ჯეკ მა - მსოფლიოში ყველაზე ცნობილი ჩინელი ბიზნესმენია. მან თანამედროვე ჩინეთის ცხოვრების წესი შეცვალა - სწორედ ჯეკ მამ მიაჩვია ჩინელები ინტერნეტს, დანერგა ონლაინ-ვაჭრობა, ონლაინ ანგარიშსწორება და ა.შ.
ის ხშირად გამოდის სტუდენტების წინაშე და მათ თავიანთ გამოცდილებას უზიარებს. აი მისი რჩევების და რეკომენდაციების მცირე ნაწილი:
1. სიღარიბე
თქვენ ღარიბები იმიტომ ხართ, რომ ამბიციები გაკლიათ. თქვენს მომავალს თქვენივე ამბიციების ძალა განსაზღვრავს.
ამბიციები - ეს არის ის თვისება, რომელიც ადამიანებს წარმატების მიღწევაში ეხმარება. როდესაც Alibaba-ს ვქმნიდი, ბევრმა მეგობარმა და ახლობელმა ამ იდეისთვის თავის დანებება მირჩია. მე ეს საქმე იმიტომ კი არ გავაგრძელე, რომ ჩემი ჩანაფიქრის გენიალურობაში დარწმუნებული ვიყავი, არამედ იმიტომ, რომ წააგებ თუ მოიგებ - ეს უკვე გამოცდილებაა და შესაბამისად, გარკვეულწილად გამარჯვებაც.
თქვენ ღარიბები იმიტომ ხართ, რომ არასაკმარისად ცდილობთ იყოთ მდიდრები, არ გყოფნით გამბედაობა დაისახოთ მართლაც დიდი მიზანი. თქვენ ღარიბები ხართ იმიტომ, რომ ამ გყოფნით გამბედაობა, შეუძლებელი შესაძლებლად აქციოთ.
თუ თქვენ საკმარისად ამბიციური ხართ, რისკზეც წახვალთ, რისკის გარეშე კი წარმატება შეუძლებელია.
თუ თქვენ 35 წლის ხართ და ვერაფერს ვერ მიაღწიეთ - არავინ შეგიცოდებთ. სამყარო ისეა მოწყობილი, რომ გაქვთ მხოლოდ 2 ვარიანტი - ან იზრდებით, ან იღუპებით. მოლოდინი - ეს თქვენი ახალგაზრდა წლების დაკარგვაა.
2. ოცნება
რამეს რომ მიაღწიოთ - უნდა გქონდეთ ოცნება. 1995 წელს მე ვიმოგზაურე შტატებში და აღმოვაჩინე ინტერნეტი. ჩინეთში დაბრუნების შემდეგ შევატყობინე მეგობრებს, რომ უნივერსიტეტის მიტოვებას და ინტერნეტ-კომპანიის შექმნას ვაპირებ. 24 ადამიანიდან 23 ამის წინაამღდეგი იყო და მხოლოდ 1-მა მოიწონა ჩემი იდეა.
დღესაც მე ვხედავ უამრავ ჭკვიან ახალგაზრდა ადამიანს, რომელიც ღამ-ღამობით ათას სხვადასხვა გზაზე ფიქრობს, მაგრამ დილით უკვე გაკვალული გზით მიდის. თუ თქვენ არ დაიწყებთ მოქმედებას იმისთვის, რომ თქვენი ოცნება აღასრულოთ, შანსი არასდროს გექნებათ.
3. სიზარმაცე
იმისთვის, რომ წარმატებას მიაღწიო, გარკვეულწილად ზარმაცი უნდა იყო. ეს თავისებური სიზარმაცეა და ამ თვისებაში უმაღლესი მწვერვალის დაპყრობა უნდა ისწავლოთ.
გახსოვთ ჰენრი ედისონის სიტყვები - „გენიოსი არის 1% ნიჭი, და 99% შრომა“? წლების მანძილზე ამ მცდარი აზრის ტყვეობაში ვიყავი - ბევრს ვშრომობდი, თუმცა, უშედეგოდ.
წარმატება არაა შრომა. ამბობენ, რომ მოძრაობა - თავად ცხოვრებაა, მაგრამ ვინმეს გინახიათ სპორტსმენი, რომელიც დიდხანს ცხოვრობდა?
რეალობაში კი პროგრესს წინ ჭკვიანი და ზარმაცი ადამიანები ექაჩებიან.
მათ ზედა სართულებზე ფეხით ასვლა ეზარებათ - ამიტომაც გამოიგონეს ლიფტი.
მათ ფეხით სიარული ეზარებათ - ამიტომაც გამოიგონეს მანქანები, მატარებლები და თვითმფრინავები.
მათ ადამიანების სათითაოდ მოკვლა ეზარებათ - ამიტომაც გამოიგონეს ატომური ბომბი.
მათ ყოველდღიური გათვლების კეთება ეზარებათ - ამიტომაც გამოიგონეს მათემატიკური ფორმულები.
მათ კონცერტებზე სიარული ეზარებათ - ამიტომაც გამოიგონეს აუდიოკასეტები და დისკები.
დედამიწაზე ყველა დიდხანს ცხოვრობს კუ, რომელიც საერთოდ არ მოძრაობს, ერთ ადგილას დგას, და საბოლოო ჯამში ასეული წლები ცოცხლობს.
ნებისმიერ ოფისში თანამშრომელი, რომელიც ყველაზე ადრე მოდის და ყველაზე გვიან მიდის - სულაც არაა ყველაზე მდიდარი. მასზე გაცილებით უფრო მდიდარია ის, ვინც მთელი დღე არაფერს აკეთებს და სამსახურში ყველაზე გვიან მოდის.
ზარმაცი - არა უბრალოდ ზარმაცია. უნდა იცოდეთ როგორ იყო ზარმაცები, ეს არაა მარტივი. მე ძალიან ზარმაცი ვარ, წონაშიც კი ვერ მოვიმატე და კუნთები ვერ გავიზარდე. აი ესაა სიზარმაცის უმაღლესი დონე!
forbes