კრიპტოვალუტების პოპულარობასთან ერთად იმ ადამიანების ქონებაც იზრდება, ვინც თავის დროზე გარისკა და ვირტუალურ ფულში მილიონები ჩადო. დღეს მათი ქონება უკვე მილიარდებს შეადგენს.
1.კემერონ და ტაილერ უინკლვოსები - კრიპტოვალუტის აქტივების სავარაუდო მოცულობა 1,4-14 მლრდ. დოლარი
ეს მეწარმეები მსოფლიომ იმით გაიცნო, რომ მათ სოციალური ქსელის შექმნისთვის იმ დროს დამწყები პროგრამისტი მარკ ცუკერბერგი დაიქირავეს. შემდეგ მათ უჩივლეს Facebook-ის დამაარსებელს იდეის მოპარვის ბრალდებით და სავარაუდოდ, 11 მლნ. დოლარის კომპენსაციაც მიიღეს. მთელი თანხა მათ 2012 წელს ბიტკოინებში ჩადეს, რაც იმ დროს ძალიან დიდი რისკი იყო.
ვინკლვოსებმა კრიპტობირჟა Gemini დააარსეს, სადაც დღეში 300 მლნ. დოლარის გარიგებები ხორციელდება. 2013 წელს ტყუპები 11 მლნ . დოლარის ბიტკოინებს ფლობდნენ. მაშინ ერთი ბიტკოინი 120 დოლარ იღირდა. თუ დავუშვებთ, რომ მათ იმ აქტივების დიდი ნაწილი შეინარჩუნეს, გამოდის რომ ყოველი მათგანი 1,4 მლრდ. დოლარი კრიპტოაქტივებს ფლობს.
2. მეტიუ როსზაკი - კრიპტოვალუტის აქტივების სავარაუდო მოცულობა 1,2 მლრდ. დოლარი
2000-ნ წლებში როსზაკი ვენჩურული ინვესტიციების დარგში მუშაობდა და პირველი ბიტკოინები 2012 წელს იყიდა. დღეს ის კრიპტოვალუტების მომსახურეობის დარგში ერთ-ერთი ლიდერი კომპანიის Bloq-ს ფლობს.
Forbes-ის შეფასებით, მისი კრიპტოვალუტური კაპიტალი წლის მანძილზე 300 მლნ.-დან 1,2 მლრდ. დოლარამდე გაიზარდა.
3. ტიმ დრეიპერი, კრიპტოვალუტის აქტივების სავარაუდო მოცულობა 1,1 მლრდ. დოლარი
1985 წელს ის სილიკონის ველის ერთ-ერთი პირველი ვენჩურული ოჯახური ფონდის Draper Fisher Jurvetson-ის პარტნიორი გახდა. ფონდმა ინვესტიციები მრავალ სტარტაპში ჩადო, მათ შორის Tesla-ში.
2014 წელს დრაიპერმა 29 656 ბიტკოინი შეიძინა, თითო 632 დოლარად, ანუ ჯამურად 18,7 მლნ. დოლარად, დღეს ამ აქტივების ღირებულება 1.1 მლრდ.-მდე გაიზარდა.
„დოლარი - წარსულის, ხოლო ბიტკოინი - მომავლის ვალუტაა. დღეს ჩვენ დოლარიდან ბიტკოინზე გადასვლის პროცესს ვხედავთ, შესაბამისად, მებიტკოინების აქტივების ყიდვას ვაგრძელებ“ - განაცხადა დრაიპერმა.
4. მაიკლ სეილორი, კრიპტოვალუტის აქტივების სავარაუდო მოცულობა 600 მლნ. დოლარი
ანალიტიკური ფირმა MicroStrategy-ს დირექტორი მაიკლ სეილორი კრიპტო ბაზარზე 2020 წელს შემოვიდა, როდესაც კოლეგები 1,1 მლრდ. დოლარის ბიტკოინების ყიდვის მომგებიანობაში დაარწმუნა. 11 აგვისტოდან, როდესაც MicroStrategy-მ ბიტკოინების ყიდვა დაიწყო, მისი აქციები 400%-ით გაძვირდა. სეილორის თქმით, მან 17 732 ბიტკოინი 174 მლნ. დოლარად შეიძინა. დღეს ეს აქტივი 600 მლნ. დოლარამდე გაიზარდა და თუ გავითვალისწინებთ მის წილს MicroStrategy -ში, აშკარაა, რომ საქმე მილიარდერთან გვაქვს.
5. მარკ ნოვოგრაცი, კრიპტოვალუტის აქტივების სავარაუდო მოცულობა 487 მლნ. დოლარი
Goldman Sachs-ის ყოფილმა ტოპ-მენეჯერმა ნოვოგრაცმა 2013 წელს 7 მლნ. დოლარის ბიტკოინები იყიდა და ამ აქტივებით კრიპტოვალუტების სერვისის და ინვესტიციების კომპანია Galaxy Investment Partners შექმნა.
ღია ინფორმაციის თანახმად, კომპანიის კრიპტოაქტივების მოცულობა 621 მლნ. დოლარია, რაც 300%-ით მეტია, ვიდრე 3 თვის წინ. ნოვაგრაცი Galaxy-ის 77%-ს ფლობს, რაც შესაძლებელია 478 მლნ. დოლარად შეფასდეს. ეს მაჩვენებელი მის პირად საკუთრებაში მყოფ ბიტკოინებს არ ითვალისწინებს, რადგანაც მეწარმე ამ ინფორმაციას არ ასაჯაროებს.
6. ვიტალიკ ბუტერინი, კრიპტოვალუტის აქტივების სავარაუდო მოცულობა 300 მლნ. დოლარი
პოპულარობით მეორე კრიპტოვალუტის, ეთერიუმის შემქმნელი ვიტალიკ ბუტერინიც გამდიდრდა. ეთერიუმის კაპიტალიზაცია დღეს 123 მლრდ. დოლარად ფასდება. ბუტერინი მის მიერ შექმნილი კრიპტოვალუტის 360 მლნ. დოლარის ღირებულების აქტივებს ფლობს. 2019 წელს იგივე აქტივები 45 მლნ. დოლარი ღირდა.
თენგიზ აბლოთია
წყარო: forbes.ru