მელანია ტრამპი მთელს მსოფლიოს დახვეწილი ჩაცმულობით დაამახსოვრდა, ახალი პირველი ლედი კი - საზოგადოებრივი რეფორმების მომხრე და აქტივისტია, რომელსაც არაერთი მიღწევა აქვს როგორც სოციალურ, ასევე საგანმანათლებლო სფეროში.
მის შესახებ ბევრი რამ უცნობია: გთავაზობთ მთავარ ფაქტებს აშშ-ს მომავალი პირველი ლედის შესახებ:
1.ჯილ ბაიდენი პედაგოგიური მეცნიერებების დოქტორია
„ჩემი ძირითადი საქმიანობა სწორედ პედაგოგიკაა, ეს არის ჩემი, როგორც პიროვნების მთავარი განმსაზღვრელი“ - განაცხადა მან.
ის სახელმწიფო სკოლაში, საზოგადოებრივ კოლეჯში და მოზარდებისთვის ფსიქიატრიულ საავადმყოფოში ასწავლიდა. 2007 წელს, 55 წლის ასაკში სადოქტორო დისერტაცია დაიცვა - ინგლისური ენის და ლიტერატურის დარგში.
2. ბოლო 40 წლის მანძილზე მუშაობა არც ერთი დღით არ შეუწყვეტია - მაშინაც კი, როდესაც მე-2 ლედი იყო
მცირეხნიანი შესვენება მხოლოდ 1981 წელს ჰქონდა - ქალიშვილის ეშლის დაბადების შემდეგ.
რამდენიმე წლის შემდეგ, მხოლოდ 2020 წელს, მეუღლესთან საარჩევნო კამპანიაში მონაწილეობის მიღებისთვის, შვებულება აიღო.
არჩევნების დასრულების შემდეგ ის თავის სამუშაოს ისევ დაუბრუნდა.
2009-2016 წლებში ჯო ბაიდენი ბარაკ ობამას ადმინისტრაციაში ვიცე-პრეზიდენტი იყო, მისი მეუღლე კი ამ დროს ვირჯინიის უნივერსიტეტში ინგლისურ ენას და ლიტერატურად ასწავლიდა.
„ჩემმა მეუღლემ არჩევნები რომც მოიგოს, მე მაინც პეგადოგად მუშაობას გავაგრძელებ - ეს ჩემი მთავარი მიზანია ცხოვრებაში“ - თქვა ჯილ ბაიდენმა
3. საზოგადოებრივი კოლეჯების სისტემას მხარს უჭერს
საზოგადოებრივი კოლეჯები შტატებში ახალგაზრდებს უფასოდ პროფესიული განათლების მიღების საშუალებას აძლევენ. სწავლება 2 წლის მანძილზე გრძელდება და შემდეგ უმაღლეს სასწავლებელში განათლების მიღების შესაძლებლობასაც იძლევა.
სწორედ ამ დარგის სპეციალისტია ჯილ ბაიდენი - მისი ერთ-ერთი დისერტაცია საზოგადოებრივი კოლეჯების საქმიანობას მიეძღვნა. ის მიიჩნევს, რომ რაც შეიძლება მეტმა ახალგაზრდამ უნდა მიიღოს პირველადი პროფესიული განათლება კოლეჯებში, რადგანაც იქ მიღებული პროფესია შესაძლოა მათ ცხოვრებაში გამოადგეთ.
ჯილ ბაიდენი ასევე მიიჩნევს, რომ კოლეჯები დიდი როლს ახალგაზრდებში კრიმინალის წინაამღდეგ ბრძოლაში თამაშობენ, თანაც ისინი სოციალურ ლიფტებს წარმოადგენენ.
4. იბრძვის სამხედროების უფლებებისთვის
ბაიდენების ოჯახის ერთ-ერთი შვილი - ბო - სამხედრო იყო, ჯილი კი - არასამთავრობი ორგანიზაცია Delaware Boots on the Ground-ის აქტივისტია. ეს ორგანიზაცია სამხედროების ინტერესებს იცავს.
მეორე ლედის სტატუსში ის ამერიკულ სამხედრო ბაზებს ხშირად სტუმრობდა, მათ შორის შტატებს გარეთ. მან ასევე დაწერა საბავშვო წიგნი „არ დაივიწყოთ ჩვენი ჯარისკაცები, ფარავდეთ მათ ღმერთი“ (Don’t Forget, God Bless Our Troops).
სამწუხაროდ, ბო ბაიდენი 2015 წელს ტვინის კიბოთ გარდაიცვალა.
5. დააარსა მკერდის კიბოს წინააღმღდეგ ბრძოლის პროგრამა
პროგრამა შეიქმნა მომავალი პირველი ლედის მშობლიურ შტატ დელავერში. მისი მეშვეობით 10 000-მა მოზარდმა გოგონამ მკერდის კიბოს ადრეული დიაგნოზი დაიდგინა.
ჯილ ბაიდენი ასევე ამ დაავადების პროფილაქტიკასთან დაკავშირებულ კვლევებს მხარს აქტიურად უჭერს.
6. მიშელ ობამა მას მაგალითად მიიჩნევს
ამერიკის პირველი და მეორე ლედი ბევრ რამეს ერთად აკეთებდნენ, მაგალითად მათ სამხედროების საზოგადოებაში მეტი ინტეგრაციისთვის პროგრამა Joining Forces Initiative დაარსეს.
მიშელ ობამას თქმით, ის ყოველთვის აღტაცებული იყო იმით, ჯილ ბაიდენი მეორე ლედის ფუნქციებს თავის სამუშაოსთან ათავსებს.
თეთრ სახლში დაბრუნების შემდეგ, სავარაუდოდ ჯილი და მიშელი ერთობლივ საქმიანობას კვლავაც გააგრძელებენ. ექსპერტებს აზრით, მათი თანამშრომლობის ძირითადი მიმართულებები განათლება და სამხედროების სოციალური მხარდაჭერა იქნება.
Forbes.ru
მოამზადა თენგიზ აბლოთიამ