ლიონელ მესი მნიშვნელოვან წერტილს უახლოვდება - კარიერის მანძილზე მიღებულმა ჯამურმა შემოსავალმა მალე შესაძლოა მილიარდ დოლარს გადააჭარბოს.
მსოფლიო სპორტის ისტორიაში ეს მხოლოდ 4 ადამიანმა, მათ შორის ფეხბურთში მხოლოდ ერთმა - კრიშტიან რონადლუმ მოახერხა.
მილიარდერთა კლუბში გასაწევრიანებისთვის მას მხოლოდ ერთი რამ სჭირდება - არაფრის კეთება. საკმარისია მხოლოდ დარჩეს „ბარსელონა“-ს შემადგენლობაში 2020-2021 წლის სეზონის ბოლომდე, თუნდაც ისე, რომ სტადიონზე არც ერთხელ არ გამოჩნდეს - და მისი შემოსავალი 1 მილიარდ დოლარს თავისთავად გადააჭარბებს.
თუმცა, ესეც პრობლემაა - მესი თავის გუნდთან მწვავე კონფლიქტშია და მის დატოვებას დროზე ადრე გეგმავს. გუნდიდან დათქმულ ვადაზე ადრე წასვლა მის გამილიარდერების პერსპექტივას გაურკვეველი დროით გადაწევს, ან საერთოდ დაასამარებს.
„გლობალიზაციამ ფეხბურთი სპორტის ყველაზე მომგებიან სახეობად აქცია. იქ ძალიან სუსტია კონკურენცია, ხელფასებზე ლიმიტების არ არსებობს, და როგორც წესი, საუკეთესო ფეხბურთელები წარმოუდგენელ შემოთავაზებებს იღებენ“ - თვლის შტატ მიჩიგანის უნივერსიტეტის სპორტული მენეჯმენტის პედაგოგი სტეფან შიმანსკი.
მილიარდერი-სპორტსმენები, ანი ისინი, ვინც ქონება უშუალოდ სპორტული კარიერის დროს დააგროვეს - ერთეულებია.
2009 წელს სპორტის ისტორიაში პირველი მილიარდერი ამერიკელი ბეისბოლისტი ტაიგერ ვუდსი გახდა. მოკრივე ფლოიდ მეიუეზრემა ამ მიზანს 2017 წელს მიაღწია, როდესაც მენეჯერის მომსახურეობაზე უარი განაცხადა, და საკუთარ ბრძოლებს თავადვე გეგმავდა.
ლიონელ მესის მთავარი კონკურენტი კრიშტიან რონალდუ მილიარდერი 2019 წელს გახდა, მათ შორის 2019-2020 წლის სეზონს ხარჯზე, როდესაც მან ხელფასის და პრემიების სახით 105 მლნ. დოლარი მიიღო.
ასევე მილიარდერია კალათბურთელი მაიკლ ჯორდანი, რომლის შემოსავლის ძირითად წყაროს კლუბი “Charlotte hornets” წარმოადგეს, ხოლო “Chicago bulls”-ში და “Washington wizards”-ში 15 წლიანი კარიერის წყალობით მათ 550 მლნ. დოლარი გამოიმუშავა.
მესის მოხვედრა მილიარდერთა კლუბში 2009 წელს დაწყებული ყველა ძვირადღირებული საფეხბურთო საგას კულმინაცია გახდება. სწორედ მაშინ ის და რონალდუ აღმოჩნდნენ საპირისპირო მხარეებზე.
რონალდუ, რომელიც მესიზე 2 წლის უფროსია, ეფექტური პიარით და თვითრეკლამით გამოირჩევა, მაშინ, როდესაც არგენტინელი ფეხბურთელი შედარებით თავმდაბალი, და ძირითადად თამაშზე, და არა გარეგნობაზე კონცენტრირებულ ფეხბურთელად ითვლება.
რონალდუმ მოაგროვა 433 მლნ. ხელმომწერი Facebook-ში, Instagram-ში და Twitter-ში.
გარდა ამისა მან რეკლამის თვალსაზრისით ყველაზე მოთხოვნადი სპორტსმენის სტატუსსაც მიაღწია. მას სამუდამო კონტრაქტი აქვს Nike-თან, გრძელვადიანი შეთანხმება Herbalife-თან, ის ასევე ფლობს ბრენდს CR7, რომელიც ტანსაცმელს, პარფიუმს და სათვალეებს აწარმოებს, ასევე სასტუმროებს და სპორტულ დარბაზებს ფლობს.
სარეკლამო შემოსავლები არც მესისთვისაა უცხო ხილი - სასპონსორო კონტრაქტებით მისი ქონება წელიწადში 33 მლნ. დოლარით იზრდება. მას სამუდამო კონტრაქტი Adidas-თან ასევე ჩიპსების მწარმოებელ Lays-თან, Mastercard-თან, საათების მწარმოებელ в Jacob & Co-სთან, და ყატარის სატელეკომუნიკაციო კომპანიასთან აქვს.
გასულ კვირამდე ფეხბურთის თაყვანისმცემლები ელოდნენ, რომ არგენტინელი სპორტსმენი „ბარსელონასთან“ ხელს ახალ კონტრაქტს ძველი პირობებით მოაწერს. თუმცა, მისი კონფლიქტი გუნდთან საჯარო გახდა - ომი, რომელიც წელიწადზე მეტი გრძელდება, მწვრთნელის კრიტიკაში და თანაგუნდელებთან ურთიერთობების გაფუჭებაში გამოიხატება.
სად იქნება მესი „ბარსელონიდან“ წასვლის შემთხთვევაში - გაურკვეველია, თუმცა, ნაკლებად სავარაუდოა, რომ რომელიც კლუბი იმდენივეს გადაუხდის, რამდენსაც „ბარსელონა“.
თუ კატალონიური კლუბის ახალი მწვრთნელი რონალდ კუმანის გუნდში მშვიდობის აღდგენას მოახერხებს, შესაძლოა, უკვე 2020 წელს მესი მილიარდერი გახდება.
როგორც ჩანს ჰოლანდიელი სპეციალისტი ამისთვის მზადაა.
„მესი მსოფლიოში საუკეთესო ფეხბურთელია, და ჩვენ გვინდა, რომ ის არა ჩვენს წინაამღდეგ, არამდე ჩვენთან თამაშობდეს“ - განაცხადა კუმანმა.
მესის არჩევანის მიუხედავად, ფეხუბრთელებისთვის მილიარდერობის მიღწევა თითქმის შეუძლებელია - მსოფლიოს მესამე ყველაზე ძვირადღირებული ფეხბურთელის ბრაზილიელი ნეიმარის ქონება ჯერ მხოლოდ 450 მლნ. დოლარია.
მესი
