ჟურნალმა Forbes-მა, რეპ-მუსიკოსი კანიე ვესტი მილიარდერად აღიარა. გამოცემამ მისი ქონება 1,3 მილიარდ აშშ დოლარად შეაფასა.Forbes წერს, რომ გასულ წელს ვესტი აღშფოთებული იყო, რომ ჟურნალმა უარი თქვა მის მილიარდერად აღიარებაზე, ხოლო პლანეტის უმდიდრესი ადამიანების განახლებულ სიაში არ შეყვანამ რეპერი კიდევ უფრო აღაშფოთა, რის შემდეგაც იგი დათანხმდა, რომ გაეხსნა საკუთარი ფინანსური ანგარიშგება.
გამოცემის ცნობით, მუსიკოსი ამტკიცებს, რომ მისი ქონება 3 მილიარდ დოლარს აჭარბებს, თუმცა Forbes-ის თანახმად, ვესტის ქონება ოდნავ აღემატება 1 მილიარდ აშშ დოლარს.
ვესტის მიერ წარდგენილი დოკუმენტების თანახმად, 23 აპრილის მდგომარეობით, მას საბანკო ანგარიშებზე 17 მილიონი დოლარი ჰქონდა, ხოლო საფონდო ბაზარზე კიდევ 35 მილიონი დოლარის ინვესტიცია ჩადო. მუსიკოსი ასევე ფლობს სხვადასხვა უძრავ ქონებას, რომლის ღირებულებაა 81 მილიონი აშშ დოლარი და მიწის ნაკვეთს, რომელიც 21 მილიონ დოლარად არის შეფასებული. გარდა ამისა, კანიე ფლობს რამდენიმე მანქანას და ტანკს, ჯამში 3.84 მილიონი აშშ დოლარი. მისი ოჯახის შინაური ცხოველები, აგრეთვე მისი ცხენები და პირუტყვები ვაიომინგში, რეპერს 297 ათასი აშშ დოლარი დაუჯდა. მისი მუსიკალური ლეიბლის GOOD Music და საავტორო უფლებების ღირებულება კი მინიმუმ 90 მილიონ დოლარს შეადგენს.
ipress.ge