პანდემიამ განვითარებულ ქვეყნებში უძრავ ქონებაზე ფასები ვერ ჩამოშალა, იმის მიუხედავად, რომ ასეთი მოლოდინები ნამდვილად იყო. 2020 წლის ბოლოსთვის, თითქმის ყველგან, მოთხოვნის შესაბამისად ფასების ზრდა დაფიქსირდა.
ეს ტენდენცია 2021 წელსაც გაგრძელდა. ძირითადი მიზეზია ე.წ. „გადადებული მოთხოვნაა“ - ბაზარზე ისინი დაბრუნდნენ, ვინც 2020 წელს ბინის ან სახლის ყიდვას აპირებდა, თუმცა, პანდემიის გამო ვერ მოახერხა.
კრიზისს ეკონომიკური მიზეზები არ ჰქონდა. პოტენციურ მყიდველებს ფული არ შემოაკლდათ და პანდემიის შესუსტებასთან ერთად, უძრავი ქონების ბაზარიც გამოცოცხლდა.
ამას ხელი რამდენიმე ფაქტორმაც შეუწყო კერძოდ, განვითარებული ქვეყნების მთავრობების მხრიდან მოსახლეობის და ბიზნესისთვის უპრეცედენტო მასშტაბის ფინანსური დახმარების გაწევამ და იპოთეკაზე დაბალმა პროცენტებმა - 1,5-2,5% წელიწადში. ევროპაში დეპოზიტებზე თითქმის ნულოვანი მოგება უძრავი ქონების შეძენისთვის ერთ-ერთი საუკეთესო არგუმენტია ამიტომაც, ვისაც დანაზოგები აქვს, ყველა არა ბანკში ფულის ჩადებას, არამედ ბინის ან სახლის ყიდვას ცდილობს.
თუმცა, ეს ჯერ მხოლოდ პროცესის დასაწყისია, როდესაც ევროპაში საზღვრები ბოლოს და ბოლოს გაიხსნება, გარიგებების რაოდენობა უცხოელების ხარჯზეც მკვეთრად გაიზრდება - პირველ რიგში ეს საკურორტო ქალაქების და ისეთ მსხვილ მეგაპოლისებს შეეხებათ, როგორიც არის ლონდონი, პარიზი, ან ნიუ-იორკი.
შტატებში ამჟამად უძრავი ქონების ყიდვა აქტიურად განახლდა. მიწოდების დეფიციტმა და იაფმა იპოთეკამ მოთხოვნის სწრაფი ზრდა გამოიწვიეს. Realtor.com-ის ინფორმაციით, აშშ-ში უძრავი ქონება 2020 წლის იანვართან შედარებით 15%-ით გაძვირდა. პარალელურად იპოთეკის პროცენტულმა განაკვეთმა 50 წლიან მინიმუმს, 2,75%-ს- მიაღწია.
დეფიციტი სულ უფრო შესამჩნევი ხდება. იანვარში წინა წლის ანალოგიურ პერიოდთან შედარებით მიწოდება 43%-ით შემცირდა, რაც მოთხოვნის მატების პირობებში, ფასებსაც ავტომატურად ზრდის.
ბრიტანეთში 1 წლის მანძილზე უძრავი ქონება 7.35-ით გაძვირდა, რაც ზრდის ყველაზე მაღალი მაჩვენებელია ბოლო 6 წლის მანძილზე.
ესპანეთში ზრდამ 1,6% შეადგინა და დღეს ქვეყანაში 1 კვ.მ. საშუალოდ 1786 ევრო ღირს. ექსპერტების აზრით, ზრდა 2021 წელსაც გაგრძელდება. დღეისთვის მადრიდში 1 კვ. მ. საშუალოდ 3700 ევრო ღირს, ხოლო ბარსელონაში - 4000.
საგულისხმოა, რომ ქვეყნის მასშტაბში გაძვირების მიუხედავად, მადრიდსა და ბარსელონაში ფასები მცირედით - 1,3% და 2,6%-ით გაიაფდა.
2020 წლის იანვართან შედარებით საფრანგეთში სახლები საშუალოდ 6,1%-ით, ბინები კი 6,65-ით გაძვირდა.
მარტში, ლოკდაუნის გამოცხადების შემდეგ, უძრავი ქონების ბაზარზე გარიგებების რაოდენობა მკვეთრად შემცირდა, აპრილ-ივლისის პერიოდში კი 460%-ით ავარდა, მაგრამ სექტემბრის მონაცემებით საბოლოოდ ვარდნამ 14% შეადგინა.
თუმცა, წლის ბოლოსთვის ბაზარი გამოცოცხლდა, ხოლო პარიზში უძრავი ქონება 7,6%-ით გაძვირდა, საშუალოდ 1 კვ.მ.-ზე 12 873 დოლარამდე.
რიელტორები ასევე აღნიშნავენ, რომ პანდემიის პირობებში მკვეთრად გაიზარდა მოთხოვნა კერძო სახლებზე პროვინციაში. კერძოდ, სახლის აშენების მიზნით მიწაზე მოთხოვნა 63%-ით გაზრდილია.
გერმანიაში მოთხოვნა კვლავაც მიწოდებას აჭარბებს. რიელტორული კომპანია Guthmann-ის ინფორმაციით, ბერლინში დეფიციტი 200 000 ბინას შეადგენს, მაშინ, როდესაც ბოლო 12 თვის მანძილზე გასაყიდად გატანილ იქნება მხოლოდ 35 000 ბინა.
ფასები როგორც ახალ, ასევე მეორად ბინებზე გაზრდილი. ბერლინის ახალ ბინებში 1 კვ. მ.-ს ღირებულება წინა წლის ანალოგიურ პერიოდთან შედარებით 7,5%-ით, 6800 ევრომდეა გაზრდილი, ხოლო მეორად ბაზარზე 6,15-ით, 5000 ევრომდე.
წყარო: forbes.ru
უძრავი ქონება
