კომპანია PayPal მსოფლიოში საყოველთაოდ ცნობილია არა მხოლოდ როგორც ფულადი გზავნილების პირველი ონლაინ სერვისი, არამედ თავისი ე.წ. „მაფიით“ - ანუ, ყოფილი თანამშრომლებით, რომლებმაც მოგვიანებით მრავალი წარმატებული სტარტაპი ან დააარსეს, ან დააფინანსეს.
ამ „ბანდის“ ყველაზე ცნობილმა ბოსმა - ილონ მასკმა - „მაფიოზების“ ახალი თაობა აღზარდა, რომელიც დღეს უკვე მას კონკურენციას უწევს.
მასკის ყოფილმა თანამშრომლებმა ისეთი ცნობილი კომპანიები, როგორც Yelp, LinkedIn, Palantir და Affirm შექმნეს, ასევე ისინი ელექტრომობილების მწარმოებელ სხვა კომპამიებში მუშაობენ.
მათი მიზანია - გლობალური საავტომობილო ინდუსტრიის შეცვლა.
„მასკი ამას მარტო ვერ მოახერხებს“ - ამბობს Tesla Model S-ის პროექტის ყოფილი მთავარი ინჟინერი, დღეს კი ელექტრომობილების მწარმოებლის Lucid-ის დამაარსებელი და დირექტორი პიტერ როულინსონი.
„ეს ძალიან კარგი წრეა. ძალიან მიხარია, როდესაც ვხედავ, რომ ჩემმა ყოფილმა კოლეგებმა დიდ წარმატებებს მიაღწიეს“ - ამბობს მასკის კიდევ ერთი ყოფილი თანამშრომელი, უპილოტო ელექტრომობილების მწარმოებლის Aurora-ს დამაარსებელი სტერლინგ ანდერსონო.
როულინგი და ანდერსონი მზად არიან მასკთან კონკურენციისთვის. მათი კომპანიების ჯამურმა ღირებულებამ უკვე 30 მლრდ. დოლარს მიაღწია, და ეს - მხოლოდ დასაწყისია, და წვეთი ზღვაში Tesla-ს კაპიტალიზაციასთან შედარებით (780 მლრდ. დოლარი).
სტერლინგ ანდერსონმა ბოსტონის ტექნოლოგიური ინსტიტუტი დაამთავრა, და Tesla-ში 2013 წელს მივიდა. ის კროსოვერ Model X-ის და უპილოტო ტარების ტექნოლოგია Autopilot-ის შექმნაზე მუშაობდა.
„ეს ისევეა, როგორც ფრონტის ხაზზე სანგრებში ერთად ყოფნა. მძიმე პირობებში ადამიანებს შორის ყველაზე მჭიდრო კავშირები მყარდება“ - განაცხადა მან.
ანდერსონმა Tesla 2016 წელს დატოვა, და უპილოტო ავტომობილების მწარმოებელი კომპანია Aurora Innovation შექმნა. სტარტაპმა 1 მლრდ. დოლარის ინვესტიციები მიიღო, და 2020 დეკემბერს Uber-ის უპილოტო მანქანების მიმართულება შეიძინა. ამ გარიგების შემდეგ მისი ღირებულება 10 მლრდ. დოლარამდე გაიზარდა.
ილონ მასკის მაფიის კიდევ ერთი თვასაჩინო წარმომადგებეკია Sila Nanotechnologies დამაარსებელი და დირექტორი, უკრაინელი ჯინ ბედიჩევსკი, რომელიც Tesla-ში 2004 წელს, აკუმლატორების წარმოების განყოფილებაში მოვიდა.
მისი ძირითადი ინტერესი იყო ახალი, უფრო ეფექტური ლიტიუმ-იონური აკუმლატორების შექმნა, ვიდრე ის, რომელსაც იმ დროს Tesla აწარმოებდა.
ის კომპანიის პირველი ავტომობილის - Roadster-ის შექმნაშიც მონაწილებდა.
„Roadster-ის შექმნის შემდეგ არჩევანი მქონდა - წასვლა და საკუთარი სტარტაპის შექმნა, თუ დარჩენა და Model S-ზე მუშაობა» — ყვება ის.
ბოლოს და ბოლოს 2008 წელს ბერდიჩევსკიმ მასკის კომპანია დატოვა, და სტარტაპი
Sila Nano დააარსა, რომელიც აკუმლატორებისთვის საჭირო მასალებს აწარმოებს.
კომპანიამ 930 მლნ. დოლარის ინვესტიციები მიიზიდა, მისი ღირებულება კი 3,3 მლრდ. დოლარამდე გაიზარდა.
2024 წელს კომპანია მსხვილ ქარხანას ააშენებს.
Forbes.ru
მოამზადა თენგიზ აბლოთია