ამჯერად უკვე ოფიციალურად- კიმ კარდაშიანი და კანიე უესტი ერთმანეთს შორდებიან.

ჭორები ამ თემაზე დიდხანს ვრცელდებოდა, თუმცა, ამჯერად საქმემ ოფიციალური ხასიათი მიიღო - კიმ კარდაშიანმა 7-წლიანი თანაცხოვრების შემდეგ გაყრაზე განაცხადი უკვე შეიტანა.

ინფორმაცია ამის თაობაზე პირველმა საიტმა TMZ-მა გაავრცელა, კარდაშიანის წარმომადგენელმა ის დაადასტურა. მეუღლეები მშვიდობიან შორდებიან, და მათ 4 შვილზე ერთობლივ მეურვეობაზე შეთანხმდნენ.

თავის დროზე წყვილმა საქორწინო კონტრაქტი დადო რაც მათი ერთობლივი 2,1 მლრდ. დოლარის ღირებულების ქონების გაყოფას მნიშვნელოვნად გაამარტივებს. ორივე ცოლ-ქმარ საკუთარსაც და ერთობლივ აქტივებსაც ფლობს. სავარაუდოდ, მათი კერძო საკუთრება მათვე დარჩებათ, ისევე, როგორც ამ აქტივებიდან მიღებული შემოსავალი.

მაგალითად, კანიე უესტი ბრენდ Yeezy-ს, ხოლო კიმ კარდაშიანი - კოსმეტიკის მწარმოებელს KKW Beauty-ს ფლობს.

უფრო რთულადაა საქმე საერთო ქონების გაყოფის კუთხით, მათ შორისაა სასახლე კალიფორნიის საკურორტო ქალაქ კალაბასასში, სადაც მხოლოდ ერთი ნიჟარა 30 000 დოლარი ღირს. თუმცა, საერთო აქტივები მათი ჯამური ქონების მხოლოდ 5%-ს შეადგენს.

გაყრამდე ბოლო 6 თვე წყვილისთვის საკმაოდ მ მძიმე იყო. მათი ოჯახური პრობლემები სოციალურ ქსელებში გამოქვეყნდა, კანიე უესტი კი ცეცხლზე ნავთს თავისი საპრეზიდენტო კამპანიით ასხამდა.

ამ დროისთვის ისინი უკვე ცალ-ცალკე ცხოვრობენ - კიმ კარდაშიანი - ბავშვებთან ერთად კალაბასასში, ხოლო კანიე უესტი - სახლში შტატ ვაიომინგში. ბოლო თვეების მანძილზე ისინი თერაპევტთან დადიოდნენ, და ოჯახის შენარჩუნებას ცდილობდნენ.

Forbes -მა დაითვალა სავარაუდოდ, ვის რა ღირებულების ქონება დარჩება.

კანიე უესტის ქონება 1,3 მლრდ. დოლარს შეადგენს. ის თავის მეუღლეზე მდიდარი, თუმცა მისი აქტივების დიდი ნაწილი არალიკვიდურია.

მისი მთავარი აქტივია ფეხსაცმლის ბრენდი Yeezy, რომელიც 200-დოლარიანი სპორტული ფეხსაცმლითაა ცნობილი. თუმცა, პროდუქტს უშუალოდ აწარმოებს და ყიდის Adidas, ხოლო კანიე უესტი ბრენდის მოგების 11%-ს იღებს.

სადღეისოდ ბრენდის ღირებულება 1,26 მლრდ. დოლარია.

‘
კიმ კარდაშიანის ქონება ნაკლებია - 780 მლნ. დოლარი, თუმცა, მისი აქტივები ბევრად უფრო ლიკვიდურია, და მომხმარებელთა განწყობებზე ნაკლებადაა დამოკიდებული.

ისევე როგორც უესტის შემთხვევაში, კარდაშიანის ქონების დიდი ნაწილი საკუთარ ბრენდზე მოდის - კერძოდ, ის ფლობს 500 მლნ. დოლარად შეფასებულ წილს კოსმეტიკურ კომპანიაში KKW Beauty-ში.

კიდევ 250 მლნ. სხვა ინვესტიციებში და საბანკო ანგარიშებშია.

კარდაშიანმა მრავალმილიონიანი კაპიტალი ტელეშოუ „კარდაშიანების ოჯახი“-ს წყალობით დააგროვა. პროგრამა 13 წელი გაგრძელდა.

მეუღლეები რამდენიმე სახლს ფლობენ, და რამდენიმი იპოთეკური სესხი აქვთ აღებული. მათ უძრავ ქონებაში შედის უკვე ხსენებული მამული კალაბასასში, ორი რანჩო ვაიომინგში, და ბინა მაიამიში.

წყვილი ასევე 5 მლნ. დოლარის ხელოვნების ნიმუშებს, 4 მლნ. დოლარის ავტომობილებს, და 300 000 დოლარის მსხვილფეხა რქოსან პირუტყვს ფლობს.

მთელი ამ ქონების გაყოფა საქორწინო კონტრაქტის პირობებზეა დამოკიდებული, და სამშვიდობო შეთანხმებაზე ყოფილ მეუღლეებს შორის, რომლის მიღწევასაც მათი იურისტები მოახერხებენ.

სავარაუდოდ, ქონება 50-50-ზე გაიყოფა. ყოველ შემთხვევაში, ცალსახაა, რომ ნაწყენი არავინ დარჩება.

Forbes.com

მოამზადა თენგიზ აბლოთიამ