Google-ის თანადამფუძნებლის სერგეი ბრინის მეუღლე ანა ვოიჟიტოვსკი მილიარდერი გახდა მას შემდეგ, რაც მისი კომპანია 23andMe, რომლის პროფილიცაა გენეტიკური ტესტირება, ბირჟაზე გავიდა.

ამ დროისთვის ის უკვე იყო მულტიმილიონერი - 2020 წელს მან ამერიკის ყველაზე მდიდარ self-made ქალ-მეწარმეებს შორის 49–ე ადგილი დაიკავა - ამ კატეგორიაში შედიან ქალები, რომლებიც თავისით და არა მეუღლეებთან გაშორებით ან მემკვიდრეობის მიღებით გამდიდრდნენ.

23andMe ბირჟაზე ბრიტანელი მილიარდერის  რიჩარდ ბრენსონს კომპანია VG Acquisition-თან შერწყმით მოხვდა.

VG Acquisition არის SPAC - ანუ, Special purpose acquisition company — კომპანია აქტივების გარეშე, რომელიც  იქმნება მხოლოდ სხვა კომპანიის ბირჟაზე გაყვანის მიზნით. ანა ვიოჟიტსი გაერთიანებული კომპანიის 99 მლნ. აქციას ფლობს, და მისი წილი $11 მილიარდად  შეფასდა. 2019 წელს მისი ქონება $500 მლნ–ს შეადგენდა.

ის  პირველი ამერიკელი ქალია, რომელიც SPAC-თან შერწყმის შედეგად გახდა მილიარდერი.

Google-ის დამაარსებლის სერგეი ბრინის ექს-მეუღლე ანა ვოიჟიტოვსკიმ 23andMe 2006 წელს შექმნა. კომპანია კლიენტებს გენეტიკურ ტესტებს სთავაზობდა,  რომლებიც მათი ჯანმრთელობისთვის პოტენციური რისკების შესახებ აფრთხილებდნენ. რამდენიმე წლის შემდეგ ამერიკულმა რეგულატორმა სერვისის მუშაობა იმის გამო აკრძალა, რომ მის მიერ ჩატარებული კვლევების სიზუსტის დადგენა შეუძლებელია.

თუმცა, მალევე რეგულატორმა პოზიცია შეიცვალა და კომპანიას მუშაობის ნებართვა 10 მიმართულებით აღუდგინა.

2020 წელს 23andMe-ს შემოსავლები მკვეთრად შემცირდა და ზარალმა $117 მლნ შეადგინა. პანდემიის დაწყებამდე 1 თვით ადრე, იანვარში, კომპანიამ 100 თანამშრომელი დაითხოვა, რაც პერსონალის 14%-ს შეადგენდა.

უახლოეს მომავალში კომპანიას დამატებითი ზარალი მოელის, რადგანაც ის კვლევით მუშაობას აძლიერებს, ეს კი დიდ ხარჯებს მოითხოვს.

23andMe-ს გრძელვადიანი პერსპექტივები დამოკიდებული იქნება გენეტიკური ტესტირებიდან ფარმაკოლოგიურ ბიზნესში გადასვლის ტემპებზე და წარმატებაზე.

ამ დროისთვის კომპანიამ გენეტიკურ მონაცემებზე დაფუძნებული წამლების შექმნაზე კონტრაქტები ფარმაცევტულ კონცერნებთან  GSK და Almirall-თან გააფრომა.

მანამდე 23andMe-ს მენეჯმენტმა განაცხადა, რომ წამლების შექმნას დამოუკიდებლადაც გეგმავს.

წყარო: forbes.ru