როდესაც საუბარია ბრენდების ღირებულებაზე - მოწინავე  IT-კომპანიები უპირობო ლიდერები არიან - რეიტინგში მათ პირველი 5 პოზიცია უჭირავთ ისევე, როგორც 2019 წელს.

2020 წლის ყველაზე ძვირადღირებული ბრენდების ათეული ასე გამოიყურება:

Apple — $241,2 მლრდ. (+17%);

Google — $207,5 მლრდ. (+24%);

Microsoft — $162,9 მლრდ. (+30%);

Amazon — $135,4 მლრდ. (+40%);

Facebook — $70,3 მლრდ. (-21%);

Coca-Cola — $64,4 მლრდ. (+9%);

Disney — $61,3 მლრდ. (+18%);

Samsung — $50,4 მლრდ. (-5%);

Louis Vuitton — $47,2 მლრდ. (+20%);

McDonald's — $46,1 მლრდ. (+5%).

მთლიანი რეიტინგი 100 ბრენდისგან შედგება, მათი ჯამური ღირებულება წლის მანძილზე 2,3 ტრლნ.-დან 2,5 ტრლნ.-მდე გაიზარდა. მათ შორის 50 - ამერიკულია, 6 იაპონური, 10 გერმანული, 5 - შვეიცარიული.

ლიდერ-ბრენდებს შორის 20-ი  მაღალ ტექნოლოგიებს, 14 ფინანსებს, 11 ავტომრეწველობას, 8 - ვაჭრობას წარმოადგენს.

ზრდადი ბრენდები

რამდენიმე ბრენდის პოზიციები წლის მანძილზე მნიშვნელოვნად შეიცვალა  -  Visa 25-დან მე-18-მდე, Adidas — 61-დან 51-მდე,  Netflix -  38-დან  26-ემდე, Chanel 79-დან  52-მდე,  Cartier —  64-დან  56-მდე დაწინაურდნენ.

პოზიციები მნიშვნელოვნად Walmart-აც გაიუმჯობესა  ბრენდი 12%-ით 29,5 მლრდ. დოლარამდე გაძვირდა.

«Walmart მიწოდების სისტემის მოდერნიზებაზე აქტიურად მუშაობს, და ამ ბაზარზე მას კონკურირება Amazon-თან უწევს. ეს ძალიან რთული საქმეა, თუმცა Walmart მარტივად არ ნებდება“  - განაცხადა კომპანის დირექტორმა დუგლას მაკმილონმა.

გამარჯვებულები და დამარცხებულები

ამ წლის რეიტინგში რამდენიმე ახალბედა ბრენდიც გამოჩნდა - Nintendo, Hennessy, Burger King და AXA. პრესტიჟული სია ისეთმა ბრენდებმა დატოვეს,  როგორც Phillips, Hewlett Packard Enterprise,  Nissan და  Kellogg’s.

ჩამორჩენილები

რამდენიმე ბრენდი, განსაკუთებით ავტომრეწველები, სიაში დარჩნენ, თუმცა, პოზიციები გაიუარესეს - მაგალითად,  Mercedes-Benz  21-დან 27-ე პოზიციამდე ჩამოქვეითდა.

პოზიციები გაიუარესა  ბანკმა Wells Fargo-მ  ( 42-დან 69-მდე) და ფასტ-ფუდების ქსელმა KFC ( 86-დან 96-მდე).

დაზარალებულებს შორის ლეგენდარული IT-კომპანიებიც არიან - GE, HP და IBM, რომელთა ღირებულება 14%, 12% და  10% გაიაფდა.

ღირებულების ნაწილი ახლებთან კონკურენციაში ისეთმა ძველმა ბრენდებმა დაკარგეს, როგორც  Gillette, რომელსაც სტარტაპ Harry’s-სთან მძიმე ბრძოლა უწევს.

კორონავირუსი და გლობალური კრიზისი ბიზნესზე ზემოქმედების მოხდენას კვლავ აგრძელებს, შესაბამისად, მომავალი წლის რეიტინგი შესაძლოა სხვანაირი იყოს. თუმცა, დღევანდელი ტენდენციის მიხედვით, სავარაუდოდ, კორონაკრიზისიდან გამარჯვებულები ისევ ის კომპანიები გამოვლენ, ვინც 2019 წელს იზრდებოდა -  პანდემიის დროს ონლაინ-ვაჭრობის, სტრიმინგის, და საგადამხდელო სისტემების პოპულარობა არათუ არ დაეცა, არამედ გაიზარდა.

მოამზადა თენგიზ აბლოთიამ

forbes.ru