეობა მიიღებს ხმის ჩამწერი სტუდია Geffen Records დამაარსებელმა დევიდ გეფენმა, ონლაინ განცხადებების საიტის Craigslist-ს შემქნელმა კრეიგნი უმარკმა და ნიუ-იორკელუმა დეველოპერმა დევიდ ვალენტსმა. სამივე ჯო ბაიდენის ამომრჩეველია. ასევე გამოკითხვის შეკითხვების უპასუხეს საბურავების გაყიდვის ქსელის Southern Tire Mart-ის თანამფლობელმა ტომას დაფიმ და ფინანსისტმა დონ ჰექნკიმ ლოს-ანჯელესიდან, ისინი ხმას დონალდ ტრაპმს აძლევენ.
გამოკითხვის მონაწილე დანარჩენმა მილიარდერებმა ანონიმურობა არჩიეს. თუმცა, ეს კვლევა ამერიკული მსხვილი ბიზნესის შეხედულებების კუთხით ამომწურავ სურათს არ ქმნის, მასში მონაწილეობა 600-დან მხოლოდ 42 მილიარდერმა მიიღო.
„ჩვენ პოლიტიკური საკითხებზე კომენტარებისგან თავს ვიკავებთ, რადგანაც ეს ყველასთვის საზიანო იქნებოდა“, - განუცხადებს Forbes-ს ერთ-ერთი მილიარდერის ოფისში.
მეორეს წარმომადგენელი უფრო კატეგორიული იყო - „დამიჯერეთ, ამაზე არ გიპასუხებთ“.
თუმცა, ასეა თუ ისე, ყველა, მათ შორის ისინი, ვინც გამოკითხვაში არ მონაწილეობდა, დაეთანხმა აზრს, რომ ეს მათ ცხოვრებაში ყველაზე მნიშვნელოვანი საპრეზიდენტო არჩევნები იქნება.
Forbes.com
თენგიზ აბლოთია