Tesla-ს აქციების ფასის მკვეთრი ზრდის მიუხედავად, კომპანიის დამაარსებელი და გენერალური დირექტორი ილონ მასკი მსოფლიოში მეორე ყველაზე მდიდარი ადამიანი მაინც არაა, როგორც ამის შესახებ მსოფლიოს Bloomberg-მა აუწყა. ასეთი დასკვნა ჟურნალ Forbes-მა გააკეთა.
მისი გათვლებით, მასკი მსოფლიოში უმდიდრეს ადამიანთა რეიტინგში არა მეორე, არამდე მესამე ადგილზეა. მისი ქონება 126,8 მლრდ. დოლარს შეადგენს და მას Amazon-ის დამაარსებელი ჯეფბეზოსი (182 მლრდ.) და ფრანგული LVMH (Louis VuittonMoët Hennessy) მფლობელი ბერნარ არნო (140,6 მლრდ.) უსწრებენ.
24 ნოემბერს Bloomberg წერდა, რომ მასკმა ბილ გეითს გაუსწრო და მილიარდერებს შორის მეორე ადგილზე გავიდა. Microsoft-ის შემქნელმა კი, ამ რეიტინგით, მესამე ადგილი დაიკავა. მისი ქონება 127,7 მლრდ, დოლარად შეფასდა, მაშინ როდესაც მასკის - 127,9 მლრდ.
Forbes-ის დასკვნის თანახმად, ილონ მასკი რა თქმა უნდა, ძალიან მდიდარია. თუმცა, მისი ქონება თითქმის 1 მლრდ. დოლარით ნაკლებია და ის არა მეორე, არამედ მესამე ადგილზეა. ჟურნალის ექსპერტმა ეს მოსაზრება რამდენიმე ფაქტორით ახსნეს. ჯერ ერთი, Tesla-ში წილის თითქმის ნახევარი დაგირავებულია მასკის პირადი სესხების უზრუნველყოფაში, შესაბამისად, ის 25%-ით ნაკლებია, ვიდრე Bloomberg-მა დაითვალა. მეორეც, Forbes ასევე 10%-ით ნაკლებად აფასებს მასკის წილს SpaceX-ში - აეროკოსმოსური კონცერნის ღირებულება 46 მლრდ, დოლარს შეადგენს, მასკის წილი კი 48%, ანუ, 20 მლრდ, დოლარია.
Tesla-ს მოგება სტაბილურად იზრდება უკვე მეხუთე კვარტალი ზედიზედ. კომპანიის აქციების ზრდის წყალობით, მასკის ქონება რამდენიმე დღეში 13,5 მლრდ. დოლარით გაიზარდა. გაყიდვების ზრდის გარდა ამას ასევე ხელი შეუწყო ინფორმაციამ, რომ კომპანია წლის ბოლომდე ამერიკის უმსხვილესი კომპანიების ინდექს S&P-ში შევა.
მანამდე მასკმა მარკ ცუკერბეგრს გაუსწრო, 19 ნოემბერს Facebook-ის დამაარსებლის ქონებამ 103 მლრდ. დოლარი შეადგინა.
49 წლის ილონ მასკი Tesla-ს აქციების 21%-ს ფლობს. 2020 წლის მანძილზე ავტოგიგანტის ღირებულება 460%-ით გაიზარდა, შესაბამისად, ამ წელს ავტომწარმოებლის კაპიტალიზაციის ზრდის წყალობით, 100 მლრდ. დოლარით გამდიდრდა. მეტად, ვიდრე რომელიმე სხვა მილიარდერი.
Tesla Motors ილონ მასკმა 2003 წელს შექმნა. კომპანიის საქმიანობის ძირითადი მიმართულებებია ელექტრომობილების და მასთან დაკავშირებული ტექნოლოგიების, ასევე მზის ბატარეების დამუშავება და წარმოება.
forbes.com
თენგიზ აბლოთია